ربنا ييسرلك الامر يا حبيبى يا رب
والله انى احبك فى الله
أسأل الله ان ييسر الحال ويوفق ولاة امورنا الى ما يحبة ويرضاه
..
حبيبى فى الله
انا اعتقد ان الامور الان
ما شاء الله مستقرة
والله اعلم
هذا على حسب اعتقادى
وعلى حسب رؤيتى
وقد سالتها ...يا مها انتى مرتاحة وبسوطة قالت اة الحمد لله
قللتلها يعنى مفيش الكلام اللى فات دة قالت لا الحمد لله (اقصد اللى حصل فى المشكلة الاخيرة )
المهم
هى قالت لى ان موضوع الكلية حلم لها فعلا
وقالت انها تريد ان تكون مثل اختها التى دخلت الكلية وانتهت منها ثم تزوجت
والله يا اخى لا اعلم هل هذا مجرد تشبة باختها فقط ام ماذا
وخصوصا ان ابوها قال انا كنت بقول اولادى لا يمكن يتزوجوا قبل ان ينهوا تعليمهم نهائيا
ولكن القدر ان حصل مع مها من دون اخواتها هكذا


طيب بالنسبة لموضوع الصداقة
اعتقد ان هو دة اللى بعملة معاها دلوقتى
بس هى مشكلتها انها متفتحش حتى شوية انى اعرف اصاحبها
يعنى ممكن فى الحاجات اللى هى بتحبها بس تتفاعل
انما فى اللى انا بحبة لاء
واللى هى عايزاة بس ؟
انما اللى انا عايزة لا
!!!
طيب موضوع الحب
انا بصراحة لما بلاقى الجو حلو كدة بطلب منها طلب مثلا (قوللى كلمة حلوة بقى قبل ما نقفل )
فى ساعات تقوللى يلا بقى اقفل بالله عليك عايزة انام
وفى ايام تقوللى (كلمة حلوة ) يعنى العبارة بذات نفسها وليست كلمة حلوة يعنى بتترىء على
المهم
اقولها بجد مش هقفل ولا احط السماعة الا لما تقوللى
تقول سيب الموضوع دة يجى واحدة واحدة
ولو سالتها عنة ثانى مرة ثانية
تقوللى سيبنى براحتى بقى والموضوع دة هيجة لوحدة
طيب هو فين ما هو انا مستنى بقالى زمن الزمن ومفيش حاجة
ولا اى حاجة حصلت لا لوحدها ولا بالطلب
انا محتاج للكلام دة وانا عارف انها عندها مقدرة انها تقولة
طيب لية نتعب فى نفسنا
وانا قللتلها كدة بالفم المليان يابنتى انا محتاج اسمع منك كلام حلو محتاج اسمع كلام حب
تقوللى انا شخصيتى كدة واسلوبى كدة الامور دى بتيجى معايا واحدة واحدة يمكن انا شخصية صعبة شوية بس هو انا كدة
يا سلام
والله مانا عارف احترت بجد
اهظر ولا هتزعل ؟
ابقى جد ولا هتضايق ؟؟
مش عارف
شور على يا ابا مريم
جزاك الله خيرا

__________________

بشرك الله اخى الكبير والحبيب
حفظك الله دائما
اخى بارك الله فى عمرك
الحمد لله انا الان لا اغضبها ولا اعاملها بسؤ مطلقا
يعنى زى ما بيقولوا ممشى الدنيا كلها على هواها
مش عارف اعمل اى بقى عشان تحبنى
دا انا عملت كل حاجة
والله ما شفت حاجة فى النت من اللى بتقرب الرجل من امرأتة الا وانا عملتها
من هدايا واحترام واتيكيت وزوق ورقة وشخصية وكل شىء
والله ما جيت فى يوم وجرحتها بكلمة اهانة
ما هو انا لو بعمل زى ناس وكنت بشتم وبقل ادبى
كان ممكن دا نفع والله اعلم
بس مش دا اللى انا اتربيت علية الحمد لله
...
المهم ما علينا
انا حاليا بكلمها عللطول وهى ربنا يصلحللها الاحوال بتتكلم معايا عادى
ومش عارف هنفضل نتكلم كلام عادى كدة لحد امتى
...
انا فاكر فى مرة زمان وانا بكلمها بقولها
انت بتحسى باية ناحيتى يا مها
قالت مش عارفة بس بحس كدة ان افعالك تشبة واحدة صاحبتى تمام
فانا يومها زعلت وقللتلها واحدة صاحبتك؟؟!!
وبردة كعادتها
لو انا زعلان ولا فى دماغها
اتفلق انا
عندها عادى ولا تيجى تصالحنى ولا اى شىء
ولو عملت انى بتكلم وانا زعلان متسألش حتى فى اى ولا مالك ولا اى حاجة
...
دعواتكم

خر حاجة
اتكلمتمعاها فى موضوع الكرامة
حبيت اوضحلها ان مفيش حاجة اسمها كرامة بين الزوجين
وكمان شديت شوية غصب عنى فى الموضوع دة
لان بقولها ممكن نخرج مع بعض شوية
قالتللى على فكرة مش هينفع نخرج اتضايقت
ورحت قايلها طز فى الخروج كلة الله يلعن ابو الخروج كلة يا ستى
مبسوطة كدة
المهم
بقلها الكرامة اللى بتقوللى عنها دى متنفعش عندى
انا متجيش زوجتى وتقوللى كرامتى
عشان لو مشيت بالمبدا دة من الاخر مش هينفع ننام تحت لحاف واحد
....
السؤال دلوقتى
انا لو حبيت احركها شوية
بانى اقولها
والله مش عايزة حب وكلام من دة خلاص ومالة مفيش اى مشاكل
بس خليكى عارفة ان لا دلوقتى ولا بعد الجواز
هى طبعا هتقوللى ماشى
هقولها خلاص وبعد كدة ان شاء الله انتى تبقى مربية للعيال وبس
لانك متعرفيش فى الحب ولا تعرفيلة
خلاص ملهاش لزمة انتى تربى عيال وبس
وانا ان شاء الله هدور على حبيبتى اللى تحبنى واحبها وتتمنالى الرضا
وتعيشنى فعلا صح وتقوم على خدمتى وواجباتى
وعادى بردة انتى هتبقى مراتى وعلى زمتى وكل حاجة
بس منى ليكى مفيش اى احساس
انتى مربية اطفال وبس
اعتقد والله اعلم ان دة ممكن يخليها تتحرك شوية
تعيد تفكير فى تصرفاتها وافعالها
وتحاول تتصرف صح بقى
دى حتى الكلمة الحلوة تقوللى دى مبتطلبش سيبها تيجى لوحدها .."ب لحد امتى لحد امتى

اوعى تعمل الي قلت عليه
هذا مابيحركها تجاهك

هذا الي بيكمل على القشة الاخيرة
ويزيد نفورها ويمكن تتفركش الحكاية كلها

في حد يقول الكلام دا لزوجته الي بالاصل اصلا
لسه مش مرتاحة لها ويتوقع منها ايجابية؟؟؟!!!!!!!

انت تعبان معاها .. طالما انت الطرف الراغب في العلاقة
فاراح تتعب زيادة

شوف مها محتاج لها زوج مش بيركز مش منتظر منها شي
شي لا حب ولا يحزنون. علا الاقل الفترة الجاية
لغاية ماهي تكون مشاعر ناحيته

اشغل نفسك عنها

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

__________________

يا اخي يا فارس تعريف الحب يفرق من انسان الى اخر
هل سالت نفسك يوما كيف تعرف الحب؟
و ما معنى الحب عند مها؟
اكثر النساء يفهمون الحب هو الاحترام و تقديم الاخر على النفس
و اتوقع مها من هولاء
و اتصور انك ترى الحب الاطاعة بدون شروط
يعني تعريف الحب عندك و عند الانسة مها لا يلتقي الا في نقاط قليلة
ارجع و اقول يا اخي ما المانع بان تذهب الى استشاري
ارى ان نفس المشكلة التي كانت في بداية الموضوع مازالت قائمة
ان كنت تحب ان تسمتر حياتك على نفس الوتيرة لا تذهب الى مختص

__________________
[img]http://im33.***********/edShu.gif[/img]

السلام عليكم ورحمة الله وبركاتة
اخوتى بارك الله فيكم
انا بس بفترض مش هعمل كدة ان شاء الله
ولكن ظنيت ان ممكن دة يكون طريق لانى أاثر عليها
....
الاخت لينة العريكة انا نفسى والله الافى استشارى ولكن لا يوجد فى منطقتى فعلا
وهى لن ترضى بالسفر معى الى نطاق اخر او محافظة اخرى وابيها لن يوافق بتاتا
...
المهم اخر امر
انها اخبرتنى ان لها احد زميلاتها التى لديها مشكلة مع خطيبها
وتقول انها حساسة جدا و لا تتحمل
فسألتها ما بها
قالت والله هى تقول ان خطيبها لا يسال عنها
وهى تتصل علية كثيرا ولا يرد
حتى انها تتصل علية فى اليوم الواحد عشرات المرات ويرد فى اخر اليوم ويقول لها كنت مع اصدقائى
او يتأخر فى الذهاب اليها وفى بعض الاحيان لا يذهب
ثم يتحجج باصدقائة
... فهى تضايقت واتصلت لتسأل صاحبتها
المهم انى لما علمت قلت لها ((شفتى بقى كان نفسك اكون انا كدة ))
قالت لية يعنى اشمعنا
قللتلها لا معرفش
وبعدين قللتلها ما هو اصل مش كل الرجالة طيبين وبيريحوا زوجاتهم
بس انتى عارفة يبدوا كدة والله اعلم ان دة هو اللى بيمشى
الزوج اللى بيطنش هو اللى بيمشى
والله انة جدع
... شوفى يا مها انا هسألك سؤال بجد بجد نظامى انا ولا نظامة هو اللى يعجبك ؟
قالت بصراحة ؟
قللتلها اكيد
قالت انا شايفة ان العلاقة دى قائمة على الود والقرب
بس
قللتلها يعنى اى انا سؤالى واضح
قالت وهو انت كدة مفهمتش ؟
قللتلها لا فهمينى
قالت يعنى ان الواحد يطنش وميسألش دا اكيد هيجيب اثار سلبية
..
قللتلها ماشى ما علينا انتى قلتى لصاحبتك اى ؟
قالت مفيش قللتلها صارحية وقوللى اللى جواك ومتسكتيش
قللتلها كويس ان انتى قللتلها كدة
قالت اه بس اشمعنا يعنى
قللتلها لا لا عدى
المهم قالت وقللتلها طنشية شوية
قللتلها لا والله
طب عموما هو حتى لو يعنى زى ما هى بتقول فعلا افضل حل ان هى تنساة شوية ويمكن ان شاء الله امورها تتعدل
...
المهم فى نهاية المكالمة بقولها طب يلا بقى قبل ما اقفل عايز اسمع كلمتين حلوين
قالت بجد مش هينفع دلوقت
اقفل بس ووقت ثانى هقولك
قللتلها بجد
قالت اه يلا بقى
المهم
اتلكمنا بعدها
قللتلها ايوة مستنى اتفضللى قولى
قالت بص بقى
بصراحة انا فى البداية مكنتش طايقاك
وبعدين فى فترة من الفترات كان عادى بالنسبة لى مش حاجة
لكن بيتهيألى فى الفترة الاخيرة بجد الحمد لله
...قللتها بمعنى
قالت يعنى بقى مش محتاجة شرح اعتقد
بقلها يعنى خلاص مها حبيت فارس
قالت بص هو مش المرحلة اللى فى بالك دى
بس الحمد لله انا مرتاحة دلوقت
قلت ماشاء الله
بس بجد هو انا مقصر فى حاجة
قالت لا لية السؤال دة ؟
بقلها طيب امتى الفترة اللى مكنتيش طايقانى فيها قالت لما كان فى مشاكل كثير مابينا وكنا ندخل مشكلة نخرج من مشكلة بصراحة توقيت سفرك وبعد ما جيت بفترة
قللتلها عايز اعرف لية لحد دلوقت محبتنيش
قالت عادى بقى دى مرحلة ثانية
نحمد ربنا بقى
قلللتها يعنى اى هو انتى بتمنى على ؟
قالت لا مش من بس يعنى بوق كويس ان انا وصلت للمرحلة دى
قللتها طب بقلك اى
قالت اى ؟
قلللتها انا بحبك وبموت فيكى
وانتى
قالت يلا بقى والله وريا مذاكرة
المهم احاول فيها مفيش وعلى كدة
يا بنتى طيب ها قولى
بردة اللى هى قالتة قالت هو دة اللى عندى
قلللتها طيب انا معدتش هسألك
قالت ايوة والله يبقى احسن
قللتلها لية اشمعنا
قالت عشان الحاجات دى بتتقال لوحدها مينفعش كل شوية نسأل عنها
وبعدين لما تقعد تسألنى كل شوية ممكن تضطرنى اقولك على حاجة وممكن تكون عشان ارضيك بس مش اكثر
قللتلها لا وانا مش عايز كدة
قالت طيب نصبر بقى
قللتلها طيب ما علينا وقفلنا على كدة
...
ماذا ترون ؟؟؟؟؟

__________________

الله الله الله
على كلامك الله
يا ابا مريم
هو انا بحب اتكلم هنا لية ؟؟
الاستنتاجات الرائعة دى
فعلا يا ابا مريم فعلا ؟؟؟ هى مبتبصش عشان متحبنيش يااااااااااااااه ؟؟؟
سبحان الله والله انى بقيت اقول الانسانة دى لو احنا عملنا الفرح و الجواز ودخت عليها وكل الكلام دة هيتعمل ازاى
يااااااه
انت عارف يا ابا مريم انى كنت دايما اخاف واقول بينى وبين نفسى انا همشى عليها كلمة ازاى
اذا كان هى محسسانى انها مستنية اى مشكلة عشان تفركش الموضوع
...
والله يا ابو مريم
بالامس تكلمت معها وجددت فى سيرة صاحبتها قلت لها شفتى صاحبتك حبت خطيبها من مفيش شهرين
قالت اة عادى يعنى اى المشكلة
قللتلها طب وانتى ؟
قالت بص صاحبتى اصلا كانت مستنية عريس كانت عايزة تتجوز
قللتلها وانتى
قالت انا قللتلك انا مكنتش مستنية الجواز ولا كنت بفكر فية اصلا
قلت بينى وبين نفسى يا سبحان الله عشان كدة انا بيتعمل فى كل دة
انا قربت احس ان مفيش انسان على الكرة الارضية زيى ..انا الوحيد اللى بشوف العناء دة
وكنت بقعد اقول انا لية عامل فى نفسى كدة سيبها و خلاص يا عم كبر دماغك
بس بصراحة كل مرة كنت باخد القرار واحاول ان فعلا انهى الموضوع فى الاخر برجع ثانى اقلها لية لا بلاش
وارجع انا ثانى احاول اصلح الدنيا
يا سبحان الله
مش عارف انا ضعيف ولا دا اى ؟؟؟
...
من كام يوم اتكلمنا ف بقول لها احنا لو قعدنا قدام شيخ دلوقتى وسألنى عشان يعرف يعنى ((هى بتطيعك فى اى يا بنى انت جربتها فى حكاية الطاعة ؟؟ ))
فاتضايقت قوى وقالت ماشى يعنى انا قليلة الادب
قلللتها مين قال كدة
قالت امال مبطيعكش معناها اية ؟
قلللتها الاول بس جاوبى على سؤالى انتى اطعتينى فى اى
قالت وانا ما اطعتكش فى اى ؟؟
قلللتها يااااااااااااه والله بجد
قالت قول
قلللتها اللى بيحب مبفتكرش اخطاء حبيبة
قالت بجد
قللتلها ايوة بس هقولك على حاجة واحدة يكفى ان لحد الان بتمنى انك ترفعى وشك فى وشى و مش عايزة تعملى كدة
يكفى ان لما بنتكلم كل كلامك معايا بيبقى بضمائر (انت ..انت ..انت ومبسمعش اسمى على لسانك
قالت ماشى يعنى انا قليلة الادب
قلللتها يا بنتى مين قال كدة انتى عايزة توقعينى فى الغلط و تقفلى على الموضوع وخلاص
قالت لا لا خلاص
قللتلها طيب عشان خاطرى فكى الخنقة دى عشان انا مبقدرش اشوفك متضايقة كدة
قالت خلاص بقى انت عارف انى بفك لوحدى سيبنى وانا هفك لوحدى
قللتلها لا مش هقفل الا لما تفكى
قالت والله ما هينفع وانت عارف كدة كويس
....
موقف ثانى
بقولها المفروض الزوجة تكون بتاعة زوجها وبس ومتشوفش راجل غيرة فى الدنيا كلها متحبش حد غيرة هو مالى عليها حياتها وهو دنيتها كلها ومفيش راجل فى العالم كلة يقدر يكون مكانة
انتى فاهعمة اى معنى الكلام دة
قالت انت شايف ان ممكن اكون كدة
بقلها كدة اى ؟
قالت يعنى انى اكون شايىفة حد ثانى او اكون حبيت حد قبل كدة
قلللتها ولى فهمتى الموضوع كدة ؟؟؟
قالت انت اللى بتقول مش انا
قللتلها لا يا حبيتى بس المفروض اشوف حبك لى انا بس حبك بتاعى انا بس
قالت انا مش عارفة لى انت مش واخد بالك انى اتغيرت
قاطعتها والله يا روح قلبى عارف انك اتغيرتى والله والله عارف انك اتغيرتى
مها خلاص كفاية كدة
انا عايز اقلك حاجة واحدة بس ...اللى اعرفة انى بحبك وبس وانتى ؟؟؟
قالت خلاص بقى انت عارف اجابتى كويس فى الموضوع دة
....
....بالنسبة يا اخى للكلام دة
يا اخى دائما كرر عليها
يا بختك يا مها انك اخدتنى
بفضل الله ولا نزكى
على الله احد


يا بنتى انتى محظوظة وامك
دعيالك انى اختارتك
بحمد الله

انا باذن الله هعملة بس يكون بهظار ولا عادى فى وسط الكلام كدة وخلاص