30-11-2012, 02:51 AM
|
المشاركة الأصلية كتبت بواسطة الفردوس غايتي
شوفي يا ست رذاذ ..
انا والله احس البنات في هذا الوقت متعبين جدا جدا في التربية يعني عناد على دلع على تقليد كله تلاقيه عندهم و العجيب ان كل هالحركات تكون قبل المدرسة .. وربي انا لو احكيك عن بنتي انها جابت لي الجنان في سنواتها الأولى لدرجة ان اخواني يعلقون على تصرفاتها يقولون ذي بتدخلك الجنة من كثر ماهي الله يصلحها تعاند وتعابط .. و ماكنت عارفه ايش اسوي معاها .. يعني ضرب انا بالعاده ما اضرب اساسا وما أؤيده .. عقاب .. عاقبت لين دخت صارت حتى هي تعاقبني و تعاملني بالمثل ..قالو لي تقفيل الغرفة جربت قفلت عليها لمده خمس دقايق بس بعدين ماعاد سمعت لها صوت خفت .. لما فكيت الباب لقيتها مخنوقة من الصياح  الله يحفظها و ربي انها تعبتني كثيير .. وكنت اجرب معها اي طريقة اسمع عنها و اقرى كثير في التعامل مع الأطفال ومن الطرق اللي فادت معي شوي .. اني اذا زعلت منها اهددها بخالاتها ولا جدتها انهم يزعلو عليها و احس نفع معاها كذا لانها تحبهم وما تبغاهم يزعلون عليها .. وسالفه العقاب احيانا تفيد معها .. لكن الحرمان .. ابدااا احس اذا حرمتها من شي تنقلب النتائج عكسية معها مع ان فيه كثير ينفع معهم كذا .. الحين بالمدرسة احس انها اللهم لك الحمد اهدا و اعقل وكل ما تكبر كل ما تركد لكن انتي ماشالله عليك مو مقصره الله يحفظك .. بقولك حاجة بس .. هدي بالك عليها الآن و حاولي قدر المستطاع تصبري عليها وتقربي منها فوق ما تقدري .. الله يعيينك خصصي لها وقت تجلسي معها .. قد تكون بنتك محتاجة حنانك اللي شايفته على اخوها و ابوها احيانا ترى حركات صغيرة نسويها ما نعتبر لها .. والأطفال يلاحظونها وبنتك زي ما قلتي الله يحميها ذكية واكيد تبغاك عشان كذا تعاندك و تنبسط على كذا .. و لاحظي ان اخوها صغيير عنها يعني لو كان قريب من سنها يمكن شوي تلتهي معه .. لكن هي حاطة طاقتها معك  اهم شي يا غاليه اذكرك و اذكر نفسي لا تتذمرين من تصرفاتها تراها أجر لك يوم القيامة الله يعطيك العافية ويحفظها لك يارب |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري