اعذروني بس قرأت الردود بسرعه وحبيت اعلق على بعض النقاط ....
اولا اللي قال ان الام واقفه مع الحق وانها المفترض انها وقفة مع ابنها ولاكنها اختارت تقف مع الحق انا اقول كلامك مو صح لان امه مو عارفه بوضعه وباالقهر اللي عاناه من البنت وهي مجرد ان ام البنت اتصلت عليها وصار بينهم حوار وركبو الغلط على الولد المسكين كالعاده وهي خوفا من ان ولدها جالس يخرب بيته بيده تدخلت وجالسه تظغط عليه وهي مو مطلعه على الموضوع من كل نواحيه وهالشي يرجع لطيبة قلبها وانعكاس هالطيبة في نظرتها للناس . (مار بهالموقف)

احيي الاعضاء مارد الجنوب ولكل شي حد واتمنى انك تكون فاهم انت ايش تبغى تقول ولاياخذوك بطوالة اللسان واتمنى انك تستمع لكلامهم بدم بارد ولايأثر على مطالبك اللي انت جاي تتكلم فيها فخليك بارد معاهم كانك مجبور على الحضور ولااهتميت للموضوع يعني تجنب الانفعال وتجنب المقاطعه ورفع الصوت وخليه يتكلم لحد مايخلص كلامه بعدين قوله انا تركت لك المجال بدون مقاطعه فاذا تكرمت اسمع وجهة نظري وابدا كلامك واذا قاطعك اسكت وقول له اتركني اخلص كلامي ولاتقاطع وخلص كلامك واذا خلصت لاتسأله عن راأيه اساأل الشخص اللي بتاخذه معاك وخله هو الحكم بينكم ...
عزيزي فارس على مايبدو من كلامك ان البنت كانت راغبة فيك ولاكن بعد المشاكل فقدت الرغبة هاذي وفقدت انت احترامك عندها فلا تفكر انك راح تجبرها لا انت ولا ابوها على حبك او احترامك وحتى لو تغير الوضع لفتره ممكن يكون فقط لاسكات الناس وبعد فتره يرجع نفس اول ...
عزيزي فارس انا متابع لموضوعك من الاول وانت مو عايش سلام مع نفسك كم مره تحسنت الامور معاك ورحت انت تعاتب على الماضي وتذكر اشياء قديمه بل انك مره ظبط معاك الوضع وجلست تتعامل معاها برزاله وحقد وقلت لها كلام مو طيب ابد .... اتخيل نفسي فمكان البنت وردت فعلي ماراح اقدر احبك او اقبل عليك بعد اللي صار ولاكن ابحث عن منطقة مشتركه ابحث عن نقطة هدوء عشان تبني علاقتك معها من جديد لاتفرض الحب ولا الجلوس جنبها انت بالنسبه لها صاير شخص ثقيل وهي تحس انها متوهقه فيك الان ....
اصلح الامر واشرح موقفك وانك الان تفهم اكثر واوعدهم بتحسن معاملتك معاها ولا توصل الامور للتحدي بينكم ...
لاتطلب الحب لانك ماراح تنتزعه منها ولاتطلب الاحترام يزود ذولك ....واهم شي خلك هادي جدا
ان شاء الله بتصلح الامور وتنتهي المشكله وبعد كذا خف على البنت شوي خليها تسوي اللي تبغى وتقول اللي تبغى احتوي اخطاأها واغفر زلاتها واترك العشره بينكم تزود وتكون كلها صداقه لفتره اقل شي ثلاث شهور بعدها ابدأ في الغزل معاها وعلى خفيف يعني بالاسبوع مره او مرتين وعلى شوي شوي زود وصدقني البنات يحبوا الكلام الحلو ....
عزيزي انت اخطأت وهي اخطأت بس انت رديت على اخطاأها بطريقه تكرهها فيك وهذا اللي حصل ....و الوقت ينسي الالم والناس تتغير فاانت العب على النقطه هاذي وبعد فتره ابدا حب بس بشويش

الله يوفقك وييسر لك امرك وعليك بالدعاء والاستخاره واوؤمن بالقضاء والقدر واطلب ان الله يملئ قلبها حب له ولك وانسى الماضي ولاتتعامل بهالطريقه معها ابد لانه مو اخر مشكله بتصير لك وراك سنين طويله من التعامل معها انت تحبها وهذي حبيبتك

__________________
[img]http://im36.***********/B5gk1.gif[/img]