فضفض علشان ترتب افكارك...

راح أعيد بعض الكلام اللي قلته لك قبل... و استحملني.... اعتبر اني اختك الكبيره وبنصحك...

- تعلم إن مشاكلك تحلها بنفسك دون اللجوء لأكثر من رأي... تذكر كثرة الطباخين تفسد الطبخه... و كثرة الأراء في موضوع معين راح يشتت أكثر و أكثر...

-الثقافه الزوجيه: و ما أقصد الجنسيه هني... بل أقصد كل ما يتعلق بالزواج...انت محتاج تتثقف عدل و هي نفس الشي.... أنصحك بكتاب النساء من المريخ و الرجال من الزهره...

-الحقوق و الواجبات: أعرف اللي لك و اللي عليك... و اعرف المفروض و المستحسن.. يعني في أشيا لاااااااازم المرأه تسويها و في أشيا يستحسن انها تسويها لأنها تزيد من رصيد المحبه في قلب الزوج.. مثال: الإستمتاع.. هذا حق من حقوق الزوج... المساج... هذا شي يستحسن ان الزوجه تسويه لأنه راح يزيد من رصيد المحبه في قلب زوجها...

-لا تستجدي الحب: يعني لا تسأل طول الوقت "تحبيني.. عاوزاني.. اشتقتي لي"... عطها فرصه هي تعبر عن مشاعرها... حلو السؤال في اوقات معينه... بس مب بشكل خانق و متكرر...

-خير الأمور الوسط: حبها و اشتاق لها و كلمها... بس بمقدار وسطي... لا تندفع بعواطفك مره وحده علشان إذا ما حصلت اللي تنتظره ما تنصدم و تتعب...تعامل بحزم في بعض المواقف... و بلين و رفق في مواقف أخرى... تصرف حسب الموقف بدون تخطيط مسبق له و بدون استنتاج مسبق لتصرفاتها... يعني لا تقول لنفسك انا بتصل لها و اكيد هي بتفرح و بتقول لي كلام حب و حلو... و بعدين يوم تتصل و ما يكون الأمر حسب توقعاتك تتضايق... اتصرف بدون توقعات مسبقه في الوقت الحالي..

السن: راعي سن اللي خطبتها... ناضجه و عقليتها و كل شي حلو.... بس الزواج غير.. و التعامل مع الزوج غير... و البنت محصله صعوبه في التعبير عن نفسها معك لأنك مندفع وايد... بس لاحظ انها قالت لك قبل ما تسافر بما معناه... على كثر اللي تحسه نحوي أنا أحسه نحوك... هي بس محتاجه فرصه للتعبير..

الإتصالات: يعني انت اتصلت لها... اصبر لو اسبوعين... عطها فرصه تتصل.. أعرف ان اسبوعين فتره طويله.. بس انت محتاج انها تتعلم ان مب لازم انت اللي دايم تتصل... و إذا اتصلت لا تعاتبها خل المكالمه عفويه كلمها عن أيامك و اسألها عن ايامها بشكل عفوي...

اتخاذ القرارات: لا تكون عنيد و لا تعاند... حاولوا دايما توصلون لحلول وسط ترضي جميع الأطراف... و الأطراف هي انت و زوجتك فقط.. مب زوجتك و عائلتها...

الشكوى: لالالالالالالالالالالالالالالالالالا تشتكي لأهلك او لأهلها... و لا تراضي اهلها طول الوقت في حالة انك ما غلطت.. نفس الموقف اللي امك كلمت امها فيه... بصراحه موقف غلط و كان المفروض ما يصير بس ما يعني هذا الإعتذار الكثير اللي سويته و شراء هديه لأن الموضوع مب مستاهل أصلا...



في كلام ثاني... بس ما اعرف ليش نسيته... بس أكيد راح أرجع لك ان شاء الله...