اخى الحبيب ابو مريم
خالتها عاودت الاتصال بالامس ولكن كان لامر اخر
المهم كلمتنى ثانية
قلت لها لو سمحتى يا طنط هطلب منك طلب
قالت اتفضل
قللتلها الموضوع دة بقى موضوع رجالة
قالت ماشى تمام
قللتلها يا ريت حضرتك تسيبك منة بقى
قالت يعنى انت خلاص يا فارس معدتش عايزها
قللتلها انا مقلتش كدة
بس لو سمحتى خلاص سيبك من الموضوع دة وخلاص
قالت يابنى مينفعش مينفعش
قللتلها هو اية دة اللى مينفعش ؟
قالت يا بنى الموضوع مينفعش يتعلق كدة
قللتلها والله اهلها اللى علقوة مش انا ...لو سمحتى انا هسألك سؤال بسيط بس
قالت اتفضل
قللتلها يعنى هو انا متخاصم مع مها ولا مع اهلها
قالت لا معاها هى بس
قللتلها طب واهلها مقاطعنى لية ؟؟
قالت بص هما يعنى مستتقالينها شوية انت فاهم يعنى يا فارس مش عايزيين هما اللى يبقوا جايين عليك
قللتلها لا والله يعنى اية بقى ؟
قالت انت فاهم بقى يعنى هما مش عايزين يعنى اية يعنى يبقوا انت فاهم بقى يا فارس
قلللتلها اااه ..ما هى البنت شاربة منهم دة
اللى هى بتعملة هى متربية علية ...يا سبحان الله ...شفتى بقى مش هو دة اللى بقلك علية
مش دا التكبر اللى كنت بقلك علية
قالت لا لا لا يا فارس حماتك ياما قالتللى انها بقت تتصل عليك وانت متردش عليها وتحاول تصالح ما بينكم وانت مبتكلمهاش
قللتلها متقلبيش فى الماضى كل حاجة ولها وقتها بلاش تقليب فى الماضى
عموماً ماشى ماشى
بس لازم حضرتك تبقى فاهمة ان كدة عيب اللى هما بيعملوة دة عيب
دى اهانة لية
كدة غلط
دا للاسف لا مؤاخذة فى الكلمة كأن كلب وراح
قالت لا لا لا يا حبيبى متقلش كدة لا
قللتلها امال اللى هما بيعملوة دا اية
انا جوز بنتى يغيب عنى كدة ومسألش عنة عيب عيب فى اصول والناس دى للاسف متعرفش فى الاصول
قالت لا لا فارس عيب كدة
قللتلها ما عيب الا العيب هو كدة غلط وبس دا اللى اعرفة
قالت انا هسالك سؤال بس
انت عامل كل دة ليه ؟
قللتلها ياااه ثانى بعد كل ده
عامل كل دة عشان زوجتى اللى هى المفروض زوجتى عايزة تمشى بدماغها عايزة تمشى بمزاجها
محدش يقلها رايحة فين جاية منين
عشان لما اجى اقلها تعمل حاجة تقعد تتلكك وتطلع اى حاجة عشان تهرب ومتعملهاش
او لو فرضت عليها فرض تقعد تجادل وخلاص بحيث انها تهرب من انى افرض عليها حاجة
عيب وغلط كدة
ولو قلت انى عايزها تعمل حاجة معينة تطلع مليون تلكيك
يعنى مثلا بقول لها لما تيجى رايحة الدرس وجاية ترنى على تعرفينى انك خرجتى من البيت
تقوم تقللى دا مش واثق فى
قبل كدة لبست عباية كتف وقللتلها يا بنتى مش عايزك تلبسى العباية دى ولا كأنى قلت حاجة
ولما ابوها جة قالها قومى غيرى العباية دى
قامت جرى
يعنى ابوها تسمع كلامة وتطيعة لكن انا لا
مين يرضى بكدة مين زوجتة تعمل فى كل دة ويرضى
تقول يا فارس يا فارس كل دة بيتغير بعد الزواج
قللتلها لا اللى كان قبل الزواج هيستمر بعدة مفيش حاجة بتتغير
وانا مش مستعد انى اخاطر ولما الطوبة تقع فى المعطوبة نرجع نقول يا ريت اللى جرى ما كان
قالت طب خلاص خلاص
اقفل وانا هكلمهم ثانى الوقتى عشان اعرفهم انك زعلان واللى هما بيعملوة دا غلط
قللتلها ماشى قوللى اللى انتى عايزاة
بس خلاص الموضوع مبقاش بتاعى
قالت يعنى اية ؟
قللتلها يعنى الموضوع دلوقت مع عمى
قالت هو عمك عارف حاجة
قللتلها ان شاء الله يعرف
طب خلاص خلاص يا فارس لان انت باين عليك تعبان
لانى فعلاً مريض جدا
...
وخلاص وقفلت