حياتك مع زوجتك لجين مثل حياتي مع زوجي ومااقتنعت انه يحبني إلا بالفتره الأخيره كان دوم يقول اعشقك ومستحيل اطلقك لكن كنت أكذبه لأن حركاته حركات واحد متسلط يتحكم فيني بشكل ممرض ويعاقبني ويدقق
وكذا مرة اقوله لاتعاملني كأني بنتك تعاقبني وتحرمني عاملني كزوجه
سبحان الله نفس تصرفاتك مع لجين ونظرتك لها
اني ماتحمل حساسه
هوماخذني إلاوهويحبني وانا ماملأ أركان قلبي غيره ومثل لجين مريت بظروف صعبه قبل ألتقي فيه
ووصلت مرحلة أستفزه واسوي الشي اللي يغيضه حتى لوضربني
يقول كلمه اقول مثله
يسب أسب
وهويشوف انه يقول الكلام لأجل شي ثاني مثلك تماما..وانا افهم كلامه وتصرفاته على قولته ظن سوء
لكن أي احد في مكاني بيفهمه مثل مافهمته لكن زوجي ارحم منك على الأقل يشجعني على انهاء الجامعه
ومستحيل مستحيل مستحيل انسى وقفته معي ايام الإختبارات
واشوف منه اشياء ومواقف تأكد لي انه يحبني بجنون وبعد مارزقنا الله بالبنت عمرها الحين ست شهور خفت المشاحنات بيني وبينه وتغيرنا كثير
ولله الحمد
لجين الحين مرضانه منك وانت بتسبب لها حاله نفسيه بتعاملك وأسلوبك وعصبيتك وتدقيقك وكلامك الجارح لأنها بتقول عنك مريض نفسي ادري يموت علي بس بنفس الوقت يجرحني يحرمني يضربني يعاقبني مايحتويني هوشرق وانا غرب
ليه تخليها تحتاج ابوك
انت كن لها الأب الحنون والصديق المخلص والزوج المحب
إذا ماتقدر ابتعد عنها ترى بتلقى الصاحي اللي يحتويها وتحس معه بالآمان مو واحد كل شوي يهددها ويصارخ عليها
صدقني لوهي تبي فرقاك كان اشتكت لأحد من أهلها انك تحرمها من النت والتلفون والرسم لأن تصرفك مايصدر من رجل شهم كريم
صدقني البنت تحتاج شوية معامله طيبه[[[[ رقي بالتعامل ]]]
وحتى كلامها لأختك انا ابصم بالعشرة ان لجين سبق ان انقرصت من لسانك اختك..اللي مثل لجين مايتبلى على احد لوبكلمه بس يصرخ وإذا انفجر علمكم بحقيقتكم في وجيهكم لأنها ماعاد تتحمل..
مفروض انت تدافع عنها عند الكل قولهم تعبانه من وفاة ابوها الله يرحمه
وليش حاكم انها تظل عند أهلك
تظن بكذا ان أمورها تنصلح
خذها لمملكتها وخلها ملكه فيها
لجين الحين أم وقد المسؤلية وساعدها بإكمال تعليمها وافرح لنجاحها ولتميزها هذا الحب موانك تحرمها وصدقني مجرد انك تسوي اللي هي تبيه حالك حال أي زوج محب لزوجته و[يحترمها]بتلقى لجين أحسن من الأول..
واحب أنبهك على الرقيه الشرعيه لزوجتك الله يحفظها