السلام عليكم ورحمة الله تعالى وبركاته

موضوع فيه وجهة نظر
لكن انا عندي وجهة نظر مخالفة لمحور الموضوع

انا شخص كنت ولازلت ضد التعدد
لأسباب كثيرة من اهمها مخافة العدل بينهم!! والله ياخوي واحدنا يالله يشيل ذنوبة الشخصية فما بالك لو يحطلة حرمتين والا ثلاث ويشيل ذنوب عدم العدل بينهن!! والعدل في هالزمن قليل وناااادر حييل!! حنا بصلة ارحامنا نقصر وأقرب قريب من اهلنا احيان مانعطية حقة بالشكل الحقيقي بسبب هالدنيا والظروف فما بالك لما تكون برقبتك ثلاث حريم وبزران!! وين تقطع نفسك لهم!!

اما معادلة اضرب الحديد بالحديد هاذي اذا بتتعامل معها في حياتك وتخليها قاعدة لك بتتعب وبعمرك ماراح توصل لحل!! وبتقعد طول عمرك مع هالحديد لين ينهد حيلك والحديد مايرحم!! وصدقني وخذها قاعدة أحيان الحديد اذا تركتة واهملتة يصدأ ويخرب لكن إذا سويتلة صيانة وحافظت علية بيقعد يتبارق ويلمع ويحافظ على جودتة وادائة ويغنيك عن حديد واجد منت بحاجتة!!

وإذا عندك طاقة للزواج من اخرى خل يصيرلك طاقة انك تصلح زوجتك!!زوجتك اولى في انك تصلحها لانك عارف خيرها وشرها واحسن من انك تقطلك خساير انت بغنى عنهن مع وحدة يمكن تطلع النون ومايعلمون!!

والأفضل للرجال وانا والله لهم ناصح انهم قبل لايتزوجون يتعبون على اختيارهم لو يقعدون سنة كاملة يبحثون عن اللي يبونها وبمساعدة اهلهم طبعاً ، والحريم مثل الرياجيل فيهن الزين وفيهن الشين!! ف أسعوا للمواصفات اللي تبونها في شخصية المرأة قبل لايكون في شكلها مع الدعاء والإستغفار وفالكم بإذن الله طيب ومابتحتاجون لاضرب ولا حديد ولاحياة النكد هاذي كلها.

__________________
استغفر الله واتوب إليه