فعلا المفروض تأخذ أبوك معاك .. انتظر أبوك ليما يرجع ..

على شو مستعجل إذا البنت مش مهيأة للزواج ..

نسيت اعلق.على نقطه : شكك انه في واحد ثاني ..

أخاف تكون مثل اللي يكذب الكذبه ويصدقها .. من كثر ما تفكر في هذا الاحتمال بتصدقه في النهايه ..

شو اللي يخليك تشك ؟ في شيء شفته عليها وبديت تشك ؟ لأنك في موضوعك السابق كمان قلته .. لكن من كلامك عن البنت ما شفت شيء يدل على انه في حد غيرك في حياتها .. فلا تخلط الأمور ببعضها و تدخل نفسك في متاهات ..

اللي اشوفه أنه البنت تبي تمشيك على كيفها .. ومن الحين تجهزك عشان تكون هي "رجل البيت " وانت تابع لها ..

انت شوف أمها وأبوها .. وتوقع انه هذه بتكون حياتك في المستقبل ..


انتظر أبوك يا فارس لأنه لازم تدخل رجال في الموضوع ... وإذا جبت عمك أو خالك .. بيطلعونك انت الغلطان لأنك طلعت أسرار برع وتكلمت على البنت ..

أصلا في كل الأحوال بيحطون الغلط عليك مو لأنهم صح لكن هذا طبع فيهم ..