و أخواني و خواتي

من يوم أمي كانت عايشة و نفس الشي بيحصل ، بس كانت أمي ( تكفيني و تغنيني ) عن وجود أي شخص ..
كلهم يتجمعوا و يروحوا مادري فين ، و أنا كنت أروح لها البيت و ألاقيها جالسة لوحدها ..

أسالها فين الكل ؟ تقولي راحوا المكان الفلاني روحي معاهم ..
كنت أترك الدنيا و أجلس معاها و استمتع بجلوسي معاها ..

و كانت تنبسط بجلوسي معاها و نجلس نتحكى مع بعض ..
حتى إذا جيت أخرج من عندها ، كانت تقول لي ( ليش ما تنامي ؟ )

.
.

و وقت يزعلوني و يغلطوا علي مو أنا اللي أغلط عليهم ، كنت أتضايق و ارجع أسامح ..
عشان أمي كانت تقول لي ، خلاص إنت العاقلة و خلي عقلك أكبر ..
و ارجع عشان أمي ، و هم يحسبوني ارجع عشانهم ..


يحسبوا دحين نفس الشي بيصير ،،

بس أنا بعدت حالي ( لحاجة في نفس يعقوب ) ..
عشان الشخص النمام ( بيننا ) ، ينكشف و يعرفوه بنفسهم ..
و علشان كذا ، لا يدخل الجنة نمام ..

بسبب المصايب اللي يعملها ،،

فأنا مبعدة حالي ، مو قطيعة ..
لكن تعامل رسمي ، يكون فيه احترام ما بيننا و ودّ ..

لكن مو لازم كل شي احكي لهم ..

.
.

ما أبغى اخرج عن الموضوع ..

بس علشان لا أحد يحسب إني ( ضعيفة ) بدون أي أحد ..

.
.

أقول لكم ( الله معاي ) ..
تقولوا أهل زوجك و أهلك ..

ما همني أحد ، إذا أنا ما غلطت عليهم ..
و إرضاء الناس غاية لا تدرك ..

و هناك درجات متفاوتة في الإحتمال ..

إذا تجاوزوا ( حد الإحترام ) ..
إيش راح يبقى ؟