زينك والله باين انك بنوته طيوبه اخلاق وماتحبين المشاكل ومراعيه لزوجك وصدقيني باين ان زوجك حاس بتانيب الضمير ويحبك بس مايبي يعودك على قعدته في البيت لانه يدري انه يحب يكون برا

زوجك شكله جنوبي من ناحيه البوصله الشخصيه والجنوبي انسان حنون وطيب بس يعشق اصدقائه ويكره القيود
يعشق المراه اللي تدلع نفسها ومايوقف شي بحياتها
مالومك في يوم كنت مثلك كل كلمه قلتيها كنت اقولها لما اشكي لصديقتي
تعبت وانا احسسه بتانيب الضمير بس حبه لاصدقائه وللفله برا شي ماينوصف




حاولت اشغل نفسي بس كان يبان بعيوني اني امثل قدامه*
لين مالقيت الحل*
1 / سجلي في معهد في دوره انتي تهتمين لها من قبل*
- ابدي عطي نفسك هوايه جديده واشتغلي عليها مثلا انا شريت كام وبديت اخذ دروس عالنت ومااصدق متى يطلع الصبح عشان اكب عفشي واطبق الدروس تحت الشمس*

- وسويت لي برنامج اسبوعي اهتم فيه بنفسي وبجسمي مسميته يوم الرفاهيه ادلع نفسي بكل اللي اقدر عليه اليوم هذا كان يوم الجمعه يوم العطله اللي كنت ابكي فيه عشان يجلس بالبيت وصرت مااصدق متى يطلع*

- وقت شغل البيت حملي صوتيات عن التوعيه الدينيه الثقه بالنفس واساليب الحوار وتفكير الرجل واجلسي اسمعيها طول ماانتي تشتغلين*
عطي نفسك كل يوم محاضره وحده وشوفي نتايجها على نفسك*
بمجرد ماتسمعين الباب ينفتح راح تنزلين السماعات وتستقبلين زوجك راح يشوف الانشغال بعيونك لان لسا كنتي في جو ثاني بعيد عنه اذا اهتم كان بها مااهتم انتي راح تحسين انك تنمين نفسك*

المقصد من كل هالزحمه كلنا ان اكثر شي يحزننا لما يطلعوا ازواجنا انه ليش هو عايش حياته وانا تركت حياتي وكرست حياتي له*
الزوج مايبي كذا الزوج يبي اهتمام صح بس مو على حساب نفسك*
طبيعه البشر عامه تحب تجاور وترافق الانسان الناجح والسعيد والواثق من نفسه*
لما يشوف السعاده بعيونك ويشوف كيف انتي صرتي انسانه واثقه من نفسك راح يحوم حواليك عشان يعرف سرك او حتى عشان ياخذ شوي من سعادتك*
لما تستغنين عن زوجك استغني عشان نفسك عشانك انتي عشان انتي اجمل واحلا واطيب من انك تحزنين على طلعته ولاجيته*
لانك اذا حزنتي الحزن ياخذ من جمالك وراح ياكل من روحك وانتي لسا في بدايه عمرك الحياه جمييله مو بالرجل لابتفاصيل شخصيتك انتي بس ويكملها الرجل .*

ولاتقصرين معه اهتمي بتفاصيله وتفاصيل بيتك مو عشان تكسبينه لالانك انثى وهذا احلا شي ممكن تسوينه الاهتمام ببيتك*
وزي ماقالوا الخوات تخيلي ان ماعندك زوج وابني مملكتك الخاصه*
وباين ان زوجك انسان طيب ويراعي ويحبك قبل اي شي روحتك بيت اهلك بالنسبه له راح تكون بسبب تافه وهذا بيبني شي بينكم مو حلو وانتي كنتي في غنى عنه*
اذا تبغين تزعلين وحسيتيه زودها عليك دايم ازعلي بالبيت وعيشي حياتك شيليه من بالك وتنقلي في بيتك كانه بيت اهلك وبجد شيليه من بالك ودلعي نفسك واذا قالك زعلانه وتدلعين نفسك*
قوليله *ايوا ليش احزن نفسي مافي شي يستاهل ازعل نفسي عشانه*
صدقيني مافي احلا من المراه الواثقه بالنسبه لاي احد*
بس روحه بيت اهلك روحيها على شي كبير عشان يحس فيها جد*
هذا مجرد رايي .. وشوفي اراء الاعضاء وشوفي اللي تحسينه راح يناسب زوجك*

وربي يهدي بالك ويسخره لك .. صدقيني مشكلتكم بسيطه بس معك ان هالاشياء تحرق الدم لحضات .. بس اصبري وتذكري ان هالمواقف بحياتكم باذن الله هيا شي راح يقربكم من بعض اذا حليتيها بذكاء واستمتعي*
الحياه حلوه .. ربي يجمعكم على خير*