:*

روح الطير
أقرأي رد نورا زين راح تلاقيه مطابق لردي لأن لنا نفس النظرة
أنتِ لاتجلسي تفتحي له كل شوي سيرة الموضوع
ومشكلتك ياروح عارفه أيش هي...؟
الحنيه مخربه عليكِ أشياء كثيرة

:*
ياروح يانور عيني
قلنا خليكِ رسميه وخليك معظم الوقت على الصامت خليه يحس بشوية قلق
وتغير ويبدأ هو بمحاولة إرضائك وإيجاد الحلول مو أنتِ إلي تتعذرين منه
وتقولي معليش وتبررين تصرفاتك له

*توقفي عن محاولة تبرير كل تصرف تتصرفيه معاه
خلاص رايحه تنامي
لا تلتفتي لوجوده ولو كان نومك بغرفة ثانية تغلقي على نفسك فيها كان أفضل من الصالة
لأن حجب رؤيته لك يأثر بنفسه أكثر
لأن رؤية الرجل لزوجته تشبع قلبه نوعاً ما وتحسسه بالإطمئنان وإنها لساتها معاه
حتى لو هي بعيدة عن متناول يديه
لكن أنتِ كل ما أشتاق بيمر بالصالة وممكن يلعب بعواطفك زي
ما أنا حاسه الآن أنك بسررعة حنيتي لقربه وأحتواءه لأنك متعودة
مايفارقك ولا تبتعدو وقت النوم عن بعض

:*
بس إذا الغرفة التانية فيها الشغالة
فخليك بالصالة وسكري باب الغرفة عليه وعلى الصغار
ولاتخليه يحس أنك مو جايك نوم أو متوترة من بعدك عن غرفتك

:*

روح :

أنتِ محتاجه بس تسكري على الموضوع حق الخيانة نهائي
وماتفتحيه لأن كثرت التحدث فيه راح تخليه يحس أنه موضوع
هين وسهل التناقش فيه وفتحه وراح يفقد أهميته وفداحته
أنا عارفه أنه من حرقة قلبك مو قادرة تنسيه وتفتحيه لإفراغ شحنة
الغضب وكمان لإغاظته ومحاسبته لأنك حاسه أنك ما أخذتي حقك منه
ولا أحذ حقه من العقوبة

وبقولها لكِ إذا بيتفتح كثير ماراح تنسيه وبتكون حياتكم سلسلة من المشاكل
وممكن تنفجري وتنهاري بسبب التوتر والضغط بسبب الحديث المستمر بنفس
الموضوع

وحتى هو راح يمل من كثرة الجدال والمشاكل


وعطي الجروح ياروح حقها من الوقت لتلتئم ولاتستعجلي النتائج

__________________

:*

إذا اتبعتي طريقة الصمت معه
وزوجك من النوع إلي يخاف من صمتك
ماراح يطلب هالطلب
:*
إذا طلب في هالفترة إلي أنتِ فيها
معيشته ملك ومراعية خاطره
قولي له ( عُذراً قلبي محتاج وقت حتى يطيب جرحه وينسى)

وبينا إتفاق اتمنى تلتزم فيه وتحترم رغبتي


:*

__________________

.
.

*. يمكن اللي عاشت من غير ( أب ) .. تحس باللي راح أقوله ..

أنا أبويا مات الله يرحمه ، و ما كان محسسنا أبدا بأي شي بوجوده ..
كل شي موفره لنا ، كريم جدا و ما يحسسنا بأي نقص ..

عيشنا أحلى عيشة ، بفلّة و سيارات وووو إلخ ..
يعني الحمد لله ( عيوننا شبعانة ) .. لا الدلال المفرط و لا الحرمان الشديد ..

.
.

وقت مات الله يرحمه ، كل شي تغير فجأة ..

أخواني ما أقدر اطلب منهم شي ، استحي اطلب منهم شي ،،
لو طلبت مثلا ، أمي كانت ( تمنعنا ) .. عشان أمي الله يرحمها ( تقدّس ) الأولاد و ما تحب تتعبهم ..

مع إنه أبوي الله يرحمه كان ( مربي أخواني ) إنه ما يقصروا معانا ..
عشان كذا الكبير ما قصر ماشاء الله أبدا ..

بس أمي كانت ما تخلينا نطلب شي ..
عشان لا تتعبه زيادة ..

و الصغار تربوا خلاص ( عالدلع ) ..
و لو طلبت شي ( أحس بالذلّ ) ..

.
.

خلاص تعودت إني ( ما أطلب ) .. و إني أمشي حياتي ( بعصامية ) ..
و حتى لو احتجت شي مرات لنفسي ، كانوا أخواني ( ما ينفذوه لي ) ..
يحسبوني أبغى ( أتفشخر ) .. حتى لو من مكافأتي ..

افتكر كنت أدرس مادة أساسية و نحتاج نستخدم الكمبيوتر ضروري جدا ..
أخوي ترم كامل رفض إني اشتري كمبيوتر ، و قال ( تبغى تتفشخر و ماله داعي ) ..
و صرت اسكت ( عشان لا أزعله و لا أحس حالي ثقيلة عليه و لا أزعل أمي ) ..

فيه مادة كنت محتاجة لمصادر مهمة و أساسية بالمادة ..
كان أخوي يقول لي ( معليه ، لو تجيبي بس درجة النجاح ) ..

و بالفعل ، جبت 60 لأول مرة في حياتي بالمادة هذه ( بس عشان أرضي أخوي و ما أزعل أمي )
و كنت طوال الترم هذاك أردد ( لاإله إلا أنت سبحانك إني كنت من الظالمين )

و الحمد لله ، تخرجت و توظفت مباشرة مع إنه المعدل ( نزل ) بسبب خارج عن إرادتي ..
لكن ربي اللي عارف و شايف ،،

و المادة نفسها هذه ، هي اللي اخترتها بالذات ( عشان أتخصص فيها بالماجستير ) ..
و أتحدى حالي .. و هو تخصص شبه نادر بالسعودية و صعب ..

.
.

المهم ، تعودت إني ما أطلب شي ( لو اتقطّع أوصال ) ..
لإنه اللي ماله أب ، رحمتك يارب ..

و تعلمت إنه الشي اللي أبغاه ( أحصل عليه بـ عصاميّة و تحدي مع نفسي ) ..

مرّت علي أيام ( ما معاي ريال واحد ) .. و ما أطلب من أمي .. و هي ما تقصر أبدا معاي ..
عندهم فلوس أهلي و الحمد لله ( بس أنا ما أطلب أبدا لو أموت ) ..
حتى افتكر إني كنت أحكي لأمي عن هذيك الأيام ،، ماهي مصدقة ..
تقول لي ( معقول ؟ و ما كنت تتكلمي ؟ )


طلبت مرة وحدة منها فلوس ، عشان اشتري لاب توب ..
( على أساس إنه دين و ارجعه لها ) .. و بعدين أمي اعطتني مبلغ اشتري فيه ملابس لنفسي ..

أختي المتزوجة و حالة زوجها المادية ممتازة ماشاء الله ..
قالت بصوت عالي وسط الكل ، تبغى تذلني
( أول شي سددي الديون اللي عليك لأمك ، و بعد كذا خذي منها فلوس ) ..

.
.

سكتت و ما رديت عليها ، كنت أحط حرّتي بالمنتدى اللي كنت مشتركة فيه ..
و أشارك بمواضيع اسلامية ..

عشان كذا ، ربي عوضني الحمد لله بوظيفتي الآن ..
و اللي كانوا يذلوا فيا ، دحين حالتي المادية و الحمد لله أفضل بكثير ..

.
.

المهم ..

تعلمت أعيش ( بقناعة ) ..
( ما أطلب فلوس لنفسي ) ..
( عزّة نفس كبيرة جداً ) ..
( أكون عصامية بحياتي ، مو عظامية أبدا ) ..

.
.

عشان كذا ،، اللي كانوا يتقدموا لي ..
كانت حالتهم المادية كلهم ( ممتازة جدا ) ..

.
.

بس ما كنت أبحث عن الشي هذا أبدا ..

كنت أدور عن الشي اللي افتقدته بموت أبوي الله يرحمه ..

الصراحة ، زوجي معيشني ( بدلال مفرط ) ..

.
.

كنت أبغى شخص يبغاني ( لنفسي ) ..

زوجي تقدم لي ، و ما كانت وظيفتي رسمية ..
تقدم و ما كانت عينه عالوظيفة ، عشان كذا قبلت فيه ..

بس بداية الزواج ، أمه كانت تزنّ فوق راسه ياخد فلوسي ..
و وقت سافرنا برة ، وعدني إنه يتغير و ما يمد يده ..
و إنه أهله فهموه بعد الزواج ، إنه من واجب الزوجة تعطي راتبها لزوجها ..

أمه ( كانت عينها عالوظيفة ) ..

.
.

وقت تقدم ، كنت أنا اللي أنصح دايما صحباتي إنه أهم شي ( الأخلاق و الدين ) ..
لإنه ( الفلوس ) تختفي .. لإني شفت كيف حالة أبوي الله يرحمه كان و كيف عشنا ..
و كيف كل شي تغير بلحظة ..

فقلت بداخلي ( إنت تنصحي غيرك بإنه أهم شي الأخلاق و الدين ..
و لازم تطبقي الشي هذا بنفسك قبل لا تنصحي أحد .. و قبلت فيه على دا الأساس ) ..

كانت نظرتي ( مثالية جداً ) ..
عايشة بعالم مثالي جدا صنعته لنفسي ..

ملاحظة / كنت أطلع المثالية عالمدرسة في الصفوف الإبتدائية ..
و أمي كرموها مرة و نادوها و أعطوها شهادة ( الوالدة المثالية ) ..

يمكن الشي هذا ( أثر فيا ) ..

.
.

بس دحين لأ ..

زوجي كرهني بشي اسمه ( مثالية ) ..
و تعلمت أكون ( واقعية ) من يوم تزوجته و انصدمت بالحياة ..

.
.

تزوجت ، و كل مرة أقول ( يا بنت .. خليك مثالية )
و أروح أقرأ في النت و في الكتب ( كيف الوحدة تكون زوجة صالحة ؟ )

لإني ما كنت أبدا أفكر إني أتزوج ، و ما كنت مهيأة نفسيا إني أكون ( زوجة ) ..

.
.

كل مرة ما أحب أطلب شي من زوجي ، ما أحب أثقل عليه ،
لإني كذا كنت مع أخواني بالبيت ،، ما أطلب شي منهم ..

.
.

لحد ما جبت ولدي ، و بدأ يظهر تقصير زوجي ..

يعني أنا مستحيل اطلب شي من زوجي ، فكنت عادي ممشية حياتي ..
لكن انتبهت لتقصيره الشديد ، مع ولده ..

شفت إنه ( كذا غلط ) ..

.
.

و وقتها دخلت لعالم الإستشارة الخاصة ..

و الله يجزاها خير الصائمة لله ، و أم عبيد الله أظن كذا اسمها ..
علموني كيف أتعامل معاه ..

ما كنت أعرف إيش اللي له و إيش اللي عليه ؟؟؟

.
.

يمكن هي هذه الأسباب كلها ؟؟؟

.
.

حتى أمي الله يرحمها كانت مربيتنا إننا ( نقبل بأقل شي ) ..
أمي كانت ( زاهدة بالحياة ) ..

ما عمرها تحب تلبس و تجمع و تتفشخر ..
كانت تحب تساعد الفقرا ،، كانت تحب كل مرة و مرة تخرج الملابس الزايدة و تتصدق بها ..
كان عندها لبس ( بعدد محدد ) .. و تقول أخاف أقابل ربنا و يحاسبني ..

.
.

ما أعرف أرتب كلامي ..

بس أتوقع هي هذه الأسباب ..

.
.

بس مو إني أساعده و أخفف عنه ( عشان يحبني ؟ ) ..
هذه مو أنا ..

نسيت أقول ..

أغلب مشاكلنا بدأت تظهر ، من يوم أخدت ولدي من عند أمي ..

زوجي كان رافض تماما ، بس أنا وقتها اللي ( مشاعر الأمومة ) عندي ..
غلبت كل شي ..

اشترط زوجي علي إني لو أخد ولدي ، إني أنا اتحمل مصاريفه و هو ماله دخل ..
قبلت بكل شروطه ، بس المهم ( يعيش ولدي بيننا ، و في حضني ) ..

جبت ولدي و الحمد لله ،،
كان ولدي يكرهني و ما يبغاني ،، مع إني أنا اللي حاربت عشانه ..
و كان ولدي يحب أبوه و يموت في أبوه ..

طبعا احساس صعب ..

.
.

كان ولدي ياخد يد الشغالة و يسحبها ، يبغاها تجلس جنب زوجي ..
و يمسك يدي يبغاني اطلع برة ..

.
.

المهم ..

زاد اهمال زوجي لولده و لمصاريف ولده ..

لإنه قبل لا يجي ولدي ، و وقت كنا برة ..

كان خلاص زوجي معاه راتبه و أنا معاي راتبي ..
و كل واحد شبه مسئول عن نفسه .. و أكلنا كله برة و لا في المعهد ..

و نخرج ايجار البيت و الفواتير من الراتب ،،
و الباقي نتقاسمه ..

بس يوم جاء ولدي ، طبعا الحياة تغيرت و المسئوليات كثرت ..

.
.

هذه كلها أثرت ،، و صرت كل فترة و فترة أمسكه مسئولية شي ..

روح اختي ..\\

احنا هنا غير بريطانيا ..\\

الزوج هو الي يتقضى للبيت ...\

روح فهميه ..\\
ان اولاده استثماره لبكره ..
اذا يبي اولاده ييييييحبوه يغذيهم بالحب من الحين ..
لان كل اناء بما فيه ..ينضح ..

واسمحيلي اقول لك ..خلي اطفالك اساسيات بحياتك ..
عمرك ماتحسيين زوجك ان اولادك شغله جانبيه ..
اولادك من اساسيات هالبيت ..

روح علمي اولادك حب ابوهم ..
لما يكون برا ..قولي لهم بابا يحبكم ويشتاق لكم ,,,,,ووووووو
اول مايجي عطوه كنه ..كبيره ..كنه =حضن

انتي غذي عقولهم الصغيره بحب ابيهم ..
عشان لما يجي الاب الاطفال ينطلقون له بعفويه ..وبكذا يتعلق فيهم ..

تدرين ياروح شخصية زوجك تشبه شخصية زوجك ..
وابيك يشبه ابي ..
وبداية زواجي ماكنت اقدر اطلب منه ريال ..

لكن المواقف كونت مني امراه اخرى والحمد لله ..

اختي الغاليه روح ..
زوج كان محروم حنااااااااااااااااان زي زوجك ..
وكنت اعطيه بس اخطات ..اني كنت اسوي شوبنق بداله ..واتقمص الرجل والزوجه والام بات الوقت ..\

مما اعطاني كم سنه زياده فوق عمري ..
لكن الان ..اتوب ان اتقمص اي دور ذكوري مهما دعتني الحاجه اليه ..
مدام لدي ذكر ..ولابد من اداء هذه الادوار ولو اضطررت ان نجلس سنه كامله واللمبات محروقه ..والبزابيز خربانه ..لن ولن اصلحها ..
لاني انثى وهي مهمته ..

زوجي يكره القراءه مثل زوجك ..
ويوهمني انه مطلع على المنتدى ..وانا متاكده انه لاتستهويه لغة المنتدى وطريقة شرح المشاكل ..
الا بعد مااشرحها له بطريقه عفويه وقصصيه ..

تدرين اختي روح ..
زوجي بفتره من حياته كان عاطل ولكن انا هددته وقلت له لن اجلس ببيتك لحظه وحده ان كنت عاطل ..
لاني تزوجتك على اساس انك رجل نتج وانسى اني ارضى اعيش مع عاله ؟؟؟؟؟؟؟؟؟؟؟؟

صحيح انصدم من ردي ..
ولكن خليتها حلق باذنه اني ارفض الكسل ..
واهوى الرجل الطموح ..

ولكن لكل قاعده شواذ ..
وانا مثلك امر بمطبات صناعيه ..
واسال الله العلي العظيم اني اتجاوزها بقوووووووووه وبدون اضرار جانبيه ..
وبنجاح منقطع النظير يارب ..تكون معي ..

__________________

ما في فايده يا روح فيكي
برضك ترجعي تحوري المساله وتسقطي الغلط على نفسك
مارح استغرب بعد شويه تجي وتقولي انا السبب انا اللي خليته يخوني لاني كنت مشغوله بالاولاد وامي كانت مريضه وووو وتلبسي نفسك الذنب وتطلعيه هو منها ..

هذي مشكلتك صدقيني هذي مشكلتك

ترى اغلب العالم عندها عيال وامهاتهم مرضى ويمرو بحمل وولاده عمره ما يعتبر هذا سبب انه تسقطي الذنب على نفسك .. هو غلطان ميه بالميه وانتي مالك ذنب مااااااااااالك ذنب فوووقي يا بنتي ايشبك انتي

بعدين ايش قصة اقوم اجيبله المويه واعيشه ملك
الظاهر الايه انقلبت وهو اللي علمك الدرس مو انتي اللي علمتيه
يخون وتكافئيه بمعاملة الملوك
ما يصرف عليك اتكالي وتكافئيه بمعاملة الملوك
يبغى يتملص من تربية اولاده وحجته ولدي ما حسيت بيه امك اللي ربته ..حسب علمي انه امك اخذته منكم الين كمل سنه فقط او حتى سنتين هذاااااااا مش عذر ابدااااااااا كيف انتي قابله العذر هذا؟؟!! اجل المسساكين العامله المنزليه والسواق اللي يغيبو بال 4 سنوات عن عيالهم يرجعو يقولو اسفين محنا متعودين نربي عيالنا غبنا عنهم سنين !! هذا مش منطق ابدا


انا بحاول افتح عيونك عشان تستغلي الفرصه هذي في تحسين وضعك ووضع اسرتك اخاف انها تمر مرور المطر سريعا من دون ما تستفيدي منها والسبب اختلاقك وتصديقك لاعذار لالالايمكن تكون مقبوله ..

اللهم لك الحمد حتى ترضى ولك الحمد اذا رضيت ولك الحمد بعد الرضى
لا اعلم لماذا نزلت دموعي الان

كريستالة ..

( كان مجرد كلام ) ..
لكن ما طبقته ،.

أصلا حاولت أطبقه، بس الصراحة ( نفسي ما سمحت لي ) ..
( حسيت شكلي زي أفلام توم و جيري ، لما راس توم يتحول لراس - حمار - ..
حسيت حالي كذا )

عشان كذا ما طبقته ..

و أنا بسبب اللخبطة النفسية اللي عشتها ، جيت لجأت لكم ..

.
.

حاليا حاسة حالي مستقرة نفسيا ..
و أتعامل معاه بطريقة رسمية و هادية جدااااااااااااااااااااااااااااااا ، مو تكشيرة و مادري إيش ..

أصلا كل ما أستوعب الموضوع أكثر و اللي حصل ، و أتخيله ..
الصراحة ، كل ما أحس إني عايشة مع شخص ( بمستوى صعب أوصفه ) ..

.
.

مرتاحة الصراحة في نومي بغرفة ثانية بعيد عنه ..
مرتاحة ، لصمتي و هدوئي الحالي ..

و يمكن استمر بطريقتي هذه ( بحياتي معاه للأبد ) ..
لإنها مريحة نفسيا ..

.
.

كريستالة ،

إيش اعمل ؟؟؟

وقت قسيت عليه ، شفتي اللي صار ..

( لازم ) أمشي معاه حبة حبة ..

.
.

هو مو طفل ، هو رجال ..
بس هو يشوف نفسه ( طفل ) ..

يعني مثلا راتبه ( خلص دحين ) ..
و بيستلم راتبه بعد أسبوع يمكن ..

إيش الحل ..؟؟؟؟؟

أقول له جيب المقاضي غصب عنك ، تصرف إنت رجال البيت ؟
هذا اللي عملته فترة من الفترات ..

و راح تدين من أصحابه و جاء و جاب المقاضي ..
( ما ينفع كذا ) ..

الموضوع هذاك وعدته ما عاد أفتحه ، لكن الجرح بيظل مفتوح ..
و ما عندي الإستطاعة إني أقدم أي شي ..

قال لي ، لا تشيلي هم .. أنا راح أنسيك كل شي ..

.
.


everything ..

ليه ؟
هل افتكرت شي ؟

توفي و فيصل ..

هذه هي الطريقة اللي أعملها مع الأولاد ..
و عشان كذا متعلقين فيه ..

.
.

و إذا قلت له مثل ما قلتي إنه هذولا بكرة كذا كذا إن شاء الله ..
يقول لي ( يا شيخة فكيني منهم ، زوجيهم من دحين ) ..

هو ما يعرف قيمة أي شي أقوله له ، غير بعد سنوات ..

.
.

يعني مثلا من 4 سنوات ، كنت دايم أقول له ..
إذا أخدت دين من شخص ، سجله بورقة ..
و دايما أقول له إيش عقوبة ( عدم رد الدين ) ..

كان يطنشني و مو مقتنع بكلامي ..

.
.

أمس واحد من أصحابه ( مات الله يرحمه ) ..
و كان مستدين من زوجي مبلغ ..

و أهله يدوروا عند الناس و يسألوا إذا كان ولدهم مستدين منهم و لا لأ ؟

اليوم قال لي زوجي ..
( تصدقي إنه كلامك - جواهر - ؟؟؟ توي اللي عرفت فايدة كتابة الدين بورقة و حكى لي عن صاحبه )

يسمع بس ما يعرف قيمة اللي تقوليه له ، غير بعدين ..

سيدة بس سؤال ..

( لمتى ) ؟

لإني بجد ما أعرف ،.

.
.

و الموضوع هذاك قفلته خلاص ، و ما عاد أسأله ..
بس مرات غصب ( أرمي كلمة )
أحسسه الفرق بين زوجته الطاهرة و العفيفة و بين البنات الوسخات و الرخيصات ..
هو طبعا مذنب كمان ..

.
.

و بالنسبة للغرفة ، فهي مو صالة صالة ..
غرفي كبيرة مرة ، بس قليلة ..
غرفة ولدي تنام فيه الشغالة ،، و غرفة نومي ،، و غرفة المجلس أو التلفزيون و له ( باب ) ..
و الممر ..

أنا أنام بغرفة التلفزيون و فيه باب له ..

.
.

و بجد كنت محتاجة لنصيحتك ،، لإنها تريحني و ترضيني جداً ..

اليوم قال لي ، ما حسيتي بيا جيت سلمت عليك عالساعة 10 الصبح و إنت نايمة ؟
قلت له ( لأ ) ..

وقت كنت أنام معاه بعد المشكلة ،،
كنت أنا غبية ، كأني أنا اللي جالسة أراضيه ؟؟؟

.
.

أنا كذا أحس حالي مرتاحة ..