رد : زوجي واسلوبه الجارح في انتقادي(( مستجدات في الرد 16))
اختي روحي للدكتور و بيرسم لج الخريطه الوراثيه...
ملاحظه مهمه: نسبة الاصابه بالمرض تكون نفسها في كل حمل...
نصيحه اخرى... زياره لمركز الثلاسيميا بتراويج كيف معاناة هالاطفال... مريض الثلاسيميا يحتاج نقل دم كل 3 اسابيع بالاضافه لابره يحطها في مضخة على منطقة البطن و يستعملها حوالي 6 ايام في الاسبوع و الحالات الاحسن بيستعمل حبوب فواره... كلمة فواره وايد سهله... بس لو تشوفين حجم الحبه (و الاغلب يحتاج حوالي 3 حبات في كل جرعه) تخيلي كيف يقدرون يشربون الدوا في هذي الحاله..
اما المصاب بالانيميا المنجليه فحالته لا تقل سوءا عن الثلاسيميا... الالام الشديده اللي ماعرف كيف اشرح لج اياها.. نعطيها كوديين حبوب و يا دوب يسكن الالم...
صحيح ان البعض يعيش حياته "شبه" طبيعيه... و لكن بحكم شغلي اقدر اميز المريض فيهم على طول...
ما ابي اخوفج.. بس مب شي سهل انج اتيبين طفل مريض بهالمرضين بالذات لهذي الدنيا... خاصة اذا كنتي تعرفين احتمال اصابة الطفل... الواحد يكون محاسب على هالاطفال... هم امانه... و من حقهم ان نحسن اختيار الام و الاب... و هذا يدخل في الجانب الطبي من حالة الاب او الام...
ارجوج اختي ارجووووووج... انا ما اعلم الغيب... و لكني اعرف علم الوراثه... و اعرف النسب... الناس تتوكل على الله و هذا صحيح... و لكن مب معنى هالشي ان نطنش العلم اللي وصل لنا... راجعي نسب الاصابه و حمل المرض و قرري بعقل و ليس قلب وقتها...
31-08-2013, 11:28 PM
ضوابط المشاركة
العرض المتطور