تقلان لكن مو مطنش.. فرررق
لما ارسلت لك عشان مامتك الله يعطيها الصحة ..
قلنا ترسلها تسال عن احوالها ..
مش تطنش بتاتا ..
وترسل لها الان عشان الاواخر (بتقول ماصدق و يتحجج .. اذا كانت رسالة مليئة بالهيام و الحب)
لكن لما ترسل رسالة فيها تذكير و كمان انت اصلا بترسل عشان تقول لها علفلوس
يعني لازم ترسل لها ..
وزي ماقلت لك الرسالة فيها من لين الجانب وبنفس الوقت مافيها اندلاااق
وطالما انها بترن لك ... معناها البنت ذاكراك .. بس حاسة انها والله اعلم
مش عارفة كيف تبدا او ايش تقول.. او تخاف من مسالة الرصيد !!
لاني عانيت من هالنقطة
.. كنت بستحي اطلب من امي فلوس عشان اشحن تلفوني
و استحي حتى اطلب من زوجي .. فا ببخل بالرسايل
فاخلينا نحسن فيها النية ..
وحاول في المرة الي بترسل لها تكون رسايل شي محتاج رد ..
مثلا تسالها عن شي معين ..
بعطيك مثلا
تحيانا كان يرسللي زوجي و يقولي كيف حالك حبيبتي
انا النت عندي عطلان اليوم ..لو تقدري ادخلي النت و شوفيلي كدا وكدا
وردي لي خبر ..
فا ارد عليه عاادي ..
ويبادرني شكرا حبيبتي او شكرا حياتي ...فا البنت بطبيعتها بتفرح بكلمات زي كدا
جت بشكل عفوي .. فاهمني
تعودها تاخذ و تعطي معك ..تعودها تطلب منها خدمات (حتى لو مش محتاج )
تشيل التكليف ..
ممكن اذا متضايق من شي .. ترسل لها و تقولها لو فاضية رني لي و اتصل عليك
اذا رنت اتصل كلمها عادي و فضفض لها حتى لو عن شغلك وهي مش فاهمة
بس المهم تشيل التكليف و تشركها معاك ..
لو مارنت عليك .. خلاص عاديها و اعطيها عذر الانشغال و لا عاد ترسل عليها
يومين و لا 3 على اساس انك مشغول ..
لو سالتك بعدين انت كنت عايز ايه ؟قلها لا مافيش حاجة بس حبيت اطمن عليك
لو سالتك انت زعلان مني لاني ما رنيتش؟؟ قلها لا عادي قلت اكيد بتكوني مشغولة بشي
يعني ماتحسسها انك واقف لها على الدعسة .. او انها اذا ماكلمتكش هتممموت عليها
دي الاشياء الي قصدي عاملها فيها .. عشان تعاملك بالمثل
مش موضوع الرسايل .. (الرسايل دي ناتج و انعكاس لعلاقتكم العامة
وقت ما تتحسن علاقتكم بتتحسن نوعية راسيلكم )
اهم شي في الفترة دي تبتعد عن الرسايل الي كلها حب و عشق
وكلام في المستقبل و الاطفال و المسولية ..
بس اكسبها .. بعفوية
على فكرة يااخ مشين .. انت من اول العقد هل دايما كنت بترسلها رسايل ؟؟؟
يعني يوووميا مثلا ؟؟ة ولا كيف كان تواصلكم بالرسايل
13-10-2012, 02:47 PM
ضوابط المشاركة
العرض المتطور