قلوب حائرة اسال الله ان يرزقك بالحمل عاجلا وليس اجلا
وسامحيني لو كنت زعلتك بردي في موضوعك السابق وموضوعي دليل على ان زوجك فيه من الخير الكثير فلا تتغلي على من يشتريك ويخاف على مشاعرك شوفي انا وش قاعد يصير معي
صح بعض الردود مستفزة للغاية واستغرب بعد لي تقولي ليش تطرين المشاعر منه وكاني اطرها من واحد بالشارع
اصلا ليش تزوجت انا عشان اسفه زوجي واتغلى عليه واكيد له واسوي هالحركات والله معرف لها
انا تزوجت عشان يكون زوجي سكن وراحة لي وسبب دخولي الجنة
اانا تعبت من كل شى وماعاد يهمني شى بالوقت الحالي خلاص انا انجرحت كثير منه
الحين طلبت منه يسوي معي حل واذا اختار الحل الثاني الي انا اقترحته راح يكون طلاق روحي بيني وبينه وصدقوني راح احذفه من حياتي اقتنعت اني ماراح اكون سعيدة معه ابدا اقتنعت انه لو يحبني كان حاول يرحيني وخصوصا اني جدا سهلة ولاني صعبة في التعامل وقلبي طيب ودايما ابادر معه بالخير
اقتنعت ان زوجي يبي يجرب امراة اخرى ويحاول جاهدا انه يحطمني ويضيق بي الارض عشان انفجر ويكون الخطا مني ويكون هو معه الحق قدام الناس
زوجي ماكان يبي حملي لكن الله من فوق سبع سموات رزقني خلاص رفعت الاقلام وجفت الصحف
وانا لازلت ادعي ان الله يهديه لي او يبعده عني
بعد اذنكم اذا تسمحون لي اقفل الموضوع وانا يومين باذن الله ورايحة لاهلي وبطول هناك ان شاء الله
ولا اتوقع اني راح اكتب موضوع اخر خلاص تعبتكم وتعبت قلوبكم وانا بعد تعبت
بنتظر ردودكم واقفل الموضوع

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

عزيزتي لمسه احنا مانقلك لاتطرين الحب والمشاعر منه احنا ننصحك تغيير معاملتك معه واسلوبك معه

ادا ضايقك بشي لاتهزاينه ولاتوجهينه ولاتعاتبينه اكتفي فقط بنظرات وصدي عنه وهو بيفهم وينحرج من افعاله واكتفي بكلمة الله يهديك مافي احسن واقوى من هالكلمه
تبين زوجك بالشكل الي تبينه غيري اسلوبك معه وشوفي كيف يتغير هو بتاخدين منه الي تبين بالضبط بدون عتاب وحنه ورنه وبدون صراخ وزعل لاتقولين ماتقدرين تغيرين نفسك وشخصيتك صدقيني كم يوم وتتعودين على هالشخصيه

وانبتهي تقولين له انه خلاص ماعاد يهمك وانتبهي تقولين له انه صار يهمك اكثر بعد الحمل يعني خليك غامضه وخلي الي في قلبك داخل القلب هو من نفسه بعدين بيتقرب منك

اهتمي فيه شوي وابعدي عنه شوي وارجعي اهتمي شوي جربي هالاسلوب منتي خسرانه شي لاصرتي عند اهلك اتصلي عليه كل يوم فقط قبل نومك في ساعه محدده لاتغيرينها تطمني عليه اتصلي مره وحده وبس رد كان بها مارد لاتهتمي اهم شي انه يعرف انك في هالساعه موعد اتصالك لمره واحده ماراح يتكرر الاتصال انا متاكده في ثالث يوم بينتظر الاتصال ويرد وحتى لو مارد بيرجع يتصل بعدك على طول

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها