هل لديك شيء في داخلك تودين إخراجه أيضاً؟
أمس خرجنا بالسيارة شوي ، و نحن بالطريق عدينا من قدام ( فندق ) ..
قلت لزوجي ، تقدر توقف قدام الفندق ؟؟

قال لي طيب .. بس ليه ؟

قلت له .. بس كذا ، شوي ..

وجهه انقلب و فهم قصدي

قال لي .. احنا مو قلنا ما نبغى نسمع السيرة هذه من جديد ؟

قلت له .. ما طلبت شي
بس توقف عند الفندق ..

جلس يسأل و ليه طيب ؟

قلت له .. عادي بس كذا ..

.
.

المهم ، وقف قدام الفندق ..
حاولت أخد رقم الفندق ، مو مكتوب من برة ..

قلت له ، كنت أبغى الرقم لإنه الإستعلامات ما عندهم ..

قال لي ، أنا أجيب لكم الرقم بكرة ..
بس مو معقولة كذا كل مرة تفتحي السيرة ، خلاص أنا ما أتحمل ..
و راح أجيب رقم الفندق و أسألي .. بس إنت الصبح و إنت تسألي أسئلة ..
كفاية ما أتحمل ..

قلت له ، لا تزعل ..
أنا صدقتك بكل شي قلته ، لإنه متوافق مع نفس كلام هذيك
ما عدا الفندق ..

بأعرف ، صح أخدت غرفة ؟ و ليه ؟ إيش الهدف ؟

قال لي /
جاوبتك و قلت لك ..
بينت لها إني منفصل و جالس بالفندق ، و إني ما يهمني السعر ..

و لو بأخد فندق (من جد) ، فيه غرف كثير فاضية بالفندق اللي اشتغل فيه ..
و ضغطه ارتفع .. عيونه تحمر لما ضغطه يرتفع ..

سكتت .. بعدين
قلت له :
طيب ليه بتضايق ، إيش السبب ؟؟؟


قال لي و بالقوة طلعها من فمه :
( أحس حالي حقير )
و إنت كل مرة تفكريني

و أنا ما خبيت عليك شي ..
بس خلاص لا تفكريني كل مرة .. و بأجيب لك رقم الفندق بس قفلي خلاص

.
.

قلت له طيب خلاص ..

ما راح أفتح السيرة و لا راح أضايقك ،،
بس بأكتم بنفسي ،. و بيجلس الجرح مفتوح ..

.
.

المهم ، إنه مرة تضايق و طفش ..
يقول لا تفكريني كل مرة ، ما أقدر أتحمل كذا و لا أقدر كل يوم تفكريني بالموضوع

.
.

نمت بالصالة لوحدي ،، قبل لا أنام رحت و قلت له ..
لا تزعل مني ، بس لو بيدك جرح مثلا ، ما يحتاج تهتم فيه و تحط له معقم و شاش و كذا ؟
و لو راح الجرح ، مو تبقى أثار له ؟؟؟

و لو اهملت الجرح إيش بيصير فيه ؟؟؟

قال لي : ما يروح ..

قلت له :
و ممكن يلتهب كمان ..

.
.

بس تركته و رحت نمت ..