|
|
16-11-2013, 06:21 PM
|
المشاركة الأصلية كتبت بواسطة Raouf
ردك ده مش عاجبنى يامهره التوازن والاصول هى التى يجب ان تسود لا احب هذا رد فعل مره فكرت ان اتزوج ثانية وهى عرفت فوجئت بانها تطلب ان اكتب الشقه الاخرى باسم ابنى وان اضع الاموال بالبنوك باسم الاولاد .. طبعا لم استسغ طلبها ولم اوافق عليه ولم اتزوج ثانية |
16-11-2013, 07:10 PM
|
المشاركة الأصلية كتبت بواسطة مهره
معقول تفتكر اني هعمل حاجة بعيد عن الأصول يا خالو؟
أنا مش في نيتي أحرمها من أي حق من حقوقها .. وأعوذ بالله أن أفعل .. وانت فاكر اني لما فكرت في حكاية بيتي واني اطلب انه يكتبه باسمي استشرت شيخ وقتها .. ولما نصحني بأن الأولى والأحسن اني ما اطلبش الطلب ده قلت سمعاً وطاعة .. ونسيت الموضوع تماماً. أنا حتى ما بافكرش هي بتاخذ إيه .. وإن كان أكتر أو أقل؟ ولا حتى في نيتي أتدخل في أي حاجة تخصه هو .. بدليل إن البيت اللي هو ناوي يبينه هيعمله على الأرض اللي المفروض انه اشتراها من كم سنة لمستقبل سلطان .. ورغم كده سكت ولا كأني عرفت حاجة .. وقلت لنفسي: الفلوس فلوسه والأرض أرضه والتعب تعبه .. وكمان العيال عياله وأكيد مش هيظلمهم. كل اللي باعمله اني باطلب بس .. مش من حقي؟! وصح زي ما قلت .. في الأحوال العادية كان ممكن اجيب كل ده من فلوسي .. ووالله يا خالو طول العشر سنوات اللي فاتو عمري ما طلبت أي حاجة كمالية منه .. مثلاً تلفوناتي كلها من فلوسي أو مصروفي .. اللاب توب القديم والكمبيوتر اللي قبله بفلوسي .. وكان باقي عندي مبلغ رحت اشتريت بيه دهب عشان أشبع الحالة الغريبة اللي جتني فجأة وبقيت نفسي في الدهب .. حتى السيارة اللي هو اشتراهالي من كم سنة والله ما كنت متوقعة انه يشتريها وأنا من الأساس كنت عاملة حسابي ابيع السيارة القديمة وازيد عليها واشتري لي وحدة جديدة .... يعني عمري ما ثقّلت عليه في الأمور الكمالية أبداً .. وحتى الأمور الضرورية والله كنت باطلبها وانا مكسوفة. أنا مش عايزة أسحب فلوسه يا خالو .. ولا حتى سمعت كلام كل اللي قالو لي: اطلبي كل اللي انتي عايزاه وانتي أولى بفلوسه .. مع ان أول حد قال لي كده كانت أمه واخواته .... لكني دلوقتي محتاجة اسمع كلمة: حاضر .. من عيوني ...... كتير؟ |
16-11-2013, 08:44 PM
|
المشاركة الأصلية كتبت بواسطة Raouf
لا مش كتير الله يباركلك فى جوزك وعيالك اللى زيك عمره ماينضام وحقك حايجيلك لغاية عندك .. ربنا يكملك بعقلك ويهدى سرك |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور