طالما يا اختي ما تعلقتي فيه
تعالي نفكر بعقلانيه ونحط القلب والعاطفه على جمب ...

هو عنده عائله زوجه و 3 اولاد
وهو موظف حكومي
وهذا الرجل احتاج لدخل اضافي حتى يغطي احتياجات عائلته فاشتغل سواق فوق وظيفته
معناته وضعه المادي مره مزنوق
كيف يتززوجك ؟ من وين يصرف عليكي ؟ طيب انتي ما تبغي تنجبي زي بقية النساء؟

ثانيا :
الرجل فكر يتزوج على زوجته رغم انها صغيره وغير مقصره معاه ،، هذا شيء يعطي نوع من عدم الامان معاه ،، طبعا هو الشرع محلله انه يتزوج ثانيه وثالثه لو حب ولكن هذا التصرف في هذا العمر يعطي شعور بعدم الامان صراحة معاه..


ثالثا
قال اتزوجك لو زوجتي وافقت طيب بكره الاولى زعلت عليكي وقالت طلقها بيطلقك؟
يعني مصيرك في يد زوجته الاولى!!

باحتصار اختي ظروف الرجل لا تناسبك ووضعك حاليا ما يجبرك انك ترمي نفسك هذي الرميه
لسه بدري على التنازل ..

وطالما ما حبيتيه ولا تعلقتي فيه مثل ما قلتي
اصرفي نظر عن الموضوع
وامسحيه من الواتس اب ولا عاد تتواصلي معاه حتى لو احتجتو توصيله مستقبلا
وان شاء الله ربي بيرزقك باللي يسعدك