المشاركة الأصلية كتبت بواسطة روح الطير

اتفق بالراي مع داماس ..
و هو الي كنت باوصله كذلك

.
.

ردك الاخير سيدة .. فكرني بحركة عملتها امس بين ولدي الكبير و زوجي ..
و كنت دايما اتقصد اعملها بينهم ..

زوجي اعطيته فلوس يشتري ايباد لولدي .. و زوجي رافض الفمرة تماما ..
يقول ابويا ماعمره اشترى لي ... ليش تشتري له ؟
و غالي و مايحتاج و خذيه لنفسك وووو الخ

...

قلت لزوجي انا وعدته من زمان اجيب له ..
و هو خرب ايبوده الصغير من خمس اشهر تقريبا و عاقبته خلاص اني ما جبت له شي ..
بس باجيب له ايباد و استخدمه معاه .. منها برامج تعليمية و ترفيهية ..
و لو خربه .. ما راح اجيب له غيره ..

.
.
.خلاصة الكلام ..

زوجي جاب الايباد .. وولدي شاف الجهاز و انبسط ..
قلتله .. يالله بوووووس بابا .. عشان بابا جاب لك ايباد ..

راح حضن ابوه و دخل في حضنه .. و قاله شكررررررررا و باس ابوه ..
مع انه ابوه مو مقتنع اولا .. و رافض شراء الجهاز و مستكثره عالولد .. و من زمان يستكثر عليه اي شي حتى لو غرفة او سرير ..
لانه انحرم بطفولاه و كبره .. و ابوه بخيل ..

و زوجي عارف انه الجهاز انا دافعة قيمته .. لكن ماقلت للولد و خليته يشكر ابوه عشان جابه له ..

.
.

مرات كذا .. افرض وجودهم في حياة ابوهم ..

مرة زوجي رجع بالليل و قلت له مافي الشي الفلاني .. تجيبه معليه دحين ؟
قال طيب ..

و هو خارج .. قلتله خذ الصغير معاك معليييه .. تعبني (استغل نقطة رغبته بالبحث عن راحتي .. لمصلحة الاولاد)
لو قلت له ولدك طفشان .. بيقول خليه يجلس و لا اوريه ..

المهم .. اخد الصغير معاه و نشوار قريب جنب البيت بالسيارة دقيقة او اتنين ..
قلتله خذ الكبير معاه كمان .. عشان لا يزعل ..

و زوجي صار يحرص الفترة الاخيرة انه الولديم مايغاروا من بعض ..
لانه يهتم بالصغير اكثر ..

و بعدين قلتله ..
خذ لهم معاك شي بريال .. حلاوة او بسكوت ..

خلاص دحين تعود ..
و صار ياخد لهم حلاوة او بسكوت او اي شي لما يروح البقالة ..
و مرات يخلي في جيبه و يعطيه لهم ..

لما يشوف الفرحة بعينهم ..
هو يتحمس بنفسه المرات الجاية

.
.

ادري انك مو مقصرة ابدا و حاولتي بكل الطرق ..
بس حبيت اقول الي اعرفه حاليا و ببالي ..

.
.

اهتمامه زاد على فكرة ..

بعد ما اشترطت عليه و وعدني انه بيتحسن و يتغير .. معايا و مع الاولاد ..