المشاركة الأصلية كتبت بواسطة قلب مشغول زوجي اتصل علي يعاتبني واعتذرت منه اشد الاعتذار مصدوم عاطفيا مني وقلتله اهم شي لاتدعي علي الحين صار مايهمني الاثاث ولاغيره لو اجلس على البلاط كل اللي يهمني كيف ارضيه ماصلح اكون زوجه ابدا في قلبي هم كبير

المشاركة الأصلية كتبت بواسطة بكر الشايب قلتلك يا قلب انه عاطفتك تحكمك ما صدقتيني بكره اذا رد زعلك بترجعين وتفتحين موضوع جديد تتشكين منه يا اختي الكريمة حكمي عقلك وكوني زوجة صالحه واكسبي زوجك بالطيب الله يوفقك

معلش يا اختى اصبرى
وربينا يألف ما بين قلوبكم



الايام هتقربكم ان شاء
الله بس انت مع الآسف
مش عارفه تكسبيه


واعتقد لو عرفتى تكسبيه
هتتحكمى فيه زى ما انت
عاوزة لانه واضح انه معجب
بك وخصوصاً انك فرصة لا
تعوض بالنسبة له لان
اللى فى سنه صعب
يتزوج زوجة صغيرة




وانا اشعر ان فيه خير كثير


ولكن انت الله يهديك طلعتى
عيونه واظهرت له انك قرفانه
منه ومش طيقاه

وبالعربى كده كنتى بذليه
علشان يآخذ حقه منك


وخلى بالك الراجل منا مهما
كان بيحب زوجته وبيحب الآمر
هذا لا يقبل ان تذله زوجته


وفى مليون حل حلال يشبع
الرجل غير زوجته

قال الله تعالى

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}

والله يا قلب اني كل مرة أدخل موضوعك وألاحظ عليك أخطاء أنوي أرد وأنبهك بس أكون مشغولة،
وأقول لعل أحد الأعضاء يدخل ينبهك و يوعيك لكن الغريب ان التفاعل ضعيف في موضوعك هذا.
كنت كل مرة أبغى أصرخ وأقول لك ياحبيبتي أفعاله اللي تتكلمين عنها انما هي ردة فعل على أفعالك!!!!!
لما تقولين وتكررين انه نزلك عند أهلك وقلتي له أبغى 10 رفض،
هل تعتقدين انه يفعل ذلك بخل؟
أنا متأكدة انه متضايق و زعلان وشايل في قلبه كثييير كيف تبغينه يتصرف وكأنك ما جرحتيه؟
ليييه ما تقهمين انه زعلان عليك؟ وتفكرين في مصالحك و بس!
ليه ما تفكرين في جرحك له وتتعاطفين معه وتحسين بغلطك؟
تتكلمين عن أسلوبه معك وعن تدقيقه وعتابه لك وتفكرين في نفسك بسسس

أبغى أقول لك يا قلب الرجال مختلفين ومستحيل تلقين أحد زي ما تبين
إذا كانت دقته تتعبك وما حبيتي اسلوبه و حرصه و توفيره للمال، فيه غيرك مشاكلهم أكبر بكثييير.
اكسبيه و حاولي تحبينه تكفييين، خصوصا ان عيوبه بسيطة جدا
ما قصر ما شاءالله عليك موافق تجيبين عيالك وهذي ميزة صعب تلقينها..
تقولين عنه دقيقن وأشوفك انتي دقيقة معاه مرة
مسكين يسوي شي كويس ويوعد ولدك بهدية
ولما ينسى أو يتاخر شوي تقلبين السالفة عليه وتشرشحينه الله يهديك.
يجيبك في بيت بأثاث طليقته وش فيها طيب؟ والله أعرف وحدة بكر وصغيرة جايبها في اثاث طليقته وعايشين من سنين.. يمكن هو يشوف الأثاث ماشي حاله وماله داعي يغيره الحين.
لازم تفهمين ان نظرتك وخلفيتك في الحياة تختللللف عن نظرته..
انتي بكل صراحة تفكيرك مادي، حتى لو حاولتي تنكرين.
في أحد الردود جايه تقولين بخيل و أبغى يعطيني كل شهر 3 آلاف وتتكلمين كأنه شي من حقك و حرمه منك
يا حبيبتي كلنا نتمنى مصروف كذا بس الرجال مختلفين/ فيه اللي يفكر في المستقبل ويوفر لبعدين
وفيه اللي يوسع صدره الحين ويتوهق بعدين
ماتقدرين تفرضين عليه أسلوب حياتكم، انتي اللي لازم تتكيفين معه.. كلنا تزوجنا وتغيرت علينا أشياء كثييير بس نحترم ازواجنا و نقدر تعبهم.
ما يصير يا قلب من أول شهر تسوين معاه كذا وتعاملينه بهالأسلوب المادي، خصوصا انك عرفتي انه اقتصادي لي رجاء انك تنسين هالأمور وما تركزين ع العيوب وتبدين تثبتين نفسك وتعطينه فرصة وتكسبينه..
استغرب لما تقولين يجوّعني وتوهمين الجميع انه بخيل حتى الأكل ما يوفره لك، مع اني فهمت انه سوى كذا بعد ما قلتي له كلام يزعل وتضايق منك وبعدها تجين تقولين جب لي اكل من المطعم! طبيييعي ردة فعله لأان زعلاااان افهمي هالشي لا تفكرين الناس بدون شعور غريب تفكيرك..

والله انا قسيت عليك لأني متعاااطفة معك من مواضيعك الأولى
وأبغاك تستوعبين اللي قاعد يصير، لأن أحيانا اللي داخل المشكلة ما يشوفها ويفهمها زي ما يشوفونها الآخرين.

المشاركة الأصلية كتبت بواسطة بديع المعاني أنا مع رد الاخت نجاح قلبا و قالبا لانه واضح ان كل تصرفات زوجك ردة فعل لتصرفاتك و نفورك مشكلتك متوقعة مستوى مادي معين يريحك و يريح عيالك و حصلتي شئ أقل من المتوقع وهذا المستوى طبيعي في بداية أي علاقة زوجية مع الأيام و العشرة و الإنجاب الزوج يصير أكثر عطاء من الناحية المادية بالبداية شفنا تسرعك على الزواج مباشرة بعد طلاقاتك بشكل غريب فتصور للجميع ان حياتك مع أهلك جحيم والحين تصوري لنا ان حياتك مع أهلك هي النعيم و الراحة ،،، هذا يدل على تسرعك في الحكم على واقعك فلما كنت مع أهلك ضاقت بك الدنيا ما رضيتي بواقعك و لما تزوجتي كذلك سرعان ما تذمرتي من زواجك هذا اختيارك فكوني قوية في التعايش معه و اجعلي الرضا أساس للقادم و قوي علاقتك بربك فهو وحده القادر على أن يسخر لك قلب زوجك و تسعدين معاه