روح ... خفي ع البنت شوي


هي نفسها متذبذبة و ماهي عارفه ترسى على بر

و حق علينا نشارك معها باللين و انا متأكدة انها راح توصل لنتيجة تقنعها


قلب مشغول ...

اانتي لو رجعتي و قرأتي ردودك راح تلاحظي التناقض

احس و انا اقرا نفورك منه مو طبيعي

عقلك يبغاه لكن قلبك صاد و غير كذا قاعده تنبشي في عيوبه


احس انك محسودة ...


ما جربتي تداومي على سورة البقرة و الرقية الشرعيه

يا قلب ما ينفع كذا تهدمين حياتك و الحل بسيط

الزواج و الطلاق مو لعبه ولاهو ثوب تخلعينه متى ما بغيتي

المرة هاذي في يدك زوج اذا لا سمح الله طلقك

ترا ممكن ما تلاقين واحد مثله او ربعه او ممكن ما تلاقين الا اللعابين

اللي يتزوجون ابو ثلاث اربع شهور و يسرحون الحرمة

و ممكن ما تلاقين مرة مرة ..


طيب اختصري على نفسك الطريق من الحين و حاولي تصلحين وضعك معاه

انا لو مكانك احمد ربي ستتك و هناك و عوضك

والله لو مكانك احطه بعيوني و اسكرر عليه

بعدين هو كبير اتدلعي عليه وش عندك اكيد بيشوفك رزقه من السما

دلعيه و هنيه ترا كذا بيصير خاتم بيدك و بيصر يدور رضاك بس

الشياب سهلين مرة ... لا تفكرينه صعب

بعدين كلها فترة فترة و تتأقلمي و يمكن تحبينه فيها من يدري

اهم شي انك تضغطي على مشاعرك


ولا تبيني له اي شي ، لين ما ربي يفرجها عليك و يبدل حالك لاحسن حال

لا تنسين الدعاء و المداومة على سورة البقرة يوميا فيه ادعيه خاصه بالزوجين

كل يوم تعالي هنا و اكتبي انك قرأتي البقرة .. مرة ورا مرة لين ربي يبصرك و يهديك


الله يهدي سرك و يجعله قرة عين لك

__________________

‏
الوعي هو الملاذ ..

أستغفر الله العظيم ؛
( الفردوس غايتي )