لما أفكر في حياتي.أشوف إني عايشة وفقا لآراء و مبادئ شخص ثاني مو أنا. و هني أظل زعلانة على نفسي.
كثير ودي في أشياء عادية،و تكون ممنوعة.مثلا: حبيبي أبغي كاميرا<<أكون ناوية انها تكون من فلوس المنحة.
و يجي الرد: ليش الكاميرا،شتسوين فيها؟ لو بس شفتين الناس قلتين تبغين.<<لاحظي

حبيبي خاطري آخذ كورس انجلينيزي.يجي الرد: بدل كورس الانجلينيزي روحي اخذي لج كورس في اشياء دينية.بدل هالاماكن المختلطة و بنات وشباب معكم في الكلاس. علما بأني قاعدة أدرس في مركز تجويد قرآن. طيب حتى يوم كنت في الجامعة جذي كان الوضع. يرد/ الجامعة كان شيء مجبورة عليه،هذا مو مجبورة عليه،و لا تقعدين تنكدين علينا،و تحبين تخليني أعصب ووووو
و يشتط غضبا ويمكن حتى ما يكلمني أيااااام.

يعني أما أصير مثل الي يبغى اهو و يفكر هو:يبغيني نسخة منه و من أفكاره و ميوله و اعتقاداته و إلا فالويل لي.