الله الله الله
على كلامك الله
يا ابا مريم
هو انا بحب اتكلم هنا لية ؟؟
الاستنتاجات الرائعة دى
فعلا يا ابا مريم فعلا ؟؟؟ هى مبتبصش عشان متحبنيش يااااااااااااااه ؟؟؟
سبحان الله والله انى بقيت اقول الانسانة دى لو احنا عملنا الفرح و الجواز ودخت عليها وكل الكلام دة هيتعمل ازاى
يااااااه
انت عارف يا ابا مريم انى كنت دايما اخاف واقول بينى وبين نفسى انا همشى عليها كلمة ازاى
اذا كان هى محسسانى انها مستنية اى مشكلة عشان تفركش الموضوع
...
والله يا ابو مريم
بالامس تكلمت معها وجددت فى سيرة صاحبتها قلت لها شفتى صاحبتك حبت خطيبها من مفيش شهرين
قالت اة عادى يعنى اى المشكلة
قللتلها طب وانتى ؟
قالت بص صاحبتى اصلا كانت مستنية عريس كانت عايزة تتجوز
قللتلها وانتى
قالت انا قللتلك انا مكنتش مستنية الجواز ولا كنت بفكر فية اصلا
قلت بينى وبين نفسى يا سبحان الله عشان كدة انا بيتعمل فى كل دة
انا قربت احس ان مفيش انسان على الكرة الارضية زيى ..انا الوحيد اللى بشوف العناء دة
وكنت بقعد اقول انا لية عامل فى نفسى كدة سيبها و خلاص يا عم كبر دماغك
بس بصراحة كل مرة كنت باخد القرار واحاول ان فعلا انهى الموضوع فى الاخر برجع ثانى اقلها لية لا بلاش
وارجع انا ثانى احاول اصلح الدنيا
يا سبحان الله
مش عارف انا ضعيف ولا دا اى ؟؟؟
...
من كام يوم اتكلمنا ف بقول لها احنا لو قعدنا قدام شيخ دلوقتى وسألنى عشان يعرف يعنى ((هى بتطيعك فى اى يا بنى انت جربتها فى حكاية الطاعة ؟؟ ))
فاتضايقت قوى وقالت ماشى يعنى انا قليلة الادب
قلللتها مين قال كدة
قالت امال مبطيعكش معناها اية ؟
قلللتها الاول بس جاوبى على سؤالى انتى اطعتينى فى اى
قالت وانا ما اطعتكش فى اى ؟؟
قلللتها يااااااااااااه والله بجد
قالت قول
قلللتها اللى بيحب مبفتكرش اخطاء حبيبة
قالت بجد
قللتلها ايوة بس هقولك على حاجة واحدة يكفى ان لحد الان بتمنى انك ترفعى وشك فى وشى و مش عايزة تعملى كدة
يكفى ان لما بنتكلم كل كلامك معايا بيبقى بضمائر (انت ..انت ..انت ومبسمعش اسمى على لسانك
قالت ماشى يعنى انا قليلة الادب
قلللتها يا بنتى مين قال كدة انتى عايزة توقعينى فى الغلط و تقفلى على الموضوع وخلاص
قالت لا لا خلاص
قللتلها طيب عشان خاطرى فكى الخنقة دى عشان انا مبقدرش اشوفك متضايقة كدة
قالت خلاص بقى انت عارف انى بفك لوحدى سيبنى وانا هفك لوحدى
قللتلها لا مش هقفل الا لما تفكى
قالت والله ما هينفع وانت عارف كدة كويس
....
موقف ثانى
بقولها المفروض الزوجة تكون بتاعة زوجها وبس ومتشوفش راجل غيرة فى الدنيا كلها متحبش حد غيرة هو مالى عليها حياتها وهو دنيتها كلها ومفيش راجل فى العالم كلة يقدر يكون مكانة
انتى فاهعمة اى معنى الكلام دة
قالت انت شايف ان ممكن اكون كدة
بقلها كدة اى ؟
قالت يعنى انى اكون شايىفة حد ثانى او اكون حبيت حد قبل كدة
قلللتها ولى فهمتى الموضوع كدة ؟؟؟
قالت انت اللى بتقول مش انا
قللتلها لا يا حبيتى بس المفروض اشوف حبك لى انا بس حبك بتاعى انا بس
قالت انا مش عارفة لى انت مش واخد بالك انى اتغيرت
قاطعتها والله يا روح قلبى عارف انك اتغيرتى والله والله عارف انك اتغيرتى
مها خلاص كفاية كدة
انا عايز اقلك حاجة واحدة بس ...اللى اعرفة انى بحبك وبس وانتى ؟؟؟
قالت خلاص بقى انت عارف اجابتى كويس فى الموضوع دة
....
....بالنسبة يا اخى للكلام دة
يا اخى دائما كرر عليها
يا بختك يا مها انك اخدتنى
بفضل الله ولا نزكى
على الله احد


يا بنتى انتى محظوظة وامك
دعيالك انى اختارتك
بحمد الله

انا باذن الله هعملة بس يكون بهظار ولا عادى فى وسط الكلام كدة وخلاص







بس تعرف بردة انا اخاف اقولها كدة
تظن انى مغرور او متكبر او واخد مقلب فى نفسى وممكن تكرهنى
انت رأيك اى ؟؟

لا تسألها هل تحبك أبدا
والله انا خايف أنك تيجي يوم وتشوف ما كتبته وراح تندم على الهبل الي انت عمل في نفسك

يا أخي أنت شكلك فاضي فاضي ومقهور في نفس الوقت
شفلك بنت ناس تانية وعش حياتك معها وراح تخدمك وتبوس رجليك كمان بس انت شكلك عايز تدوس على كرامتك وراح تخسر البنت وتخسر نفسك

__________________

ربنا يوفئك مع مهـآ وتصير حيآتكو كلها سعادة

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

الله يبارك فيك يا بو مريم
أسأل الله ان يكون فى هذا النفع
انا هقولك بس
انا خايف من حاجات
ممكن تقول,,,,,,, اول ما بنتلة حبى بدا يتنطط على
لا دانا ارجع فى كلامى وابينلة انى مش فى دماغى ,,,,
وترجع ريما لعادتها القديمة

ومشكلتى انى مبعرفش اعمل كدة
بجد
انا ممكن اكون بارع فى حاجة جدا جدا واول ما حد يبدا يشكر فى بتكسف ووشى بيحمر
ومبعرفش اتكلم ما بالك لما اشكر فى نفسى انا بذات نفسى
..
بس بعد كل دة انا هعمل كدة ان شاء الله فى التليفون
واللى يحصل يحصل

ااااااامين يا رب
جزاك الله خيرا اخت سما
لم اسمع ارائك منذ زمن بعييييييد
بارك الله فيك واسعد زوجك بك
اااامين يا رب

كلآ إنني اتواجد في المنتدى يوميا
لكن أذهب الى قسم المتزوجين وأقرأ بعض المشكلات التي تسبب الأكتئاب
نوعا من الحصانة ضد مفاجاءات المستقبل
لكن اقرأ عجائب البشر هناك واختلافهم سبحان الله

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

عذرا ابو مريم وفارس مها
إذا كنت تنوي أن تقول لها هذا الكلام
(يا بختك يا مها انك اخدتنى
بفضل الله ولا نزكى
على الله احد
يا بنتى انتى محظوظة وامك
دعيالك انى اختارتك
بحمد الله )
فأرجوا أن لاتقوله
فهذا ليس له تفسير سوى غرور وتكبر بالذات ان العلاقة لازال فيها نوعا من الحساسية
ومحتمل جدا أن تقول كم كتبت( اول ما بنتلة حبى بدا يتنطط على
لا دانا ارجع فى كلامى وابينلة انى مش فى دماغى ,)
هنــآك طريقة أفضل حتى توصل لها إنك رجل مميز ومافي منك اثنين في البلد
أكتبها غدا إن شاء الله

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

__________________

تفآؤلك بأن مها ستتغير بعد الزواج لأن قلبها لسى فآضي ممكن جدا وأمر يبعث على الطمأنينة
وهذه فرصة فـآرس لكسبهـآ
وأوافقك جدا في ضرورة تغير التفكير السلبي أو تغيير تلك الصورة التي رسمتها مها لفارس في مخها
وأعلم تماما أنها لم تحبه بعد فهذا يتضح من ردودها وماكتبته في ردي الاول كان اقتباس لرد فارس ويبدوا انها
قالت شيء ما جعلت فارس يشعر بانها بدأت تحبه وإلا لما قال
ماذا يقصد بـ وترجع ريما لعادتها القديمة؟ هل هذا دليل على تغيرها
وانها بدأت تحبه.. الجواب عند فارس
::
مآاردت توضيحه هي طريقة تغيير تلك الأفكار السلبية
كلامك صحيح ابو مريم واحب ان اضيف
طريقة يفعلها خطيبي معي بحيث يوصل رسائل عنه بطريقة غير مباشرة
فيحكي لي قصة حصلت معه هوا واصحابه أو في شغله
ويظهر فيها مدى حنيته او احترامه او حبه لمساعدة الناس
و يبدا يترسخ في ذهني تلقائيا إنه فعلا حنون ومحترم ويحب الناس
في كل مكالمة يفعل هذا غالبا
فانصح اخونا فارس يتبع الطريقة هادي أي موقف حلو يصير معه أو اي إنسان يمدحه يروح ويقولها لخطيبته .. وهي حتتغير بإذن الله
مانستغني جميعا عن نصايحك ابو مريم فلآزلنا نستفيد منك الكثير
أما نحن لازلنا في اول الطريق نخطئ ونتعلم
وفقكم الله جميعا وجزيتم خيرا

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )