السلام عليكم

بصراحه ما ادري من راح ابدا بس راح احاول افضفض ﻻني انفجر

انا شاب طلقت زوجي قبل عام من الان و طليقتي كانت كل شي حلو في حياتي فكنت اعشقها لحد النخاع و كانت هي فتاة احلامي بمعنئ الكلمة

علئ العموم بعد طﻻقي لزوجتي مريت بظروف ما يعلم فيها الا ربنا فا زوج اختي توفئ ثم اختي الكبيره الي ربتني توفت فزاد همي همين و زداد سوء حالتي النفسيه

العموم انا عقدت القرئن بفتاة جيرنا و البنت ما شاء خلوقه و مره محترمه و الكل يمدح فيها بس المشكله مني احس بنفور كبير منها
في كثير شغلات ينغرني منها احدها انها جسمها مره ممتلئ و و هذا شي بنسبه لي كفايه ل ينفرني من ا ي احد وفي شغلات كثير ما ادري ايش هي . مثلا احس بضيق اذا تكلمت معها و اتمنئ متئ تخلص المكالمه بسرعة
البعض اكيد راح يقول ليش عقدت عليها اذا انت مو مبالعه اقول بكل بساطه السالفه كلها جت بشكل عفوي . يعني اخوي الكبير المتزوج عقد علئ اختها الكبيره و اتصل علئ اخي و قال علئ البنت و قال لي انه حابب نعقد علئ البنتين بنفس اليوم . انا وافقت علئ الفكرة بس رفضت اني اسوي العقد الا لما اروح لبلدي و اشوف البنت و اتكلم معها
المهم اخي الكبير عقد علئ اختها و اختي الكبيره توفت و زداد حزني و اعتكفت من كل شي حتئ من اهل و صرت فقط اصلئ و اعمل و اذهب للنادي الرياضي
و صرت ما اتواصل مع البنت الئ في ما نادر و في شهر أبريل طلبت مني البنت ان اعقد عليها رسمي او ينتهئ كل شي بينا فا حاولت اني اؤجل حكاية العقد لحد ما استقر نغسيا و عاطغيا ﻻني محطم من الداخل
فا الي صار ان البنت مرضت و اختها اتصل علي ثم امي اتصل علي و تقول لي ان البنت تعبت جامد . حسيت في اني كسرت فرحة انسانه طيبه فا طلبت من امي انها تتقدم لها رسمي و ارسلت لها كل مصاريف العقد و صار العقد و ما كنت سعيد ابد

في شي جواتي مو قادر يتقبلها و جسمها الممتلئ كمان يبعدني عنها اكثر و اكثر

عمري ما قلت لها كلام حلو مع ان عمري ما جرحتها او غلطت عليها . اذكر مره اترجتني اقول لها كلام غزل و حب . انقهرت من الدخل و حسيت باني احقر مخلوق بهل الكون
اجمل فتره الي اي بنت هي فترة الملكه و انا جاف حاف معها فا انا مو اقدر اكذب بمشاعر ي و ما اقدر اقول شي اذا ما حاسس فيه

والله انا مو انسان سيئ و اموت وﻻ اجرحها و اقول لها شي يكدر عيشتها بس والله مو قادر اهضمها .
مزاياها اكثر من عيوبها فهي طيبه و حنونه و دائما تهتم فيني و دائماً تقول لي انسئ الماضي والله راح احطك في عيوني و اسعد

علئ عموم كلامي كله مبعثر و ما قادر ارتب امور

الئ اتمناه انكم تنصحوني

ابغئ اتقبلها كما هي و اني ارتاح من جوئ و انه خلاص هذا قدري وﻻزم اتقبله

معليش لو في أخطأ ﻻني قعد اكتب من الجوال

اخي سامي انا كنت من المتتبعين لقصتك اول باول

اباركلك على العقد وفرحت لك كثيرا فانك تستاهل الخير الكثير
حكاية الوزن الزائد ربما تكون حجة فقط لتقنع نفسك بانها مش عاجباك .. تخيل اخي لو ان تلك الصبية بعد الزواج والحمل والولادة وزنها بيزيد اكثر وماينزلش ... هناك الي وزنها ما ينزلش مهما تعمل ريجيم ورياضة .. ماذا لو كان جسمها كذلك .. هل لن تتقبلها ابدااا

ليش يا اخي تواصلت معها اذا .. ليش عقدت عليها وفي راسك مش متقبل وزنها القابل للنزول و القابل للزيادة اكثر

انا كنت نحيفة عند الزواج في حدود الخمسين كيلو وطولي 1.60 وحياتي كانت صعبة جدا مع اهل زوجي وكنت فاقدة للشهية تماما لظروف غياب زوجي عني وعمله بعد الزواج الذي يجعله يعيش شهر هنا وشهر هناك وما تعداش وزني الخمسة والخمسون لسنوات رغم ولاداتي وجميلة جدا بشهادة الجميع لكن زوجي عاش طول عمره عايزني اسمن وانا ما سمنت .. ولسنين طويلة عاش زوجي هاجسه ان تكون زوجته سمينة وربما قالها لي مليون مرة طيلة سنين مازحا او ربما هو يعي وجاد فيما يريد (اريد ان اتزوج عليك بامراة سمينة ).. ولسنين وانا معقدة من وزني لان جملة ( لو تزيدي تسمني بس ) لازمتني من سنين وكثيرا ما حطمت كل معنوياتي حتى لما وصلت ل60 كيلو بقي يقولي زوجي لو تسمني .. الان بعد 16 سنة زواج وزني 67 كيلو الان فقط قال زوجي ستوب لكن بعد ايييييه بعد ما عاش طول تلك السنين وهو يحلم بزوجة سمينة بعد ما انا عشت كل تلك السنوات وانا احس وارى ان جسمي لا يعني له اي شيء رغم جمالي ورغم جمال عيناي

انت خرجت من تجربة قاسية جدا وزوجتك السابقة كانت لاحسة مخك ومعششة في قلبك اكيد اول مقارنة بين طليقتك وزوجتك الحالية ستكون بخصوص الوزن

اعلم ان طيبة قلب زوجتك الحالية وحبها لك ومعاملاتها الطيبة وسحر شخصيتها وجمالها كل هذا سيجعلك تعشقها وتحبها وقد تعشق وزنها بعد مهما كان ومهما سيكون ... ستمحي اثر الاولى مع الايام ومع المعاشرة لكن ان كنت تمقت الوزن الزائد عليك ان تضع نصب عينيك جميع الاحتمالات
انت الان في صدد بناء حياة زوجية جديدة وان فشلت في المرة الاولى ستحرص الان ان لا تفشل في الثانية ابدا بمشيئة الله

اتمنى لك بداية سعيدة وطيبة والله يرحم موتاكم وموتى جميع المسلمين

تقبل مروري

السلام والرحمه
أخويه انا بعطيك رايي ان تقبلته كان بها وان ماتقبلته اتركه ورى ظهرك ..

انت بعدك على البر والبنت بعدها في بيت اهلها . مابقولك تزوجها يمكن تحبها بعد الزواج لانه الانسان موب فار في حقل تجارب ..
واذا مشاعرك اتجاهها من البدايه بهالطريقه انت قاعد تظلمها وتظلم نفسك لانك ماحبيت تصارحها بحقيقه مشاعرك والشي اللي موب عاجبك فيها .. اختك ورحمه الله عليها وطليقتك وجافت طريقها هل معناته اخوك يتزوج لازم يزوجك اخت زوجته؟؟ اذا انت نفسيتك موب مؤهلة في الوقت الحالي لأرتباط مهما بلغت مكانه البنت اللي ارتبطت فيها .. انت انسان سبورتي رياضي لانك ادوام في الجيم وزوجتك تكوين هرمونتها تضاعفت في جسمها واهمالها في مراقبه السعرات الحراريه في الاكل وانشغالها في الحياه خلت مظهرها بهالشكل الممتلئ وانا مااقدر احدد حجم وزنها لاني فهمت من رؤوس اقلامك انها ممتلءه يعني فات ..
وفي شباب يحبون البنت الممتلئه اكثر من وحده محافظه على جسمها بس هذا موب يعني انك اثمت او انه تفكيرك غلط او انك انسان سيء لاسمح الله

اوكيه خلني اقولك تزوجها يمكن تحبها بعد الزواج اذا انت نفسيت موب متقبلتنها من البدايه لاتجبر نفسك على شي ماترغب فيه

والله اذا اجبرتها باجر راح انجوف موضوع لك يقول انك في مشكله مع زوجتك الانسان بايده يسعد نفسه وبايده يجر المصايب على راسه لانه البعض مايفكر الا في مصطلحات ومفاهيم لااكثر ..


يااخوي البنت بتتخربط حياتها اذا اكتشفت حقيقه مشاعرك بعد الزواج وراح تدخل في متاهات انت في غنى عنها لاتتزوج زوجتك لمجرد الزواج تزوجها وانت مقتنع انها رفيقه دربك وانك بتعيش معاها تحت سقف واحد ..

واذا انت اجوف انها ماتتفرط دخلها في نادي وشجعها على الاهتمام بمظهرها الخارجي

اختي حصه تزوجت وعمرها 19 وماشالله عليها كانت اكوله بس يوم انخطبت امي الله يرحمها سجلتها غصبن عنها في النادي وقالتلها ماتردين البيت قبل لاتمرين النادي والله يااخوي من وزن 70 وصل وزنها 55 وعقب عرست واليوم لو اجوفها صارت 30 ماشالله عليها محافظه حتى عقب ماربت بولدها امي الله يرحمها ربطت بطنها واليوم ماشالله عليها محافظه مع العلم كله تسافر بحكم شغل زوجها من بلد لبلد وفوق هذا ماهملت وزنها وانت بايدك تدعم زوجتك و وتشجعها طالما انك ترغب فيها كزوجه ..

شركها في نادي وخلها تستمر وعقب حدد موعد الزواج والله يااخوي راح تتزوج وانت راضي بزوجتك لانك راضي باخلاقها وطيبتها وعلشان تكون راضي عن شكلها خلك وراها لين ماتخس على قوله اخوانا المصريين
واذا قلتلك لا ياخوي حرام خلك من شكلها حبها لاخلاقها وماادري شو راح اكون ظلمتك وظلمت البنت لانه اي رجل يتمنى زوجته حلوة ومهتمة بمظهرها وعلشان يحلى اللبس لازم يحلى المظهر بتكوين الجسم والا كيف بيعاشرها وبيرتاح معاها ...



وعسى الله يفرحكم

اخوي اذا حاس ان الريجيم ينفع معاها مو مشكله تزوج وبلغها من الحين ترتب جسمها والجمال مو كل شي خصوصا اذا سالفة سمنه امرها هين

وما ادري ليش تذكر طليقتك للحين يا عمي عيش حياتك*

صار عمرها اليوم 30 ووزنها مايتجاوز 60

أهم شي في الزواج القناعة،، إذا أنت غير مقتنع بها،،أو باﻷحرى غير

مؤهل نفسيا للزواج لما ذا أقدمت وعقدت على بنت الناس؟

أكرموا النساء ولا تهينوهن بمثل هذه الزيجات،،،

ضعفك تدفع ضريبته بنت الناس المسكينة بلا ذنب،، بنات الناس مو لعبة ولا حقل تجارب،،

صراحة أنا ماراح أطبطب عليك وأقول لك كمل معاها وبكرة تحبها

أنا أقول لك ارحمها ولا تكمل معاها ﻷنك بكرة راح تعذبها أكثر ،، وهي الله يعوضها بمن هو أفضل منك.

لاحول ولا قوة الا بالله ، يعني كان لازم تتعاطف معها و تعطي الموافقه من غير ما تشوفها

بصراحه انت الغلطان و جاي تبي احد يقنعك بانك صح ولا يعطيك راي يريحك

شوف اقعد مع نفسك مزبوط و حدد واعرف بالضبط وش اللي مو بالعه فيها ،

اذا كان مثل ما قلت جسمها


فهذا أمره هين ان شالله لان بكره بعد الزواج بتقتنع فيه و تتعود عليه


لكن الهرجة لو كنت مو بالعها ابد ...

هنا نقولك معليش لا تكمل وانت مو مقتنع


لان مثل ما انت بشر هي كمان بشر و تنجرح الحين افضل من بعيد


والله ييسر امورك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يعينك
بس ماتدري يمكن هالانسانه. افضل من غيرها
احيانا نكره شيء والله جاعل فيه خير كثيرررر مانعلم فيه
ياما مثلك. وماشاء الله. يموتون عالارض الي تمشي عليها
والله واحد قال لأهله مابيها ماطيقها
مابي اتزوجها وملك عليها
غصب عنه
وكان يقول مايبون بنتهم يرمونها بالشارع
من شدة كرهه لها
والحين ماشاء الله عسسل معها ويحبها ويموت فيها ماشاء الله تبارك الله
لذلك. ياخوي الله
اختار لك الي فيه خير لك
صح بعض الأوقات. نجزع وتتضايق. ونقول ليش يصير معانا كذا ونحسسس بيئس
بس لو فكرنا. بعقولنا. عرفنا انا الله صرف عنا أشياء فيها شر علينا وابدلنا ب حياة أخرى
انت استخير ربك أدا. هي خير لك يسخركم لبعض وألح. بالدعاء
وإذا شر. عليك يصرفكم. عن بعض
انت يمكن مازلت باقي تحب طليقتك. ومو قادر تشوف حد غيرها أبعدها من خيالك ولاعاد تفكر فيها


عشان تشوف حياتك
لاتخلي الشيطان يفرق بينكم
حب ميزاتها
يكفي انها طيبه وحنونه
بالنسبه السمنه. تسوي حميه وأكيد بتنحف

تئكدي ياخوي ربي اختار لك الي فيه الخير
وأرضى. بما كتبه الله لگ
خليك من عيوبها ووشوف محاسنها
الله يصلح حالك
وانت قولها مو مستعجل عا لزواج. عشان ماتضغط عليك
لحد ماتتحسن نفسيتك
والله يختار لك الي فيه الخير يارب

أخى سامى:
فى الغالب إحساسك بسمنه الفتاه مجرد عارض نفسى لمقارنتك بطليقتك (فتاة أحلامك) بها...
أحسن حل لنسيان الماضى بأن تنساه بحياه جديده مع هذه الفتاه المحبه والمتفهمه لك والذكيه... هى تفهمك جيدا وفى كلامها ذكاء وحرص على إنجاح العلاقه.. أرمى الماضى خلفك..وإبدأ حياتك فورااا ..مبروك مقدما ,,
أخوكm.s