السلام عليكم ورحمة الله وبركاته... ،،، هل يصح الاشتراط على الخاطب المطلق سابقا لزواج استمر فترة قصيرة جدا،، هل يصح الاشتراط عليه ان يغير المنزل الذي كان يسكنه مع طلقته الى اخر اكبر منه مع العلم انه غرفتين فقط،، وكذلك شراء اثاث جديد،، حيث ان بعض الاثاث الحالي اشتراه عند زواجه السابق والبعض الاخر بعد الطلاق،،، ننتظر الردود بارك الله فيكم

شوفي انا خطيبي السابق كان مطلق و اشترطت تغيير غرفة النوم فقط... اما باقي الاثاث خليته مثل ما هو بس كان عندي توجه ان ننتقل لبيت اكبر علشان تكوين الاسره لهالسبب ما اهتميت بباقي الاثاث...

انتي شوفي اللي يناسبج و يريحج و في نفس الوقت بدون ضغووط كبيره عليه...

تغيير البيت ما وضحتي ليش؟ لان كبدايه غرفتين و صاله كافين لكم و كل اهلي سكنوا بهالشكل في البدايه و مع زيادة عدد الافراد انتقلوا لبيوت اكبر....

الله يعطيك العافية اختي الفاضلة لكل شيء حد،، البيت غرفتين فقط يعني غرفة واحدة وصالة فقط ،، يعتبر صغير

يا اختي اذا ظروفه المادية محدودهـ ماعليها لاتظغطين عليه
غرفتين لعرسان كافية لكم..أهم شيء صدقيني الأخلاق والباقي يتعوض

اولا اختي ما في شي اسمه "هل يصح" لان الشروط اللي ما تمس الشرع بشي فهي امر عادي جدا و للمخطوبه و اهلها حرية اللشتراط و للخاطب و اهله حرية الرفض...

البيت اذا حاسه انه صغير... و العقد الايجاري راح ينتهي قبل الزواج فتقدرين تطلبين منه تاجير شقه اكبر لان الحق يقال اذا حملتي من البدايه بتلاقين صعوبه مع الطفل بعدين...

اهم شي انج تفكرين لبعدين و تفكرين كيف راح تعيشين و هل هالشي يناسبج او لا.

يعني اذا الاعضاء قالوا لج الشقه الحاليه تكفي و بعدين تغيرونها و كلام... و حسيتي انج اقتنعتي بكلامهم.... ما تجين بعد السكن بفتره و تتضايقين من الاثاث و الاساس و تصير مشاكل و حساسيات....

انتي اللي بتعيشين... مب احنا... اتمنى تكونين فهمتي قصدي عدل...