أخي لا تخاف من هذا الموضوع لأن في البدايه ما في شي بين الزوجين يسمى هيبه وكرامه وهذا المفهوم هو سبب معظم المشاكل بين الزوجين

لأن هي سكنك وإنت سكنها وشي طبيعي إن كل واحد منكم يبين ضعفه قدام الثاني ولا تنسى إنك كشفت لها وهي كشفت لك مواضع العفه لكم ومن ذيك اللحظه تسقط هذي المفاهيم بينكم لأن كل واحد شاف من الثاني موضع ضعفه

وأحب ألفت انتباهك إن زوجتك بعد ما جرحتها بهذا الكلام القاسي ضمتك لحظنها وما قالت إن هذا بينقص من كرامتها وبالنسبه للدمعه الي نزلت من عينك كانت في صالحك مو ضدك لأنك برهنت لها إن هذا الكلام ما كان من قلبك وكنت نادم عليه ويمكن لو كنت قلت لها إن هذا الكلام كان من وره قلبك ما بتصدقك مثل ما صدقت هذي الدمعه

وصدقني هذي الضمه منها وذيك الدمعه منك أكبر دليل على حبكم الصادق لبعضكم وحافظوا على هذا الشي بينكم لأنه أحسن طريق لتقوية الحب والتفاهم بينكم

ودامت عليكم السعاده للأبد إنشاء الله
ولا تزعلها مره ثانيه تراها بعدها عروس