والله يااختي اعذريني على صراحتي
كلامك غريب ... وعنوان الموضوع غير منطقي ويوحي بغير ماكتبتيه
توقعت يكون خطيبك خاين فاما تنفصلي او تعيشي بخيانته !!!
وانت باخر الموضوع ختمتي انو اما تنفصلي او تخونيه !!!!
هوة يعني كل وحدة زوجها مقصر عاطفيا يصير قدامها خيارين اما الانفصال او الخيانة

بشوف حوالية اغلب الستات عايشين بنقص عاطفي لكنهم مستورات وعفيفات وصابرات
البنت المربية الاصيلة بنت الاصول ماعمرها تخون زوجها ولو كان شيطان على هيئة بشر
لااقصدك خصوصا ... ولك كل الاحترام بس حبيت اوضحلك قصة الانفصال والخيانة والعاطفة !

بالنسبة لكل كلامك مافي شي يستدعي الانفصال وصراحة حاساكي مش مقدرة مشاعره ولا ظروفه
حاسة فيكي انانية و سطحية في التفكير
انت مش ذنبك انو متحمل مسؤولية اهله ... طبعا مالك ذنب
بس انت قبلانة هلأ فيه وصرتي زوجته بعقد القران
مفروض يكبر بعينك ... كل الي بعمله في ميزان حسناته و بكره ربنا بعطيه على قد نيته واكتر لانو انسان طيب
كون انو اخوته مش مهتمين لايعني انو زوجك اهبل او مش داري عن نفسه
هوة عايز الجنة وعايز يكونله صدقة جارية باحسانه لاخوته
عايز ياخد ثواب .. في الواقع والصح انو هوة الكسبان واخواته المطنشين هما الخسرانين
وكم سنة واخواته بكبرو وبروحو لحالهم وطريقهم في الحياة ... بس الخير بعمرو مابروح و بضلهم يتذكرو انو كان الهم كل شيء
وحتى لو ماتذكرو فرب العالمين مابنسا
وبنفس الوقت مابحقلو يقصر معك ... عشانهم
لكن اكيد حيكون في انشغال و تقصير بعض الاحيان
والامور العاطفية بتتضح اكتر وتبان وقت الزواج بتصيرو في بيت واحد و العشرة والحب و الانسجام بكون غير تماما
زوجك واضح انو عملي وعليه انشغالات كتير مش فاضي بس ل بحبك وحبيني
وانت بنظرك مقصر ... لكن في الواقع يمكن هوة مش مقصر لانو بشكل عام الرجال مش زينا فاضيين للحب وبس والكلام العاطفي

وخدي في بالك انو الحب و العاطفة كمان افعال مش بس كلام
كوني ايجابية ...
قصص الماديات و الفلوس والشحن والهدايا ... الواضح انو الزلمة على قد حاله وعليه مسؤوليات كتيرة
ويبدو انو هي قدرته ليش تحرجيه؟؟؟
ماترجعي تقولي وانا شو ذنبي بمسؤولياته؟؟
ازا لهدرجة مش قادرة تتحملي وعايزاه يكون الك انت وبس خلص اتركيه وشوفي غيره ... !

وممكن جدا تخطبي انسان فاضي و جيبته مليانة وبرضو ماتلاقيه منو كل كلام الحب الي تتمنيه
لانو الرجال اغلبهم مختلفين ومابحكو كتير ... افعالهم تدل والبنت الزكية بتفهم كيف زوجها بحبها من تصرفاته
شو بدك في واحد يغرقك كلام حب وبالاخر افعاله مابتدل على اشي من الحب
نصيحتي الاخيرة الك ... زوجك اصيل ومابنخاف منه و متحمل مسؤولية ورجال قدها واكتر
وهالنوع في هالزمن نادر ... وهادا النوع هوة الي بنفعك في المستقبل للشدائد والحياة و بناء الاسرة
وبنفس الوقت بتعيشي سعيدة معاه مرتاحة مطمنة ومش خايفة من المستقبل
شباب الايام هي اففف عليهم اغلبهم تافهين ومش حمل زواج ومسؤولية شوفي مشاكل البنات كتييييييييير ازواج
متنصلين من مسؤولياتهم و مش مدرين الا على حالهم

تمسكي فيه والله انو هدية الله الك ...
وسامحيني انا ماقسيت عليكي ولا هاجمتك بس حكتلك الصراحة والواقع موفقة يارب

__________________