السلام عليكم
هل يعتبر زوجي بخيل لو حاسبني ع الاكل مثلا ليش خلص هذا وكذا
قبل امس اشترى ببسي وسط ع العشا
شربنا منه صحيت عطشانه شربت كاسه سالني اليوم الثاني ع الغدا باقي ببسي قلت مدري يمكن مايكفي قال والله منك رحتي شربتيه اخر الليل قلت بالعافيه على قلبي طبعا انا اول مره اقول كذا كل مره اسكت قال مو حاسدك بس اخاف عليك
ومثلا لو اشترى بسكوت قيمته اربعين ريال يقول بس واحد تاكلين باليوم
والا بغا يشتري عصير لقي قيمته غاليه فرجعه حسيت ان نفسه فيه قلت اشتر لك اشترى له اثنين بعدين قالي لا تشربين منه ولا تمسكيه هذا حقي واشترى لبنته بس انا ماسالني ولا طلب مني اشتري لي
وضعنا المادي صعب بس يصرف على نفسه ببذخ يعني مصروفه وحده 1500 وانا مايعطيني مصروف خاص
تحملت كثير وكنت اضن انه حريص بس بديت اشك انه بخييييل وكان حافز يخدمني بس انقطع وحسيت الدنيا سودا يمكن تعودت عليه رحت ادور وضيفه عن طريق حافز بس مالقيت شي مناسب احس انه مرتفع ضغطي لازم افضفض
يارجال زوجي بخيل سالتكم بالله لاتجاملون ولا تطبطبون خلوني اعرف اتصرف استحي اقله انت بخيل اخاف اجرحه
طبعا انا مو من الحين متزوجه لي ست سنوات بس ماكان كذا احس زاد هالشهور صحيت لنفسي هذي السنه ورجعت ادرس انتساب هو بيدفع رسوم دراستي بس حرمني حافز اخر كم شهر عشان يقول يوفر مصاريف الدراسه بس ماوفرها صرت انفجر بكل بساطه حاسه اني كرهته وكرهت العيشه واخر مره انفجرت لاننا رحنا مدينه قريبه نتمشى صرنا نصحى الظهر نتغدى ونفطر وجبه وحده اللي هي سندوشتات وشاهي ونقعد عليها الى العشا واخر ايام انفجرت فيه ماقدرت اتحمل بس ماجبت سيرة الاكل بس قلت العيشه هذي تذبح احس بمووووت وكذا
صعبانه علي نفسي لاني صرت اشوف اولاد اخواني يفكو الشبس وماياكلوه ازعل ونفسي اخاصمهم مثل مايسوي فيني وصرت اكل اذا راح ينام براحتي حتى صرت مفجوعه اكل اكثر من حاجتي واحس بلذه غريبه للاكل وامه نفس طبعه حتى يخبو الاكل عني وعن الشغاله يعني امه ربته على طبع غريب انه هو اهم شي ياكل انا لا وتاخذ الاكل من قدامي وتعطيه او تعطيه بناتها ومره طبخت لهم دجاج ولحم ع الغدا اعطيتهم اللحم واخذت فخذ الدجاج راح تغدى مع امه رجع يضحك يقول امي تقول شف زوجتك اخذت الفخذ واعطتك الصدر مع انه عندهم لحم بعد انا من يومها ماذوق فخذ الدجاج كرهته من جد والله مااطيق اشوف فخذ الدجاج الحمدلله حتى في البرست اعطيه بنتي مااقدر اكله انا صرت اعاني قبل كنت احبه وادافع عنه لان اهلي يقولو باين زوجك بخيل بس الحين احس نفسي اشتكي لهم نفسي افضفض لاحد بس مشكلتي اندم اذا شكيت لاحد مااحب افضحه واقول امور كذا الا لكم لانه مجهول فماتعرفوه وهذا يخفف علي انصحوني هو يستحي ممكن لو واجهته يتعدل بس اخاف اجرحه موعارفه ايش اقول ترا انا باقي شاكه ان كل الرجال كذا مثل ماهو يقول
تتخيلو ان مصروف البيت وطفلين منهم واحد رضيع علب حليب في الشهر وحفاضات وسيرلاك واكل ودجاج ولحم وخضار وكللللشي يعطيني الف بس بس فبطلت اشيل المصروف قلت انت دبر هالمصروف انا تعبت منه
انا مشوشه جدا موعارفه ايش اقول دعواتكم

كان الله بعونك
و ارجو ان لا يكون هذا الموضوع مرهقاً لكي و مؤثراً على نفسيتك
البشر جبلوا على التفاوت و الاختلاف فما قد أراه بخلاً قد يراه غيري حرصاً و قد يوجد من يراه سذاجة و قد يحتمل تأويلات أكثر من هذه و انتي لستي معنية بتحليل شخصيات خلق الله فأنتي زوجه لكي زوج مسؤل عن تأمين احتياجاتك و لكي حقوق مثلما عليكي واجبات و المواجهة اللطيفة قد تكون مطلوبة احياناً او ان تبيني له بأنك حين تأكلين لا يعني بالضرورة أن يتحقق ذلك بالسرقة او التخفي كلام كثير ودي اقوله بس المشكله ارد من الجوال وتعبت

يمكن يكون زوجك يمر بضائقه ماليه, اوقفي جمبه وحاولي تفهمين منه وجهة نظره لما يرفض اي شي او يحاسبك على اي شي. اوقفي جمبه ولا تصنفينه بخيل او مو بخيل. انا عن نفسي بعض الاحيان احاسب زوجتي على الأكل يعني لما تطلب شي وهي طالبته من يومين استغرب وممكن اسألها.

لا مو بخل يمكن حرص

__________________
انا لله وانا اليه راجعون

يمكن طبع اهله كذا

هذي انانيه وبخل عليك اذا الرجل يشبع نفسه وماقصر على عمره بشئ ويحرم زوجته
فهذي انانيه وبخل عليها يمكن هو ما يعرف ان الانفاق عليك واجبه وفرض عليه (ولينفق ذو سعة من سعته )
يعني زي ما ياكل تاكلين وزي ما يشرب تشربين وزي ما يصرف على لبسه يعطيك بل بالعكس مصاريف المرأه اكثر وتحتاج نفقه اكثر لكن الزبده انت زوجته مو جاريه عنده
( وَلَهُنَّ مِثْلُ الَّذِي عَلَيْهِنَّ بِالْمَعْرُوفِ )
أي : ولهن على الرجال من الحق مثل ما للرجال عليهن ، فلْيؤد كل واحد منهما إلى الآخر ما يجب عليه بالمعروف "

حبيبتي لازم تتكلمين معاه في هذا الموضوع ولا تخافين على شعوره مو شرط تقولين انت بخيل..... بالتلميح مره
والمزح مره وتلطفي في معالجة ذلك مع زوجك ولا تنتظرين منه ان يعطيك فالواضح انه لن يفعل بل بادري بطلب حقك حتى في الاكل اذا طبختي شئ فلتقصميه بينكم مو تاخذين دجاج وهو لحم من الخطأ انك تعودينه على هذا الطبع ويصير يستكثر فيك اللقمه ويتفضل عليك... يمكن هو يفعل ذلك لجهل منه فلا تعينيه باستسلامك وسكوتك فهذا حقك وواجب عليه
لماذا تأكلين بمفردك وهو يأكل مع امه ؟؟
هل تسكنين مع امه واخواته في نفس البيت ؟؟

__________________
كم من إنسان كثير الثياب ..عاري الثواب ..مذكور في الأرض.. مهجور في السماء..!‏ ‏ ‏‏
[السعدي رحمه الله]