ضايعة ..

الكلام الي ينقال لك .. ممكن انا برضو اسمعه مرات
او ممكن ينقال لأي شخص ..

لكن انت الجمل هذه .. ضغطت عندك على وتر حساس .. و شغل بالك
و خلاك تعطيه مساحة اكبر من مساحته ..

بالاضافة الى انك تثقي برأيي الاخرين اكثر من ثقتك بحالك ..
فتشعري بانه خلاص الكلام اللي يقولوه صحيح ..

.
.

شوفي ..

مافي شخص على وجه الارض .. ماتعرض للخذلان من اي شخص ..
و متاكدة لو قلت لاي احد قدامي .. انت اكيد مجروح او فيه احد خذلك بالدنيا ..
راح يقول .. ايوة صح صادقة ايش يدريك ؟
راح ارد .. من عيونك باين الحزن ..

اقصد انه لاتعطي للعبارات هذه .. احجام اكبر من حجمها ..

.
.

انت بالفعل تعاني من نقص بداخلك و تبحثي عنه ..
بس كل وحدة تنتظر شريك حياتها اللي يشاركها همومها و احلامها

النقص هذا لو ملئتيه بالحرام لاسمح الله ..
ربي بيحرمك الحلال .. وتعيشي بقلق طول عمرك ..

.
.

عشان كذا .. حاولي تملئي النقص او الحرمان اللي تشعري به في داخلك
بامور تقوي ثقتك بحالك .. وتقوي ايمانك بالله ..

وقتها ماراح تحسي انك بحاجة لشخص يعبي الفراغ هذا ..
راح تكوني مكتفية بحالك..

.
.

و انتبهي من بعض الناس .. اللي يحبوا ينبشوا باسرار الاخرين ..
عشان يخلوها علكة بداخل فمهم ..

فهذه وحدة من طرقهم لسحب الكلام منك .. و عشان تحكي لهم اللي ربي ستره عنهم