اخى الحبيب فارس
السلام عليكم
مع كل احترامى وتقديرى
لكلام اخونا العزيز "مارد
الجنوب" والاخت الفاضلة
"لكل شىء حد" والاخ
الكريم "رامبا"
الا انى مش فاهم ازى
هتروح لهم بعد كل الكلام
اللى قلناه واللى اتفقنا
عليه ... الله يهديك يا
فارس مفيش فائدة
فيك مفيش فائدة
يا فارس قلنا مفيش ذهاب
لوحدك ولا مع الشيخ بتعاك
بمفردكم
يا فارس لازم قعدة رجاله
وبعدين يعنى اه ابوك لا
يعلم شىء انت بتهزر
يا ابنى كلم ابوك واحكى
له كل حاجة وخليه يكلم
البيه ابوها اللى عامل فيها
طيب ويا حبيبى وانت فين
وانا مش عاوز اتدخل
يا فارس ابوك يقول كلمه
واحده بس يا ابو مها البنت
مش عاوزه فارس وكفايه
ضغط عليها ده جواز مش
لعب ... اى واحد اعمى يفهم
من كل اللى حصل انها
مش عاوزاه
واللى وضحى لى ليه
كل هذا الجفاف والاهمال
منها
خلى والدك يقول له يا
ابو مها فى واحدة جوزها
ينقطع اكثر من شهر متكلفش
نفسها وترفع السماعة
تطمئن عليه .. ليه هو
عدو لها
فيه واحده تتجاهل زوجها
بهذه الطريقة
يا راجل حرام عليك خلاص
مدام البنت مش عاوزه
الجوازه خلاص يبقى
ترجعوا كل حاجة ويا
دار ما دخلك شر
وربينا يوسع عليهم
من فضله ولا بنتك
آخر البنات ولا ابنى
آخر الرجاله
المهم لازم تروح مع عمك
ومع اخوك ومع الشيخ بتاعك
بس تفهمه كل الخلفيات
وتوضح له كل المواقف
السابقة وتحكى له
كل التفاصيل اللى قلتها
ويا ريت لو راجل من كبراء
البلد علشان يعرف ان لعب
العيال خلص والموضوع بقى
كلام رجاله وجلسه رجاله
وكل واحد هيتحاسب
على اللى بيقوله
بلاش لعب عيال بقى
الراجل ده بستفرد بيك
وعارف ان آخرك يجيبك
على حجرة ويا حبيبى
وعيب يا مها وهى تضحك
وامها تعمل لك شوية
آكل وخلاص الموضوع
خلص وترجع ريمه
لعديتها القديمة
مستنى ردك يا فارس
لانى فى الحقيقة مش
مصدق اللى بتقوله
المهم خليك على صلتك
بالله لانه هو سبحانه من
سينير لك الطريق ويقدر
لك الخير اينما كان
ولا تنقطع عن استخاره
الله وكثرة الاستغفار
والله دعيت لك دعاء امس
فى وقت بإذن الله يكون
وقت اجابة دعاء
بس ربينا يتقبل يا رب
09-03-2013, 03:22 PM
ضوابط المشاركة
العرض المتطور