السلام عليكم ورحمة الله وبركاته
وعيدكم مباارك وكل عام وانتم بخيير

الطلااق مرر وهذا شئ لا يدركه الا المطلقة الا من جرب واكتوى بنار الطلاق ويكون امر عندما يكون طليقك قريبك وكل ما يتعلق بالماضي امامك يعيد لك الذكريات

تطلقت من سنة وكم شهر مررت بفترة عصيبة وادركت بعدها ان لا جدوى الا من مناجاة الله والشكوى له حتى اهلي احسست بتذمرهم فقررت ان اخبئ الامي في صدري ولا اشكو لا لصديق ولا لقريب وفعلا الشكوى لغير الله مذلة
ما احب اشووف اي شئ يذكرني فيه والمشكلة كلها قدامي البيت والسيارة واهله مظطرة ازورهم واجتمع فيهم وما احب ينذكر اسمه في مجلس انا فيه احس من الذوق ما يجيبون سيرته يبان على وجهي وانا عارفه بس عجزت اتخلص من هالشئ اليووم فاض فيني وتكلمت عند امي قلت وحدة من خالاتي تتعمد تذكر اسمه وانا جالسة وتوقعت اجابتها قالت عادي ما تبغين يقولون حتى اسمه .

مشاعري هذي عادية والا انا ابالغ ؟؟؟

بكرة بيتزوج اذا ربي سهل امره وبشوفها قدامي وبشوف عياله اذا ربي رزقه انا شايله هم هذا الشئ مو بيدي اتمنى اكوون عاديه وما تأثر فيني هالاشياء ولا يكون لها اي اعتبار عندي بس ما اقدر اتحكم في مشاعري
اتمنى اتزوج من خارج القبيلة وابعد عنهم وما يصير لي اي احتكاك فيهم
تصدقون اني سرت افرح من داخلي لم يسير لهم شئ مو كويس

هل مشاعري هذي عادية والا انا فعلا ابالغ
وكيف اتخلص منها ..

حتى زميلاتي ماعدت اجتمع معهم وازورهم كثير كل وحدة عندها حياتها اهتماماتهم متشابهه واغلب كلامهم عن البيت والازواج والاطفال واتجنب اجتماعنا مع بعض يا اطلع مع الوالدة او اجلس في البيت

الحمدلله على قضاؤه وقدره

تطلقتي وانتي كارهه للرجل وللا الطلاق صار غصب عنك ؟

__________________

رغم اني ماكنت مرتاحة بس ما كنت اطمح للطﻻق وﻻ اشوفه حل و ﻻ توقعته وفي اخر الشهور خفت منه وفعﻻ حصل

مدة زواجنا عشرة شهور

هذا هو سبب مشاعرك حبيبة قلبي ربي يبرد على قلبك ويعوضك احسن منه

يمكن لا زلت معلقة فيه كزوج أو بالحياة الزوجية بحد ذاتها .. ما اخذتي فرصتك للتأقلم معاه ولإصلاح حياتك الزوجية . وهذا حقك وشعور طبيعي

لكن احمدي ربنا أن ما صار بينكم عيال لأنه واضح شخص ما يناسبك وباع بسرعه واعتبريه تجربة سيئة مريتي فيها وربنا لطف فيكِ بطلاق بدون مشاكل وتبعات .

واللي جابه يجيب غيره وان شاء الله ربنا بيرزقك ... انتي ما عليك الا الدعاء وتحاولي تركزي على نفسك وما عليك منه . سواء تزوج أو لأ فهو ما يناسبك فليش تفرق معاك إن تزوج أو جاه عيال ؟ كل واحد فينا ربنا يرزقه برزق خاص فيه والحمد لله .

__________________

يا عمري عليك صحيح مشاعرك طبيعية بس حاول تطنشي هذه المشاعر يعني لا تركزي اصرفي تفكيرك والان انتي طبيعية وبالتدريج والتعود على اللامبالاة يصبح شعورك مختلف

وأهم شيء عنك "أنتي وبس" أهتمي بنفسك منو اللي يكدر على خاطرك ويستاهل محد صح ؟ خلاص واللي باعك بيعيه واسالي الله العوض
وصدقيني مع الوقت بتنسيه
ربي يرزقك واحد يملأ عليك دينتك يارب ويعوضك بأحسن منه واللي ينسيك اياه يارب

الله يعوضك خير من فضله العظيم ..

واضح انه ماخذ جل تفكيرك بالفتره هذي ..
حاولي بقدر المستطاع اخراجه من عقلك .. وجاهدي لعدم التفكير به
ولا بذكرياته .. و املأي عقلك بمايفيد من قراءه لكتب تحبينها او هوايات
او مشاريع لحياتك ..

الغايه ان لا يسيطر عليك هذا التفكير .. اخرجي منه لمافيه المصلحه والخير لك ..
فتفكيرك به وذكرياتك لا يقدم ولا يؤخر من الامر شئ ..
وبذلك وبالتدريج سيكون ذكره عندك مثل عدم ذكره .

__________________

كنت نفسك خايفة لا يتزوج طليقي قبلي

بس سبحان ربي انا تزوجت وخلفت وهو لي الحينه مع ان دخلنا بالثلاثينات

لا تحاتين ياقلبي ومشاعرج طبيعية جدا

المسألة تحتاج وقت

انا خذيت سنتين الى ان طلعت من كآبة الطلاق

مو شي هين الله يفرجلج ويرزقج من حيث لا تحتسبين

__________________
لا اله الا انت سبحانك اني كنت من الظالمين

أتعلمين .. أهلك يحترقون أكثر منك
ولا سبيل إلا أن يتصعنوا أن الأمور
عادية ولا يوجد أي مشكلة
أو قد يلجأون للومك مباشرة لتكفي
عن السير في هذا الطريق الموجع لك ولهم
ليس سهل على الأم أن تجد ابنتها منكسرة وضعيفة
وتظن أنها بقولها عادي تجعل الأمور عادي أيضاً
في نظر ابنتها..
شعور مؤلم أن تجد أحد أفراد عائلتك يتألم
وبيديه يستطيع أن ينقذ نفسه ولكنه يفضل البقاء هكذا..
هذا الأمر يزيدهم جنوناً وعصبية
خصوصاً وأن الطلاق مر عليه سنة وعدة أشهر
فهل مر هذا الوقت الطويل وأنت بنفس الفكرة
السلبية عن طلاقك تفكرين بها صبحاً ومساءاً؟؟!!

انا ما افكر لاني عارفه ان التفكير مافيه فايدة بس احيانا الافكار تجي غصب عني احاول ما اسايرها لاني اكره الماضي


احاول اني امثل ان الوضع عادي مهما كانت الظروف مو عشان نفسي بس لا لاني اقول يكفي الالم اللي عاشوه اهلي معي في فترة الزواج بس احيانا المشاعر تغلبك تقدرين تجبرين نفسك على الخروج والتعايش مع الاخرين والدخول في المجتمع بس صعب تغيرين المشاعر اللي بقلبك لان هالشئ مو بيدك
بالرغم من مرور سنة ما قدرت انسى مشاعري تجاههم متقلبة ماقدرت انسى الالام اللي مريت بها يمكن الايام كفيلة بها

شكرا للجميع ربي يسعدكم

لا تتركي جرحاً بك وتقولي ستداويه الأيام
الأيام لا تداوي شيئاً على الإطلاق
فأنت وحدك من تملكين مقومات إسعاد
نفسك أو تدميرها للأبد.. وصدقيني
كلما تمضي الأيام يبقى أثر الجراح واضحاً
وأنت المتضررة الوحيدة.. انهضي الآن
وابدئي يومك بابتسامة وحافظي عليها
طوال اليوم ... طوال اليوم ستبقى نرجسية
مبتسمة واجعلي كل تركيزك عليها.. واستمتعي
بالنتائج آخر اليوم..
وأريد أن أسألك بماذا تشغلين نفسك ؟