السﻻم عليكم ورحمة الله وبركاته

كيفكم يا بنات

مثل ما انتو قاريين في العنوان عن الوزن بعد الولادة

راح اتشجع واحكي لكم قصتي المأساوية

أنا يا طويلات العمر وزني قبل الحمل كان بين 61-63 كجم على طول 165 سم

ماعرف شاللي صار بس الظاهر نفسيتي كانت منفتحة وايد

وبيوم الولادة كان وزني 86 كجم

الحين لي شهرين والدة ونزلت بسم الله ماشاء الله 12 كجم

يعني وزني صار 74 كجم

ماعرف كيف استرجع وزني السابق

نفسي بس اوقف على الميزان واشوف نفسي دخلت الستينات

سبحان الله بحملي في بنتي زدت يمكن 5كيلو فقط

بس أحمد لعب في حسبتي

اهم شي جبته مثل القمر بسم الله عليه

يلا بنات خبروني عن تجاربكم وشجعوني

__________________
الحمدلله الذي بنعمته تتم الصالحات

أنا شكلي راح أفررررررحك كثير

في حملي بولدي الأول ، وزني ما كان يتعدى الـ 43 ..
و لما حملت به ، زدت طبعا فترة الحمل ( بس كان مرة مناسبني الزيادة ) : (

بعد ما جبته ، رجع وزني 43 .. و مرات 42 ..
طبعا لا تنسي وقتها ، كنت مغتربة و النفسية مرررررررررة و المشي هناك يوميا من البيت للجامعة و العكس ..

بعد كذا ، حاولت أزييييد و صرت 45 و الحمد لله ..
و حملت بولدي التاني .. و ولدته ، و رجعت مرة تانية 45 ..

حاولت برضو أزييييد ، أبغى أوصل للخمسين ..
لما زدت كيلوين و صرت 47 و فرحت ، طلعت الزيادة هذه ،، لإني حامل و أنا مادري ^_^

و مازلت حامل

ياحبيبتي يا روح

حسستيني اني عملاقة وانت تكتبين الارقام

انا بنجن اعلى وزن وصلته في حياتي 63 وعلى طول مناسب

بس بهالحملة نقزت نقزة محترمة

زوجي صار يسميني يا دبتي

حتى لما بديت اضعف يقولي يا دبتي لا تضعفين

__________________
الحمدلله الذي بنعمته تتم الصالحات

ههههه ،، سلامتك ..
بس ترى أنا اللي مو طبيعية ( أب نورمال ) ..

.
.

وزنك السابق، مناسب لطولك ماشاء الله ..
و لسى يبغالك أقل شي ست أشهر .. حتى شوي شوي تستعيدي صحتك ..
و بعدين تنزلي بالوزن ..

.
.

تعرفي بعد الولادة ، ما أقدر ألبس ملابسي السابقة ..
لحد ما يعدي شهرين ، و تلقائي وزني يرجع لقبل الحمل ..
فأتوقع طبيعي الزيادة هذه .. لا تشيلي هم .. ^_^

طيب روح انت بحدود كم كيلو زدتي بالحمل >>>تبحث عن بصيص أمل
يعني حزة الولادة كم يكون وزنج ؟

انا زيادتي فوق الطبيعي كانت
الزيادة الطبيعية بين 12 -15 كجم
ولاحظي سبحان الله نزلتهم كلهم في اول شهرين


بس انا 23 كجم
انا واخت زوجي مع انها بكرية
بس طلعنا طلعة محترمة

وهي بعد اكثر عني
لانه وزنها كان في نص الخمسينات ووزنها في الولادة نفسي 86 كجم

فيعني حافظة ماء وجهي قدامه شوي
كل شوي حشرت اسمها معي في سالفة الوزن

ولو زود العيار شوي
اقوله ياعيني على اللي زايد وزنه بدون حمل وولادة
لان و زاد وزنه بعد

باقي علي 10كيلو وارجع لوزني السابق تقريبا

__________________
الحمدلله الذي بنعمته تتم الصالحات

ههههههههه ، فكرتيني بزوجي ..
مرة قلت له ، تعبانة و حامل .. قال لي حتى أنا عندي كرشة مو مثلك ..
قلت له ( عالأقل كروشتي بفايدة و تروح بعد كم شهر )

.
.

افتكر بحملي الأخير أظن زدت فترة الحمل 15 كيلو ..
ههههههه شكلي بأحطمك ،.

بس أنا ما أكل كثير أصلا .. فالـ 15 كيلو زادت كذا مع وزن البيبي و المويات ووو إلخ

يمكن لو اهتميت أكثر .. كنت زدت لحد 20 ؟
و الله أعلم ^_^

عيل روح يلا شدي حيلج
وزوي العيار هالمرة

علشان لما تنزل الزيادة الطبيعية
يبقالج كم كييلو من الزايدين


يﻻ بنات اعترفو

__________________
الحمدلله الذي بنعمته تتم الصالحات

وينكم بنات شاركونا تجاربكم ..
الغريب أن كل حمل مختلف عن الثاني ..

ما انكر حملي ببنتي أكلي كان خفيف جدا ..
بس هذا ما اذكر اني كنت اكل لدرجة يزيد وزني هالكثر ...

أتمنى يكون في رأي طبي هنا

__________________
الحمدلله الذي بنعمته تتم الصالحات

أنا زاد وزني 20 كيلو مع ان نظام اكلي ماغيرته ولازودته عن قبل الحمل

بس أنتي عطيتيني امل ان ينقص وزني لان وزني ماينزل بسهولة

12 كيلو خلال شهرين حلوة

أنتي سويتي رجيم والا هو نقص لحاله بسبب الرضاعه

ودي اروح اقيس وزني الحين بس خايفة اتحطم لو مانقص شي

ذكرتيني بحملي ببنتي كان وزني 63 قبل الحمل وبعد الولادة 72 طبعا جاني إحباط وحسيت أني مره متينه ومارح اقدر انحف بس انا اقصر منك يعني أكيد ببين علي المتن اكثر
بس الحمد لله خلال السنه رجعت لستين بالعزيمه والإرادة رياضه بالصبح وبالليل وعشا سلطه او بيض مسلوق


الحين بعد ابني الحمد لله مامتنت كثير بس حسافه العزيمه ماهي موجوده ودي أنقص بس ثلاث كيلو
ابني صار سنتين والثلاث كيلو مانزلو

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.