والله الذي لا إله إلا هو أمي تتصل علي بشكل جنوني حتى بنص الليل وبدون أي سبب
وتتصل بجوال زوجي بدون ماتراعي الوقت ولا أي اعتبارات أخرى
طيعا مافي أي سبب ولا أي داعي للإتصالات الكثيرة غير إنها تتطمن علينا وتشوف احنا فين وايش بنسوي
يعني قمة اﻹحراج مع زوجي،
لكن زوجي اللهم لك الحمد اتفهم الموضوع واتفهم اسلوبها وصار مايرد على اتصالاتها لو تكسر جواله..
وأنا طبعا ما أقدر أسوي زي زوجي ﻷنها في اﻷخير أمي،،،كل اللي أقدر أسويه أرد على مكالمتين أو ثلاث من مجمل اتصالاتها..

يا أخي شوف ام زوجتك يمكن زي أمي وحيدة ومافي شي يشغلها فعشان كدة ملاحقتكم،،،

يا أخي سددوا وقاربوا،،وحافظ على حياتك الزوجية
حاولوا تشغلوا اﻷم عنكم بزيارات لصديقاتها أو ربطها بحلقات تحفيظ
احمد ربك البلاء مو في زوجتك البلاء من طرف خارجي

بالنسبة للذهب أكيد زوجتك راح تقول إنها تبغى ابذهب في بيتها ﻷنها تحيك وماتبغى تخسرك وتبغى تحافظ عليك وعلى حياتها الزوجية،،لكن هذا مو معناه إنك تمسك الشر وتعاند أمها،،،وتسترد الذهب لبيتك ﻷن زوجتك هي اللي قالت تبغاه في بيتها..

يا أخي هون على زوجتك تراها ماهي ناقصة ولا تزيد شب النار،، وأمها حرمة كبيرة والكبار في السن عنيدين ويحتاجوا مسايسة ومداراة،،،