اخوي ابو مريم
بارك الله فيك وتقبل الله منك صالح الاعمال يارب
تدري كل اللي ذكرته قلته لزوجي من ناحية الزياره اتودد له بس ماينفع معه عنيد
وإذا قال كلمه مستحيل يثنيها ومره سويت نفسي زعلانه لأنه من كثر الزن عليه سويت نفسي زعلانه وجا ء من نفسه وقال وشفيك ابي اشوف عيالي ووافق وفرحت وغلطت لاني فرحت بقوه قدامه وشكرته المفروض اني ثقلت شوي ومابينت اني فرحانه وبعد كذا غير رايه وكل اللي ذكرته لي قلته لزوجي انت ريح نفسك امي بتاخذني وبرجع من نفسي ماراح اطول او إذا راح لصلاة التراويح ينزلني واذا خلص ياخذني رفض
مدري ليه يعاملني كذا صعب الله يعين
زوجي عادي عنده الطلاق مايهمه طلق قبلي ثلاثه وقالي البنات واجدين روحي لااهلك اذا زعل بسبب حاجه تافهه
اكثر اصدقاءه مطلقين او متزوجين وعندهم رغبه بالتعدد واحد من اصحابه مطلق عشره حريم وتزوج والاخيره مرتاح معها
الله يعين

امي ماترضى عليه وتهاوشني علشانه لان لسانه حلو معها امي مبسوطه عليه لأنه صالح
اخوي ابو مريم عرفت شخصية زوجي وكيف التعامل معه الله يعين عليه
يجي بالمدح مثلا إذا قلتله فلانه تمدحك يستانس والحين ماشيه على نظامه في كل شي

__________________
《اللهم استودعتك أطفالي الذي لا تضيع ودائعه》

سبحان الله بنتي ماهضمته تقوله اليوم بنتي هاديه مره وذكيه
اخوات زوجي وبناتهم معجبين بشخصيتها وتربيتها
تقول الله يعينك على زوجك قلت ليه قالت ماعليه ملح وسامج زوجي يضحك معها
اخلاقه حلوه معها بس تقول مارتحت له
فعلا مومحبوب إذا جيت عند اخواته يحب يحرجني ويتريق قدامهم والكبيره تأيده
إذا شفت اسلوبه كذا اقوم واستأذن هو مايحب انزل واتركه بس عشان يمسك حدوده مره ثانيه

__________________
《اللهم استودعتك أطفالي الذي لا تضيع ودائعه》

ملابسه جاهزه ونظيفه في الدولاب كل يوم ابخر ملابسه ويزعل إذا شافني ابخر كل يوم بالعود لأني مااحب المعمول يقول حطي معمول ويتدخل في كل شي ولاتعطرين ليه يسوي كذا الازواج يفرحون اذا شافو زوجاتهم يهتمون الا زوجي
ومو راضي يغير كل شي جاهز عنده بس مايحب ولايصبغ لحيته ابدا
تعبانه نفسيا حاولت اغيره مو راضي يتغير فيه عجله مو طبيعيه إذا جاو عنده ضيوف
اجهز فناجيل الشاهي والقهوه وياخذ الفنجان بلحاله والترامس بلحاله مايحب التنظيم يفشل يدخل المطبخ اكيد ضيوفه بيقولون زوجته ماتعرف تجهز مايدرون ان هذا نظامه ويقول انا كذا وعصبي متعب جدا

__________________
《اللهم استودعتك أطفالي الذي لا تضيع ودائعه》

يارب تكتب اللي فيه خير لي
متأكده بمد يده علي عصب قبل الصلاة وجيت ابراضيه ضرب يدي بقوه ودفها يدور الزله علي بس مو محصل
وقال إذا شفتيني اعصب لاتلمسيني
دعواتكم لي براحة البال والثبات

__________________
《اللهم استودعتك أطفالي الذي لا تضيع ودائعه》

بصراحه مصدومه من تعامله معي
احس مصدوم من ام عياله لأنها طلبت الطلاق واخواته تدخلو في الموضوع عشان يرجعون وافقت انها ترجع لكن زوجي رفض يرجعها صار يتزوج ويطلق من بعدها ومايصبر
اخته قالتلي ام عياله جميله جدا وغاليه عنده يمكن يحبها احس شايل بقلبه عليها يقول إذا تزوجت ام عيالي بحضر زواجها وفي داخل قلبه مقهور هذا اللي حسيته الاحظه مو مهتم بطليقاته اللي تزوجهم قبلي الى ام عياله
شكله يفرغ شحناته فيني
بنات اخته الصغار يسمعون كلام اهلهم قالوا لبنتي زوجته ماكانت تشتغل وهو اللي يشتغل ترفض الشغل اما امك طيبه عند خالي

__________________
《اللهم استودعتك أطفالي الذي لا تضيع ودائعه》

اختي ارى ان كل اخبارك وهمومك الاخيرة مصدرها الاخبار التي تنقلها اخته لك!!!

هل تقصد خيرا؟

طنشي الي بتسمعيه
وتوقعي ان 50٪ منه غير صحيح

__________________


اللهم اعنا على ذكرك وشكرك وحسن عبادتك

ان شالله تقصد خير اخته انسانه ملتزمه جدا وتخاف ربها
مهمومه قبل ماتجيني اخبار اخته وزوجي هو اللي قالي قبل ماتقوله هي
اللهم قالي عن زواجه انه في السر وهو اصلا معلنه
احس شايل بقلبهىعلى ام عياله وعياله
وجاء يفرد عضلاته علي
وزوجي قالي ام عيالي خسرتني خساره كبيره كان مايقصر حتى مع جدة عياله ام طليقته مايقصر معها
وبعض الاحيان ياخذها معه في سفرياته وام عياله ماتروح معه
وقالي انا اللي وظفتها وسعيت في ترقيتها للمرتبه الرابعه وكملت دراستها عندي
قالي على كل شي
ومعي اخلاقه صعبه وسريع الغضب

__________________
《اللهم استودعتك أطفالي الذي لا تضيع ودائعه》

اكتشفت كذبه ثانيه
تخيلو عنده اطفال ثلاثه من زوجته الداعيه تقول اخته مايجيهم ولا يسأل عنهم ابدا تقول لأن زوجته مدرسه وهي اللي تصرف عليهم تقول الله ماسخره لها ولا لعياله اعوذ بالله ظالم مايخاف الله كرهته
وطليقته الاخيره حملت وسقطت
خدعني وكذب علي
استغفر الله

__________________
《اللهم استودعتك أطفالي الذي لا تضيع ودائعه》

من بعد الزواج ومن اول ليله ماتقبلته اسلوبه منفر مااعتقد اني بطول معه
كل مازعل قال روحي عند اهلك وهو كذاب في البدايه بعد ماقلت لااخته صعب ندمت لانها هي اللي بدت وقالت الله يعينك
جلست امدح في زوجي عند اخته وهم يمدحون اخوهم قلت والنعم فيه اخلاق وشهم وكريم
وفي قلبي كاتمه ياريتهم يشوفون التعامل كيف وسط البيت تقول اخته ملاحظه عاى اخوي يحبك دايم يدخل علينا مبسوط
مقهوره مااتحمل خصوصا يبخل علي ويقولون اخونا يحبك
يارب اجبر كسري اشياء تافهه مايعطيني يستخسره فيني

__________________
《اللهم استودعتك أطفالي الذي لا تضيع ودائعه》

الله يسعدكم ويسخره لك ولعيالك..بس عندي تخمين يمكن يكون صح او خطأ يمكن يحبك بس مايبغى يبسط لك يده وبعدين لا سمح الله صارت بينكم مشاكل تستغنين عنه وتطلبين الطلاق يعني هذا اللي فهمته يعني ام عياله سعى لها في الوظيفه ولمن استغنت وماقدرت تكمل معاها طلبت الطلاق ،،،يمكن عشان كذا هو مايبغى يصرف عليك لانه خايف ماتستحملينه وتطلبين الطلاق وبعدين يطلع من الزواجه هذي خسران..هذا اللي جاء في بالي والله اعلم