بسم الله الرحمن الرحيم

السلام عليكم ورحمة الله

طبعا انا ان شاء الله راح اتملك قريب مو اول مره بس عاد شنسوي

المهم فيه كم حاجه كذا ودي اناقشكم فيها اسأل الله ان يكتب لي ولكم الخير

اول حاجه الهديه طبعا انا ودي اخذ لها هديه في الملكه بس محتار ماادري وش اشتري لها فكرت بجوال بس اخاف يكون معاها جوال جديد وماتكون بمحلها الهديه وقاعد افكر بساعه بس متردد
ودي بحاجه تبهرها طبعا هم وضعهم المادي حلو وشايف عليها ساعه بس عاديه ماادري وش رايكم ايش اجيب لها ؟؟؟


والحاجه الثانيه هي الفتره بين الملكه والزواج هي تبغا شهرين وانا احسها طويله احس بمل واخاف تصير مشاكل زي المره الاولى انا افكر اقولها شهر يله ماعندنا دلع بنات
ايش رايكم كم الفتره اللي تحتاجها البنت عشان تتجهز هل شهر واحد يكفي ولاصعبه (سؤال للبنات )؟

وثالثا شهر العسل انا صراحه مالي خلق لان بعد كم شهر تقريبا 6 شهور من الزواج راح ان شاء الله نسافر لامريكا للدراسه وماودي اكون قصرت بحقها ولاودي برضوا ادلعها زياده ماتكلمنا بهالموضوع لاكن كنوع من استباق الاحداث .،،،، انتوا ايش رايكم هل اوديها مكان قريب مثلا الامارات ولاماليزيا او تركيا ولا نروح مكه والمدينه ونرجع ولا اطلعها شهر عسل عليه الكلام ؟


ورابعا فيه حاجه تجيني كل فتره شعور غبي كذا وخوف من الارتباط وبعض الاحيان اوسوس هل انا اخترت البنت المناسبه لي ولالا واوصل لحد اني ابغا اهون هل هذا شعور طبيعي ولا لا ؟ ( مع العلم اني مستخير وكل الامور متيسره بشكل عجيب والحمدلله )

والنقطه الاخيره ابو البنت فااااااااااااهي جدا جدا جدا بعض الاحيان يرفع الظغط ماادري وش فيه هالادمي ماهوب سنع لدرجة اني مريت عليهم قبل كم يوم ووقفت عند بابهم
طلع وصافحني ولا قال حتى هلا ولا مرحبا ولاحياك وحتى مافكر يقول اقلط كذا يسلم ويفهي الله يستر والله خايف بنته تطلع زيه ولابكره عيالي يطلعون من ذوات الدم البارد
انا عني دمي حار وبعض الاحيان ردودي تصدم الشخص وصريح فهل تتوقعون انها لوكانت بارده تناسب لشخصيتي ؟
وهل يؤثر فهاوت ابوها على الاولاد يعني يكون عرق ماهوب من شخصيته ؟

الله يكتب اللي فيه الخير ان شاء الله لاتنسونا من دعواتكم .

منتظر ردودكم .

__________________
[img]http://im36.***********/B5gk1.gif[/img]

- الهديه: تقدر تاخذ لها دهن عود (انت تحب تشمه عليها... تضرب عصفورين بحجر واحد)+عطر+ كريمات للجسم+ الساعه و الله ما اعرف عنها لأن نحن عندنا الساعه تكون من ضمن الشبكه... إذا مب جي الوضع عندكم فخذ لها ساعه..

- شهرين وايد زين... تفهمون بعض و تكون خذت عليك شوي... تسهل عليك الأمور شوي في الليالي الأولى.. و بعدين إذا بتمل بعد شهرين... شو بتسوي بعد العرس و هو العمر كلللللللللللللللللله؟

- نفس الوضع صار لصديقتي.. تقدر تأجل شهر العسل لشهر قبل موعد سفرتك لأمريكا.. يعين إذا بتبدأ الدراسه هناك شهر مارس... سافروا هناك شهر فبراير... قضوها سياحه و بعدين ابدأ الدراسه... إذا ما بتسوي هالحركه... فلازم توديها شهر عسل محترم.. علشان شوي تستانسون مع بعض... شهر العسل لكم انتو الإثنين..

- وساوس شيطان استعيذ منه...

- ما يخصه... هل شخصيتك نفس اخوك و اختك وابوك و امك؟؟؟؟ و إذا في شي ما عجبك و تبي تحسنه مب تغيره.. (لأنكم ما تزوجتوا بعض علشان تغيرون بعض..) بالأسلوب الحلو كل شي يصير..

الله يجمع بينكما على خير...

السلام عليكم ورحمة الله

طبعا انا ان شاء الله راح اتملك قريب مو اول مره بس عاد شنسوي
الف مبروك


اول حاجه الهديه ؟
برايي عطر ماركه جيده و انت ترغب به كثيرا.
والحاجه الثانيه هي الفتره بين الملكه والزواج هي تبغا شهرين وانا احسها طويله احس بمل واخاف تصير مشاكل زي المره الاولى انا افكر اقولها شهر يله ماعندنا دلع بنات
ايش رايكم كم الفتره اللي تحتاجها البنت عشان تتجهز هل شهر واحد يكفي ولاصعبه (سؤال للبنات )؟
بصراحه شهر قليل جدا، كيف ستتعرفان على طباع بعضكما في شهر واحد؟!

وثالثا شهر العسل انا صراحه مالي خلق لان بعد كم شهر تقريبا 6 شهور من الزواج راح ان شاء الله نسافر لامريكا للدراسه وماودي اكون قصرت بحقها ولاودي برضوا ادلعها زياده ماتكلمنا بهالموضوع لاكن كنوع من استباق الاحداث .،،،، انتوا ايش رايكم هل اوديها مكان قريب مثلا الامارات ولاماليزيا او تركيا ولا نروح مكه والمدينه ونرجع ولا اطلعها شهر عسل عليه الكلام ؟
كل شئ يكون في وقته جميل، شهر العسل يكون بعد الحفله مباشره و لو كان هناك فتره بعيده بين الحفله و شهر العسل ستعتبر سفره عاديه. اذهب بها الى اي مكان ان قادر عليه ماديا.


ورابعا فيه حاجه تجيني كل فتره شعور غبي كذا وخوف من الارتباط وبعض الاحيان اوسوس هل انا اخترت البنت المناسبه لي ولالا واوصل لحد اني ابغا اهون هل هذا شعور طبيعي ولا لا ؟ ( مع العلم اني مستخير وكل الامور متيسره بشكل عجيب والحمدلله )
اصعب شئ على الشيطان العلاقه الحلال و الروابط الاسريه هو يدخل و بكل قوه ليخرب كل شئ فلا تحقق مبتغاه

انا عني دمي حار وبعض الاحيان ردودي تصدم الشخص وصريح فهل تتوقعون انها لوكانت بارده تناسب لشخصيتي ؟
لو كنتما انتما الاثنان دمكما حار كما قلت فكل حياتكما ستكون شجار، لتحقيق المعادله في الزواج يجب ان نحمد الله اذا كان شخص هادئ شريكا للعصبي.
على فكره الصراحه ليست جميله مع المراه احذر اخي الكريم.


ارجو لك من الله التوفيق و الحياه السعيده

الهديه احس علبه كبيره من مكياجي تلقئ فيها بعد علبه فرش روعه وربي جابها خطيبي لي بالملكه مرا عجبتني كم بنت بعد جابوها لهم وعجبتهم معاها عطر تكفي وتجمل

اذا عع شهر احسها م تكفي ، احس احلئ شي الملكه اربعه شهور ثلاثه شهور ومستحيل تمل وربي ،
انا ملكتي 9 شهور وربي م حسيت بالملل بالعكس كل يوم نكتشف ببعض شي جديد وحلوه ايام الملكه م يحتاج تقصرها لاحقين عع الزواج

اا عع شهر العسل. احس بيعجبها مرررا لو كلمتها بعد الملكه اسالها وين الدوله اللي تحبينها. ودك تروحينها واتفقو سوا

وعلئ ابوها خخخ ضحكتني وربي ، ذكرتني بصحبتي ابوها باااااااارد وهيا حاره ، يعني موب لازم تكون زيه ،
صدقني موب قصه ابوها مفهيه بس يمكن يسهئ دايم مدري ليه حسيته عع نياته موب قصده

عع الاستخاره والخوف ، دامك وكلت امرك لله لا تخاف من شي واذا واجهت مشاكل فهوه خير لك