السلام عليكم ورحمة الله وبركاته


في البداية ليست مشكلة بقدر ماهو حاجة للتوجيه والنصيحة خاصة من إخوتي الرجال


خطيبي ( بالأصح زوجي معقود قراننا منذ أسابيع قليلة )

من عاداتنا لاتوجد نظرة شرعية ولا تلبيس في الملكة ..


خطيبي قليل الكلام لايبادر كثيراً بالرسائل يعني عادة يرسل لي رسالة كل صباح مسج صباحي

أرد عليه غالبا غالبا يصمت لولا أني اسأله أخبارك فيرد

وهكذا كلامه قليل وادرك ان هذه طبيعة الرجل وأظنه يحمل صفات النمط الجنوبي ولا ادري إن كان شرقيا ام غربياً


في مره ارسلت له رسالة بعد وصلوه وكانت شعر ورد علي شاكرا ثم كتب لي ياحياتي أحرجتيني

وقلت له خلاص ماراح احرجك آسفه وقالي بالعكس كثري لي منها اصلا احب انحرج ..


من كلامه انا جاني شعور سيء نوعاً ما ، ما أحب الرجل الخجول اخاف يتوقع اني جريئة

رغم ان كلامنا لايزال بحدود ضيقة ، كلماته وحشتيني ، حياتي قلبي فقط

عمره ما اهدى لي بوسه ولا اعطاني اي تلميح ..


أحسه ينبسط إذا تكلمت معه لكن هو مايحكي كثير . وانا ودي اعرف شخصيته .


شي ثاني كنت افكر اهديه على بداية الشتاء جاكيت بس خفت ينتقد تصرفي ما رأيكم وخاصة الرجال

هل تفضل ان تهديك زوجتك مثل هذه الهدية ؟!

وكيف أتعامل معاه هل اتجاهل مسجاته ام احفزه على الحديث وكيف احفزه ؟!

هل خجله سيستمر في الشهور المقبلة ام في أمل ينكسر حاجز الخجل ؟!


افيدوني بتجاربكم

اشتريه له جاكيت راح يفرح فيه كثير ويمكن مايلبسه من حبه له انها هدية غالية
كلميه وارسليه له بحدود المعقول ولاتمارسين عليه دور الثقيلة
خليك معه طبيعية وعادية هذه ايام جميلة يجب ان تعيشونها بطبيعية وبدون اي تصنع سلبي
خطيبتي كثير خجولة وماترسلي ولاتبادر بالسؤال
هالشيء مضايقني

انصحك حافظي علي خجلك شوي معاه ..
لاتصيرين مرة جريئة وهو خجول ، لكن شوي شوي حفزيه هو يصير جرئ لان هذا الاصل في العلاقة ...
وحلو منك تشترين له جاكيت لكن اعتقد هو اول لازم يشتري لك هديه ثم انتي تشترين له ...
بعدين تري هو يمكن يوم قال احرجتيني كان يمزح ...

بسألك سؤال : انتم ما عندكم نظرة شرعية ، هل شفتم بعض من قبل ؟؟ هل زارك بعد الملكة ؟




نواف

إن شاء الله بشتري له بس خفت ينتقدني ويظن إني جريئة

كلامي معه في حدود المعقول وكم مسج باليوم فقط .

كلمة أحرجتيني طفت مشاعري لانه كان راجع من سفر والمسج شعر عادي وكان كله عن فرحة المدينة بقدومه ، لما قالها تفشلت من نفسي مابي اكون بنظرة جريئة .

نظرة شرعية نعم ماعندنا للاسف عادات باليه وهو طلب يلبسني الشبكة ويشوفني بعد الملكة لكن قوبل طلبه بالرفض من قبل أمه وامي بحكم انه مو من عاداتنا .

طبعا جاب لي هدية شبكة ذهب و باقة ورد علما انها ليست إلزاميه في عاداتنا ..

بيننا صلة قرابة ، ودي اعرف المسلك السليم لتعامل معه صح انا ارد عليه بأبيات شعر وتعجبه ودايم يكتب لي اتخيلك احاول اذكر أوصافك ( لاننا أقارب وطفولة شبه مشتركه)

صراحه اوقات اشتاق له ودي يسولف علي من نفسه واعرف افكاره

أعجبني انه محترم ماعنده تلميحات للجنس من البداية لكن يعني اي أنثى ودها تتمتع بالحلال في مسج ارسله لي صباحي وفيه اصلا ( ودي أبوسك ) من أصل النص
وهو حذف كلمة أبووووسك ليه ؟! تتوقعون
انا اعتقد انه خجول وهو الولد الكبير لكنه عاش بعيد عن اهله بحكم عمله وعمل من صغره حتى دراسته ماكملها ..

انا أكبر منه في العمر فارق بسيط سنتين هل تتوقعون هذا سبب يجعله يخجل مني وهو قالي انا من قررت اتزوج كلموني عنك واخترتك .

مافتحت معه سيرة العمر ولا ودي افتحها


احترت كل اللي ابيه اني اتعامل معه صح ، اوقات بعد ما ارسل له ألوم نفسي المفروض طنشته ولا سألته عن أخباره كل كلامنا مسج صباحي يتبعه اخبارك نمت داومت ؟! ويرد علي نفس السؤال ونسكككككت إلى بكره

بصراحة انا كنت من هذا النوع من الرجال في علاقات السابقة لاكن مع التقرب و المعاشرة لشهور يبدأ الخجل يدوب مع الوقت
خطيبك يجب عليه ان يكون مسرورا لآنك تهتمين به بهذه الطريقة ,لو هو خجول فهذه ميزة لأن هذا النوع من الرجال لا تكون لهم خبرة ولا علاقات سابقة ولاكن يحبون بصدق وأمان لهذا أنصحك ان تكلميه في الموضوع بي خجل والتكلم معاه بكثرة عبر الهاتف وخاصتا الإنترنت مثلا لاكي يبادر هو في الكلام و الإهتمام أكثر , وأخيرا ان تشتري شيئا لي خطيبك هذا شيئ رائع جدا وهذا يدل مدا حبك له,أنا يا بنت الناس لو وجدت خطيبتي تهتم بي كما تهتمين انت بخطيبك بدون هداية كنت قد جعلتها ملكة فوق راسي ولاكن الحب وما يفعله بي الإنسان هوا سبب استمرارنا بي الأشخاص الذين نحب.