إخي SFY. ...

زوجتك تريد منك ان تحترمها .. وتظهر لها الاهتمام .. وتجلس معها تكلمها ..

مرة تقول لك انت ما تحترمني .. مرة تقول لك انت ما تباني إلا عشان عيالك .. مرة تقول لك طلقني ..

كلها محاولات منها عشان تسمع منك انك تحبها وما تستغني عنها .. لكن للأسف انت ما تعرف تحتويها

وما عندك غير السب والضرب ..

شو ما كانت المشكلة يا أخي إنتوا ناس بالغين المفروض تجلسون مع بعض وتتكلمون .. تتفاهمون

وتتصالحون ..

انت تسبها وتتلفظ عليها و

تضربها .. و

تهجرها .. و

ما تفضفض لها وعذرك انك إنسان كتوم وما تحب تتكلم ...

لكن ... عندك بنت إخوك .. ترتاح لها وتكلمها وتفضفض لها .. ؟

وحسب ما أذكر مرة ذكرت انه زوجتك وصلتها رسالة من مجهول يحذرها ويتهم بنت اخوك بعمل سحر ..

يعني الموضوع مو إن زوجتك مني والدرب مأخذة موقف من بنت الأخ .. اكيد في تفاصيل أكثر ما نعرفها ..

وفوق هذا كله علاقتك مع أهلها سيئة ... ليش؟؟

ؤلما توديها لهم تقول لها خلي أبوك أو إخوك يرجعك ؟!

أنا إشوف انه زوجتك هي اللي صابرة عليك.. انت لو تعرف الضرب شو يسوي في المرأة

بس ... هو إهانة لها يا أخي وانت اللي جاي تتكلم عن الكرامة ..


راجع نفسك يا أخوي وتعوذ من إبليس ولا تخليه ينجح في التفريق بينكم .. واتمنى صدق

تراجعون مستشار أسري يساعدكم ..

__________________