السلام عليكم

عملت بنصيحة اخوي امين الله يجزاك خير

كلمت والدها من يومين وقابلته امس بعد صلاة الجمعه وقبلها كلمت واحد يقرب لهم يعجبني اسلوبه ومنطقه بالكلام وطلبت منه يجي يكلمه بعد ما اقوم
في بداية النقاش كان حازم معاي جداً في موضوع الرجعه
قلت له انا عشت معاها سنتين مايوم صارت بينا مشكله ودخلناكم فيها وانا شاري ماني بايع وانا غلطت ولنا ثلاث سنوات الان ومشاكل امس مانشوفها بنفس نظرت اليوم
بعدين كلمته عن البنت قلت له المسؤوليه ثقيله لو شالها واحد
وقلت اني بعد فتره باسافر عن طريق عملي بغيته يفكر ويحسبها ان بنته لو تزوجت فيه احتمال انها بتبعد عنهم ومايشوفونها فترات طويله
سألني ايش يطلعك ياولدي برى وظيفتك زينه والغربه مرره

اخر شي قال لي بافكر واشور عيالي
قلت له شورهم بس تكفى ولدك فلان لاتشوره
قال لي طيب حتى ما سأل ليش

وكلمه اللي طلبت انه يصلح بيننا وقال لي ان شاء الله خير انتظر يردون عليك
انا مابقيت وقت استجابه مادعيت فيه
واحس اني متفآئل خير

افرحتني يا اخي الكريم وهذه بوادر خير ان شاء الله
عندي لك اضافة اخرى
اهدي لها اليوم هدية خفيفة مناسبة لها طقم ذهب خفيف او عطر مع ساعة ولا تنسى تهادوا تحابوا
اضافة اخيرة: ارسل لها رسالة بها بوح قلبك و اشتياقك لعودتها و جمعتكم ببيت الزوجية مع طفلتكم وانت تعرف النساء يحبون الكلام الشاعري العاطفي

افعل بالأسباب قدر استطاعتك

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.