ما أطفش من موضوعك ما دام انتي لا زال عندك نفس تكملي .. انتي اللي تعاني خلال الكتابة ربي يعينك ويآجرك حبيبتي ... أحس بحرقتك خلال سطورك الله يفرجها عليك

موضوع المرأة الأخرى طول الوقت ببالي ويفسر كثير لكن لأنك نفيتي هذا بأول موضوع لك فأنا استثنيته والان أرجع له ..

سؤال يا مليت .. أنتي من وين جايبه الثقة بان زوجك مو متزوج ؟؟ لما ذكرتي برنامجك اليومي ذكرتي بأن له طلعة يومي من المغرب لقبل نص الليل وذكرتي انه ما يترك جواله الى أن ينام ومع ذلك تأكدي بأنه يتابع تويتر

عموما .. المرأة الأخرى بحياة الرجل تخليه يكون أقسى بالهجر ويتتبع الأخطاء .. يعني يخلي حل الموضوع أصعب لكن بالرغم من ذلك فما في طريقة لكسب هذا النوع من الرجال إلا باللي قلت لك عليه سواء كان عنده غيرك أو لأ .. وجودها يخلي الموضوع أصعب لكن ما يغير طريقة الحل .


بعدين حبيبتي انتي ليه تعطي لنقده حجم كبير .. هو من نوع الناس اللي ينتقد ويهول كل شيء ولهذا السبب نقده كثير .. هو السبب مو أنتي .. ليش تفرضي على نفسك أنك لازم توصلي لسقف مطالبه .. أصلا ما في سقف لمطالبه وكل ما وصلتي لمستوى راح يطلب اللي فوق منه .. اعملي اللي يريح ضميرك واعتبري الباقي من كلام الغضب اللي قال لك بانه ما يقصده وما تاخذي فيه .

ركزي بموضوع الندية وبس ومن بعدها نشوف النتيجة ونقرر الخطوة اللي بعدها

__________________

ماأجزم أنه متزوج أو غير متزوج
أحس أحياناً مو فارقة معي

ماأشعر انه فعلاً متزوج وضعه مايحسسني بكذا
اللي يطلع لهم يكلمونه وينادونه وأسمعه يرد عليهم ويعلمهم إذا بيجي أو لا واسمع صوتهم

واحياناً يطلع مدري وين وجهته!

لو متزوج هو شخص يستلم..المفروض استلامه يكون كل 3 - 4 ايام
أحياناَ يأجل استلامه ويبعده فيصير بالكثير مرة بالأسبوع وأحياناً فوق اسبوع ونص

فلو فرضنا متزوج كان يصير فرصة له كل يومين يقول مستلم..صح والا لا!

كمان لما يرجع ضروري يتعشى بالبيت لو حتى ماله خلق يكتفي ببسكويت وحليب
المهم يكون جوعان فاللي قاعد مع ثانية أظن لو مره في الشهر يتعشى معها!
وأكيد بتستغل وجوده تعشيه وتأكله وتدلعه مو تطلعه جوعان!!

لاتفكرين إني أحاول اشيل من بالي انه متزوج بالعكس ’أعرف المشكلة وإن كانت صدمة ولا إني عايشة بحالة ضياع!

ولو فرضنا متزوج وحالته كذا معي ليش مايصير دايم برا زي ماقلت بعذر دوامه!

أنا فعلاً حسيت بوقت مضى انه مسوي هالشي أعتقد سواها ومرت كتجربه!

وأدري زوجي لو سواها بيتشتت مخه باله مو طويل وحياة التذبذب ماتناسبه

هو شخص منظم جداً وحياة بيتين بتوتره

لكن أجزم لو متزوج ومرتاح وحالتي معه زفت بيطقها بوجهي ويعيش مرتاح


أنا فقط أتوقع لو فيه حياته أحد فهي وحده يدردش معاها مو زواج!


عموماً أنا أجهل زوجي تماماً وكل كلامي بالظن والتوقعات!

بخصوص متابعته في البيت متأكدة على تويتر أكثر شي

منشد له تماماَ وعلى فكرة متابع فقط وقافل انه يضيفه أحد


بخصوص نقده...
أنا لاحظت إنه كل سنة أشد من اللي قبل

ولاحظت انه صار ناقد بشكل عام

يعني لاحظته زي ماقلت لك في الأماكن العامة أسلوبه أبد مافيه ذوق
قلتي يمكن أنا أشوف كذا

بس مافيني أكتب لك مواقف تثبت هالشي حسيت إني طولت بسرد مشكلتي واحداثها

فعشاني أنا اللي نقده لي مستمر تعبت نفسيتي ماتحملت هالأسلوب


ولأنه ماكان كذا

فمع التغيرات اللي صارت بحياتي وبعده عني وتخوفي من المجهول
صاير هو زايد نقده وأنا زادت حساسيتي!

* عموماً نخلي الفكرة ( إنه متزوج) ببالنا..
كل شي جايز..

إذا يا مليت بما أنه تغير مؤخرا فقط

وبعد ضعفه الجنسي

فهو سبب مشاكلكم

الضعف مدمر للرجل

وزوجك يراك أصغر منه

من قبل المشكلة وهو يظن انك أفضل منه أو أنه ليس الرجل المرضي لك

ومن قبل المشكلة وهو يراك مميزة


فهو يعلم داخل نفسه انك تفتقدين الجنس

وربما يخاف عليك

يبالغ في نقدك وتهميشك وبلبلة أفكارك ليصرف نظرك عن عيبه

وليجعل العيب فيك أنتي

لا هو

ربي يوفقك ويبرد قلبك ويحنن قلبه عليكم

** جربي تشوفي شنو يتابع على تويتر وتابعي معاه .. يمكن يكون موضوع تقدري تعملي نوع من المشاركة والحديث بينكم من خلاله يقرب ما بينكم

** تذكري يا مليت ردة فعل زوجك لما رديتي عليه أن يشوف وجهه .. طالع بالمرايه وقال حلو وجهي أو شيء بهالمعنى

خذي ردة فعله هذي واستعمليها .. أحيانا رد مازح بهذي الطريقة يبرد الجو أفضل من السكوت وأفضل من الرد المتحسس . لو عادها قوليله يا حليلني ويا وجهي .. أو أي مزحه بنفس مسترخية .

أحس انه يتعامل معك مثل ما يتعامل مع صاحبه لكن الفرق أنك أنثى وتتحسسي وصاحبه يردها بمزحه



** حاواي أن يكون عدم تدحلك بينه وبين الأولاد من باب أنك فعلا معتمدة عليه وواثقه بحسن تصرفه معاهم .. وهذا تقدري تظهريه بأن تقوليها صريحه له بأنك كأم صعب تقومي بدوره وبأن عقلك عارف انه معاه حق بشدته معاهم .
ولما يجون الأولاد ويشتكون لك منه حاولي تبرري تصرفه مو تواسيهم .. أقسى شيء على الإبن بنقد والده له وعقابه مو العقاب أو النقد نفسه إانما لأنه يحس انه والده ما يحبه ومو راضي عنه .. سبحان الله بالفطره دائما يسعى الإبن يكون ناجح أمام والده ... فلما تواسيهم بأنه هو هذا طبعه أو شيء من هالقبيل هذا يثير حزنهم أكثر ما يخفف عنهم مثل ما كنت أتصور .. اللي يخفف عنهم فعلا على المدى البعيد مو القصير هو أن يعرف أنه والده معاه حق وأنه هذا بمصلحته بالنهاية ولو ما حس بهذا الحين وأنه والده ينتقده ويعاقبه لأنه حيبه ولو كان ما يحبه ما كان اهتم بأمره وخلاه على كيفه .. ليش يتعب قلبه ويهري أعصابه لو ما كان يحبه

بث :

__________________

اختى اعانك الله واسأله
سبحانه وتعالى ان يربط
على قلبك ويعوضك خير


لا تنسى سلاح الدعاء
والتقرب الى الله عز وجل
وخصوصا فى اوقات اجابة
الدعاء ... وانت ساجدة ..
ومابين الاذان والاقامة ..
وفى الثلث الاخير من الليل


وكذلك اكثرى من الاستغفار
وقول لا حول ولا قوة الابالله
وكثرة الصلاة على الرسول
الكريم عليه الصلاة والسلام


ويجب البحث عن اى ذنوب
لتتوبى منها وتجددى
التوبةباستمرار


وابحثى عن اى تقصير فى
جنب الله سواء بتآخير الصلاة
او التقصير فى الحجاب الشرعى


اسأل الله لك السعادة
وان يحنن قلب زوجك
ويهدية

__________________

للاسف كثير من الرجال يعتبرون الرجوله بالمال و القدره الجنسيه فان ضعفت احداهما يتجهم و يبحث عن المشاكل.
مليت عزيزتي هل هناك امكان بالذهاب الى طبيب لمعالجه ما يعاني زوجك من الضعف؟
شرح الله صدرك و حسن خلق زوجك فانه قادر على كل شئ

ردودكم جميلة
ودعواتكم أجمل..

الله يجزاكم خير يارب,ويفرج همي وهمكم...

مازلت أشعر إني أدور بدائرة...
ماعليكم ملامه..أنتم نصحتوا ووجهتوا...

أنا كان ممكن أحل مشكلتي بنفسي لو هي واضحة...
لكن تبقى مشكلة مَبهمة!

حلولنا ناتج توقعات...

أشعر الفترة الأخيرة إني غير متسببه بالمشكلة
ومالي يد فيها....

أدري إنها مشكلة من لامشكلة
مالها سبب ولا مسببات!

اليوم زوجي كنت طالعه معه...بنخلص أمور ضرورية للبيت..
أنا ماكان بيني وبينه تتش
يعني علاقتنا هادية بغض النظر عن اللي يدور بصدره!
فخلصنا مشوارنا بدون نتيجة!

طبعاً كان الطريق زحمة

( معليش أشرح حتى تتضح الرؤيا!)

فلمن طلعنا من المحل بلا نتيجة أسمعه يتكلم
انه الحياة غير مريحة ويازين الموت!
ويتمنى السكتة القلبيه!

كان ردي فقط: يادافع البلا!

وهو كمل كلامه....

في كل لحظة تتضح لي حياة أجهلها...
مسار غريب علي..
طريق مجهوله نهايته!

غريبه هي الدنيا...
تكون ماشي زي الفل..فجأة تأخذ مسار ثاني بعيد ماله هدف ولا نهاية
ماتدري لوين بتوصل..ولا وش بيواجهك فيها...

فجأة تصير شخص مو فاهم حتى نفسك ورغباتك..

أنا نفسي كانت شخصيتي واضحه لي
كانت مشاعري غير

أحس أنا ماعدت أنا..

مدري كبرت وتغير تفكيري!
مدري الدنيا أتعبتني معاها وخلتني مشوشة..
مدري أنا أعيش صدمة مؤلمة ماقدرت أستوعب الواقع!

الله المستعان!

وين المشكله حبيبتي ؟؟ الرجال متضايق ويحلطم خليه ياخذ راحته وينفس عن اللي بداخله . لو كان مقهور منك ما كان سكت ولا وفرها .. تطمني

أنا لو منك أنبسط ... صح يضيق صدري عليه ليه متضايق لكن أنبسط لأنه يحس براحه بوجودي ويتصرف براحته وما يكتم قدامي كأني غريبه ..

__________________

مو إذا تحلطم لابد يطولني من الحب جانب!

تعرفين شعور الملل انو شخص دايم زعلان ومتضايق!
شي يطفش..

تعرفين شعور انو تحنين لجو رايق عفوي عاطفي هادي
وماتواجهين الا شخص ينتقد وبس..

شي يجيب المرض أقسم بربي!