لاحول ولاقوه الا بالله

استاذي نصيحه اخت..ان كان تقصد بالايتام اللي هم اللقطاء بمعنى لايحملون اسم عائله معروفه بالمنطقه ابعد لاتخطب حتى لو تبقى عزوبي ليس لااجل الناس بل لااجل ابنائك بالمستقبل
هناك ابناء سينتجون من علاقتكم مالهم خوال.هل تتوقع المجتمع بيتقبل وجودهم!!هل هم بتقبلون الحياه !!هل لو يعجب احد ابنائك ببنت عمه راح تقبل به !!هل ترضى زوجتك المهان والنبذ من اهلك بعيدا عن امك ""قبول امك لانه قله حيلتها والا اللي يحمل مواصفات وايمان بربه كبير ماييياس ابد و و!!
استاذي خلفها تبعات واعتبارات مهما اظهرنا القبول العقول ترفض
الى هالدرجه قلة بنات
مع احترامي للداعيه الله لا يهينها بحكم معارفها كان ذكرت لك من اهلها ان كانت غير قبيليه وان كانت قبيليه تذكر من جماعاتها!!او بالتحفيظ اللي هي تدرس فيه
هل ترضى هالداعيه تزوج احد من ابنائها من هالدار !!
اكثر الداعيات ومن المشاهير ع مستوى منطقه الرياض والقصيم ينقون البنت بمواصفات جماليه كنها بترينه ..يقولون البعض منهم مالايفعلون ..والسبب يعف نفسه عن الحرام وليه يخسر ع وحده حتى منهم تحسب العمر بالشهور
يعني اللي اوجد هالداعيه يوجد غيرها كثر الله الداعيات !!!
اخوي انا لست اتعالى لكن لاتزيد النار نار ارجوك ارجوك ارجوك لااجل ابنائك بالمستقبل لا تعطل انسجامهم بالحياه لااجل اختيار خاطئ
انا اعتراضي ع النسب
عاديه شكل!! اختلاف لون!!اقل تعليم!! فقر.. افضل من ان تاخذ اقل نسب .ماطالبتك تاخذ من اقوى قبايل السعوديه لكن اللي يوفقونكم
اذا كان هناك من لايقبل نسب من امها من الجنسيات العربيه لكون العادات تختلف وخوفا من ان يؤثرون ع ابنائه لان ابنائك بيحتكون بخوالهم كيف بمن لا وجود له..

بلا زواج افضل من اقدامك اللي راح تسويه
انصحك مثل ماانصح اخوي لاندعي المثاليه والعيش بعيدا عن المجتمع
لااريد ان اطول بالحديث حتى لااخوض اكثر فان لم يعجب كلامي وان لم تنظر عليه فانا يكفيني ارضيت ضميري
المشاعر ننساها في موضوع الزواج هذا عمر وراح تتوسع عائلتك وراح وراح
مااقول غير الله ينور بصيرك ويهديك,,استاذي جميع ماذكرته بردودي لن يوافق عليه سواء اشخاص لهم احتكاك كبير ونظره بعيده في الحياه ليس الحياه بمنظور البعض الموجود بداخل حياتك
فاعذرني تماما ع قسوه الحروف لكن ان كنت ممن يعيش لااجل حياه كامله ومستقره ويشعر بمسؤليه كامله سيحس بهالحكي بعد مرور السنوات ام ع النقيض سيخلف خلفه ابناء سيذوقون امر منك بكثير بكثير
فلاتكون ممن يقال له لاتسمع اغاني حرام يقول الله يهديني وهو مستمر فيها
يارب ابريتي ذمتي ونصحت لااجل لاياتي يوما اقول اني مريت موضوع شخص وكانت هناك نصيحه تمنيت اني كتبتها لاني لمست بحياتي من ذاق مثلها واصعب ونصحته يوما ومن بعدها اتاني يبكي ويقول فات الاوان!!
اعرف كلامي جريئ لكن اعرض لك الواقع ليس من نسج الخيال ولست ممن يطالب احد بشي وهو لا يطبقه..ولست ممن يغلق ع نفسه الحلول لااجل الهروب لحل سيدمره بالمستقبل ولست ممن يستشعر خطوط الواضح امامه ويقول اختيار موفق وهو العكس
تجاوبك معي بالرد السابق استشعرت انك بعيدا تقريبا عن واقع
اتمنى لك كل الخير والله يصلح احوالك واحوالي واحوال الجميع الى اللقاء

قولي هذا الكلام لكل من ردني بدون سبب
قولي هذا الكلام لكل من قالي ما نزوج قبائل
قولي هذا الكلام لكل بيت ردني بدون ما يسأل عني
قولي هذا الكلام للي قالي انت عزيز و غالي الا موضوع الخطبة
قولي هالكلام لكل بيت رد على امي بعد الاتصال بساعتين "مافي نصيب والله يوفق ولدكم"

لا اكترث بالمجتمع اصلاً طول عمري مشغول فكيف افكر في كلام الناس ولا مجتمع؟
"زوجتي" هي مجتمعي و اهلي و ناسي فليكن ما يكن وليقال ما يقال

(ان اكرمكم عند الله اتقاكم) و ضعي نفسك مكان هالفتاة اللي في الدار و اقرأي ردك نفسه و قولي لي ايش شعورك لو كنتي على وجه زواج او سن زواج....اسألك بالله ان تجاوبي بكل صراحة

ان جاوبتيني راح اغير رأيء

انا افكر بالموضوع و ان شاء الله بعد عشرة ايام اتخذ قراري