رد : خطيبتي لا تهتم ...
قريت موضوعك اكثر من مره
وانا رآي مثل باقي الاخوات والاخوان
دائما طبيعه البنت تكون خجوله وماتاخذ ولا تعطي بالكلام مع شخص جديد بحياتها يعني تشوفك للحين انت شخص غريب واقتحم عالمها وانت كمان الله يهديك تسرعت بقوه عشان كذا بدت تقل من ناحيه تفاعلها معاك
واتوقع انها مثل ماقالو هي خافت انو اذا اعطت واخذت معاك بكذا راح يتطور الوضع خصوصا انو المده مثل ماذكرت طويله نوعا ما وانتم لسى ماحددتو يعني هي يمكن كمان حاطه ببالها انو احتمال الموضوع يطول اكثر ؟!
كلامي هذا كتبته اعتمادا على اغلب شخصيات البنات , اعرف بنات حتى مافيه نعم ولا كل ماقال لها شي قالت اها امممم اها كذا كل اجوبتها وعادي حياتهم مافيه تفاعل قبل الزواج بس بعد الزواج يتغير الوضع
احس انو معظم البنات ممكن تتغير بعد الزواج من ناحيه الشخصيه ويتأقلمو مع الوضع الجديد ويتعايشو معاه بعكس الرجال شخصيته هي نفسها قبل زواج وبعد ماتتغير كثير
وكمان في شغله اخوي انت تحب زوجتك تكون لها شخصيه معينه او عادي ممكن البنت عادي وانت تكون ببالك تبغا بنت متحدثه ومتفاعله
الحين سوي مثل ماقالو الاخوان حاول انك تكلمها بهدوء وتبين لها انو انت متضايق مو عشان انها ماتتكلم . عشان مانت عارف ايش السبب وانو تبغا تفهم السبب ويمكن تقدرو توصلو لنتيجه اذا عرفت الاسباب اهم شي اعطيها الامان يعني كلامها مارح يأثر سلباً على علاقتكم مبدئيا بس تبغا تفهم الموضوع عشان تكون الصوره واضحه من البداية لك ولها
والله يكتب لك الي فيه الخير اخوي
__________________
-
*
التعديل الأخير تم بواسطة الزهرة الجميله ; 18-02-2013 الساعة 08:36 AM
18-02-2013, 08:29 AM
ضوابط المشاركة
العرض الشجري