أنا موجود هنا يا أخت روح..
لعلك تكلمين إن كان هنا شيء آخر تودين ذكره..
وبعدها يمكننا النقاش..
لكن الآن لن أناقشك أبداً.. وربما أكتفي ببعض الأسئلة..
سؤال:
هل قال لك أنه سيذهب غداً للمحكمة؟
سؤال:
ماذا ستكون ردة فعلك الحقيقية لو ذهب للمحكمة وفعلها لا قدر الله؟
:::
فقط أجيبي السؤال الأول ودعي الثانية لخيالاتك..

طبعاً ، لا تنسوا إني جيت هنا من فترة و كانت الدنيا مسودة بوجهي ..
و افتكر إني جيت فضفضت هنا ، بيوم 20 ليلة 21 رمضان ..

لإني قمت ليلة 21 رمضان و صليت ركعتين و بكيييييت و نمت ..

.
.

و يوم العيد ، ليلة تاني يوم العيد ..
شفت الحلم اللي قلت لكم عليه ،،

إنه أمي تعطيني عيدية و كانت مبتسمة و مرتاحة ..

تفسيره مثل ما قلت ..

إفراج هم ، و تعويض من الله خير

.
.

طول الوقت و أنا أقول ( الحمد لله ، ربي يبغى لي الخير )

.
.

أنا قلت لأهله ، لإني كنت خلاص مقررة انسحب من طريقه ..
و كنت مصدقة كل كلمة هي قالته ..
يستاهل ( ليش من يوم تزوجته و هو مو صريح ؟
لو كان صريح مثل ما كنت أطلب منه ، كنت سمعت له )

و لإني يوم تزوجت ، أبوه قال لي :
زوجك دحين بيدك تصنعي منه ( رجال ) ..

فقلت لهم ..
هذا ولدكم ، و هو من البداية يبعدني عنكم و يبعدكم عني ..
عشان يعيش بحرية ، هو من الليل مو في البيت ..

و أنا ما بأتكلم عشان أتبلى عليه ، أو أحد يوقف معاي ..
أنا أعرف أخد حقي بيدي ، و ماني بحاجة لأحد ..

بس ولدكم بيضيع دنيته و آخرته ..
ألحقوا عليه ، لإني من اليوم مالي دخل فيه ..

.
.

أخته قالت لي ..
هذا شخص ميئوس منه ، و إنت ما قصرتي معاه ..
و الله يعوضك باللي أحسن منه ، و لازم ياخد درس و يتعلم ..
و ما يتعلم إلا إذا بيته اتخرب بيده ..

و قالت هذا جزاة اللي يهمل صلاته ، إيش تستني منه ؟
و قالت أمي و أبوي تعبوا منه و فقدوا الأمل خلاص

لا تتعبي حالك معاه و تضيعي عمرك ..
هذا ما يستاهلك ..

.
.

المهم ..

أنا صرت جالسة لوحدي ، و أهلي كلهم كانوا بيزوروني تاني يوم العيد و يعيدوا علي ..
بس جوالي ما رديت فيه على أحد ..

ثالث يوم ، طبعا ما كنت نمت و لا أكلت شي و صاحية من الليل ..
ساكتة و أطالع بالولدين ، البيت ما مسكت فيه .. ما رتبت شي ..
أولادي ملابسهم ما غيرتها من أمس ..

بس جااااااااااااااااااااااااالسة و ساكتة ..

.
.

أخوي يدق علي و يقول لي : نحن بعد ساعة جايين كلنا عندك نعيد عليك ..
أمس كنا بنجي بس ما رديتي عالجوال ..

قلت له الله يحيكم ، بس معليه البيت مو مترتب و لا أنا أو الأولاد ..
نفسيتي ما تساعد ..

هما وصل لهم من أختي ، إني تركت زوجي ..
بس ما عرفوا التفاصيل .. لإني ما دخلتهم .. بس الموقف اللي حصل منهم برمضان ..

عمي دق على أخوي و بدل ما يحاول يصلح مشكلتي ..
جالس يتشمت شكله فينا ؟

لإنه من يوم مات ابوي الله يرحمه ، و عمي انقلب علينا و صار هو و أخوي ضد بعض ..
فأخذ عمي الموضوع هذا حجة له ، عشان يتشمت بأخوي ..

ما تدخلت بينهم و لا تكلمت ..

بس زوجي كان لازم أحسسه إنه (عمي) بمكانة أبوي و هو ظهري و سندي ..

.
.

المهم ، جوووو كلهم و شافوني بعد العشاء ..
مجرد ما شفتهم ..

صار الدموع تنزل من عيوني و ما أتكلم ، اسلم عليهم و الدموع مغطية عيوني و أنا ساكتة و ماسكة حالي ..
حسيت أخواتي نفسهم ياخدوني بحضنهم ، و أخوي كمان ..

بس أنا كنت ( صادة ) .. و ما أبغى أتكلم ..
و خلاص ما صرت أبغى شي من أحد ..

دخلوا الغرفة ، يلعبوا مع ولدي ، و أنا جالسة قدامهم و ابتسم ( و الدموع تنزل من عيوني زي السيل ) ..
قال لي أخوي ، ليش ما لبستي ؟
مانت رايحة لعزيمة عمتي ( أخت أبوي ) .. ؟
( عمتي هذه ، أكثر انسانة حكيمة في العيلة )

قلت له : لا ..

قال لي طيب ولدك ؟
قلت له : لا ..

قالولي : يالله تجهزي و البسي عشان نروح كلنا سوى ..
قلت لهم : مالي نفس .. و مافيش وقت ..

قالولي : يالله قومي ألبسي و تشطفي و فلانة تجلس معاك تلبس أولادك لحد ما تخلصي ..
و نحن نعيد على فلان من أقاربنا و نتقابل هناك في العزيمة ..

.
.

فكرت مع نفسي و شفت إني لو جلست ، راح أنجن ..

جهزت حالي و رحت معاهم ..

.
.

هناك شفت قريبتي بنت عمتي ( مطلقة ) .. جلست أسألها عن كل شي و الإجراءات ..
سهرت معاهم هنا ، مع أقاربي من جهة أبوي .. و مع بناتهم و ما رجعت البيت ..
جلست عندهم نتكلم لحد الفجر بعد ما راحوا كل الضيوف ..

طبعا زوجي ما أدري عنه و لا أفكر فيه ، و جوالي مقفل كان و نسيته في البيت ..
نمت عندهم ، و ما خلوني أرجع البيت لوحدي .. عمتي مسكتني ..


حسيت و أنا مع عمتي ، كأني مع أبوي الله يرحمه ..
هما الإثنين مرة يتشابهوا ، و شخصياتهم تتشابه ..

شفت أولاد بنت عمتي ، كيف مشتاقين لأبوهم ..
شفت حياتها بعد الطلاق ،، عشت معاها يوم كامل ..

شفت بعيني ، و تكلمت مع بنت عمتي ..
قلبها كبييييييييييير ..

أنا طبعا ما أدري عن أخواني و أخواتي و لا هما يدروا عني ..

.
.

قمت الأربعاء الساعة 12 الظهر ،،
دقيت على جوال زوجي من بيت عمتي ..

سألته ،،
ما رحت المحكمة ؟


قال لي ،،
دحين مافي وقت ، تأخر الوقت ..
خليه السبت ..


قلت له ،،
بس إنت وعدتني الأربعاء ، و أنا بالقوة صبرت لحد الأربعاء ,,
ما نمت و لا أكلت عشان بأستنى الربوع يجي ، ما راح أصبر لحد السبت معليه ..

.
.

ساااااااااااااااااااااااااااااااااااااااااااااكت ، ما يقول شي ..

.
.

قلت له ،،
هاه ، متى ؟

.
.

قالي ،،
طيب أنا خلاص أروح دحين و أسأل إيش يحتاجوا أوراق ..

.
.

قلت له ..
اليوم و ما راح أستنى التأخير ..

.
.

قال لي :
إن شاء الله ..

.
.

جلس سااااااااااااااااااااااااااكت ..

و قال ، أنا لو عندي أمل واحد في المية إنك ممكن ترجعي لي ..
كنت طلبت تسامحيني و اعتذرت ..

بس أعرفك مستحيل تسامحيني طول العمر ، لو جلست اعتذر من دحين لطول العمر ..

.
.

بعدين قال ..

ما أعرف إذا يحق لي اطلب فرصة كمان ؟
يومين تفكري ..

.
.

قال لي

و الله إني بعد ما كلمتك ، رحت مكة و جلست قدام الكعبة ادعي و ابكي ..
أقول يارب أهدي زوجتي و رجعها لي ..

أنا أمس كنت في مكة ، و مقفل جوالي ..
أدعي ربنا إنه يرجعك لي ..

أعرف مالي وجه اطلب الطلب هذا ..


.
.

سكتت و ما قلت له شي ..

.
.

قال :
و الله إني دقيت كم مرة على جوالك و ما تردي ..
أبغى اسمع صوتك ، ما رحت الشغل تعبان ..

جيت قدام البيت و ارسلت لك رسالة ( طلعي لي جزمتي الجديدة الله يعزك ) ..
مع إنه و الله الجزمة بسيارتي ، تعالي شوفيها ..

بس حجة ، عشان أبغاك تردي علي ..


أنا لو بايع ، كنت رحت اليوم المحكمة ..
بس تقصدت أأخر الموضوع و ما أروح لحد دحين ..
أنا لو بايع ، ما كنت رفضت انطق الكلمة قدامك ..

أنا لو بايع ما قلت ، السبت أروح عشان تجلسي كمان مع نفسك ..


**********************************


افتكرت في نفس الليلة ، قالت لي بنت عمتي ..
إنه أولادها على قد ما تعبت في تربيتهم و ما قصرت معاهم ..
دحين واحد منهم يقول لها ( إنت إيش عملتي لنا ؟؟؟؟؟؟؟؟؟؟؟؟ )

و كلهم يبغوا أبوهم ..

قالت لي :
فكري كمان ..

قالت لي :
زوجي مجرد ما قلنا له ( طلق ) ،، طلق بسرعة و لا رفع السماعة ..
و قالت لو بس رفع السماعة و قال ( ألو ) ..
كنت رجعت له بسرعة ..

.
.

شفت بعيوني وقت أكلم ولدي قدام أولادها ،، و أشوف بعيونهم حزن إذا ولدي قال ( بابا ) ..
شفت أولادها وقت أجلس معاهم ، يقول لي ولدها ( هذا الجوال بابا جابه ) و بعيونه فررررررح و افتخار إنه عنده أب ..
يقول لي ( بابا جاب لي ، بابا بابا .. إلخ ) ..

كذا يقولها بطريقة العطشان ..

.
.


سكتت و ما رديت على زوجي ..

قال لي يوم الإثنين ، خليني اخرج و ما راح أنطقها ..
و أوعدك الربوع أروح المحكمة ..

الثلاثاء مقفل جواله ..

الأربعاء أنا دقيت عالساعة 12 ، و قالي دحين مافي وقت ..
قالي خليها السبت ..

.
.


سؤال:
ماذا ستكون ردة فعلك الحقيقية لو ذهب للمحكمة وفعلها لا قدر الله؟


ما أعرف ،،

بس عادي ، عشان أبوي مات ، و أمي ماتت ، فراح أتخيله مات ..
لإني بذلت كل الأسباب ..

و ما كنت مستعدة أضيع بقية عمري مع شخص مثله بدناءته ، قبل لا أعرف بقية التفاصيل
باليومين اللي فاتوا ..

.
.

لإنه أمس اللي كان صادق و صريح لأول مرة في حياته ..
و عرفت التفاصيل ، و عرفت الأسباب ( مثل ما كنت متوقعتها ، و حطيت معاه أسس )

أمس اللي أول مرة أحس إني ( متزوجة ) ..

.
.

راجعة ، و بأخلص اليوم كل اللي حصل لحد أمس ..

اختي روح الطير
بالرغم من اني ضد اي نوع من انواع الخيانات حتى وان كانت الخيانة على درجة ضعيفة!!
وبما ان زوجج ماتمادى في الخيانة ولا اسرف فيها!! وهذا والله مو عذر ادري

إلا أني حاس ان زوجج ندمان كثير ، وحاب انه يعيش معاج فرصة أخيرة!!
ف ليش ما تأدبينة تأديبة حلوة وتخلينة ياكل نفسة عدل وبعدها تسامحينة؟؟

مع احترامي لكرامتج وعزة نفسج وكبريائج ، بس وش فيها اذا عطيتية فرصة اخيرة؟؟
منتي خسرانة اي شي والله ، يمكن انه يتوب وينصلح حالة ويصير احسن من قبل واكثر
او يتغير إلى إنسان ثاني !! وانتي بعد توقفين جنبة وتساعدينة عشان يتغلب على شيطانة!!

ولاتنسين انه مستعد ينفذلج اي شي !! وتقدرين تتشرطين علية مثل ماتبين وتأدبينة!!

انا ابيج تسامحينة مو من باب اني رحمتة لانه مايستاهل الرحمة!!
انا ابيج تسامحينة لانه في مجال تصلحينة وتأدبينة وتسوين منة الرجال اللي تبين!!

فكري ياروح!! وحنا كلنا معاج

__________________
استغفر الله واتوب إليه

أنا عشان كذا هنا ..

عشان إلى الآن ، أنا مبينة له ( إني ما سامحته ) ..
إلا بشروط ..

.
.

أمس قبل بكل الشروط اللي حطيتها له ..

.
.

أكمل دحين اللي صار ..

لإني يوم الخميس ، أعطيته الأولاد ( و انصدم و ما توقعها مني ) ..
قلت له الخميس ( خذ الأولاد و ربيهم إنت )

الرجال انفجع ..

راجعة أأكل ولدي و أنيمه

هذا المقطع واايد اثر فيني وبكاني


شفت بعيوني وقت أكلم ولدي قدام أولادها ،، و أشوف بعيونهم حزن إذا ولدي قال ( بابا ) ..
شفت أولادها وقت أجلس معاهم ، يقول لي ولدها ( هذا الجوال بابا جابه ) و بعيونه فررررررح و افتخار إنه عنده أب ..
يقول لي ( بابا جاب لي ، بابا بابا .. إلخ ) ..

كذا يقولها بطريقة العطشان

بس تعليق
أخته تبي خراب بيته , ولا عمرها كان قلبها عليك
فلا تتوقعي الان يكون قلبها عليك

بكل الأحوال ننتظر آخر الأحداث

__________________
الحمدلله الذي بنعمته تتم الصالحات

روح
لا اعرف لماذا اشعر بأني اطارد الكلمات
انفعالك مبالغ فيه جدا
ومع كل هذا الانفعال بل الانفجار بالاصح
يساورني شعور بأنك متخذه قرار بالرجوع

(زوجك تعرف بفتاه عن طريق برنامج شات )
هذا هو عنوان ما حدث بالضبط
هناك خطوط عريضه:
- لا يصلي
- تشكين انه افطر في رمضان

وهما مصيبتان ولا شك اكبر من العنوان الذي قادنا لهذه النقطتين
طلبتي الطلاق باصرار (تطرفتي الى أقصى درجات القرار)
ثم وضحت له انك موافقه على العوده بشروط
رجعتي لنقطة الصفر بنظري
انتي لديك قناعة تامه بأن زوجك لا يخون واقصد لا يفعل الحرام تحديداً
لكن بدل من معالجة الامر بهدوء
فجرتي القنبلة امام الجميع
اهلك واهل زوجك عمك وعمتك وفتاة غريبة اقل ما يطلق عليها (خبيثه)
لن اعطي هذه الفتاة والحديث عنها اكثر من ثانيتين لخصتها بكلمة (خبيثة) وفهمك كفاية
ان اردتي ان اطبطب عليك وادعو لك واخرج فلك ذلك
ان أردتي ان اواجهك بما جاء بنفسي فسأستمر معك بإذن الله
وأسال الله لك تيسير الامور

ذكريات ..

أنا قلت مو كل كلامها صحيح .. و لا كله غلط ..
أنا ما جيت عشان أحكي و بس ..

أنا جيت و أنا منهارة ..
و أنا بأكتب ، نفس الوقت ( تصيبني حالة انهيار و أتوقف ) ..

و يصير موقف .. و استغله لصالحي ..

.
.

الأمور تمشي مو بإرادة مني ..

.
.

ما أنتظر الطبطبة عزيزتي ..

.
.

لكن خلال عام واحد ( حمل + نفاس + عودة للعمل بعد غياب في الغربة ، و لا تنسي في العمل
هناك المتعاقدات اللي يحطوك ببالهم، لإنك راجعة من برة و سعودية و خايفين على كراسيهم ، يعني
تحت المجهر بتكوني + مرض أمي و موتها + مسئولية طفلين + زوج مستهتر + أهل زوج معقدين )

كلها خلال أقل من عام واحد ..
و غيرها من أمور ، شغالة و منزل و سيارة ووو إلخ ..

كلنا نمر بأوقات صعبة ، و مرينا بحياتنا كلنا بأوقات صعبة ..
و ما جيت هنا عشان تطبطبوا علي ..

.
.

موضوع الشغالة و كتبته من قبل و ما تطرقت لمواضيع و تفاصيل ،.

موضوع مرض أمي ، الكل تابع معاي أحداثه و خالة قرين ..

موضوع مشاكل الحمل ، و تأخر الولادة ..

أنا ما جمعتها كلها هنا .. كلها موجودة من قبل ..

.
.

عزيزتي ..

الموضوع هذا ، مستحيل أغفره لو إيش ما كان ..

.
.

لكن ( الظروف ) تحتم عالشخص مرات إنه يتخذ قرارات خارجة عن إرادته ..

.
.

عمرك عشتي ( و الله لا يكتبها عليك ) ..
بدون ( ظهر أو سند ) ؟؟؟


.
.

أنا ما أبغى يجي شخص هنا و يحاسبني عالكلام اللي جالسة أكتبه ..

أنا وصلت لمرحلة ماحد حاس بها ..

.
.

سكوتي لسنوات عن كل إهماله و كل شي، إيش تسميه ؟؟؟؟؟؟؟؟؟؟؟؟

.
.

بالله ، لا تعملوا لي زي حكاية جحا و ولده و الحمار ..

إن جلسوا فوق الحمار ، قالوا ما يخافوا الله .. الحمار مسكين ..
إن جلس جحا فوق الحمار ، قالوا عن الأب ما عنده رحمه و مخلي ولده يمشي ..
إن جلس الولد ، قالوا عن الولد ما يخاف الله و عاق أبوه ..
إن ما جلسوا فوق الحمار ، قالوا أغبياء .. عندهم حمار و يمشوا على رجولهم ..

.
.

أنا وصلت لمرحلة ، ما همني فيها أحد ..

و ما أظن فيه أحد ممكن يحس بالإحساس هذا ..

.
.

و إذا تشوفيه مبالغة مني ، فأنا ( كذا ) ..

و إيش علاقة سوريا و أبنائهم بالموضوع ؟؟؟؟؟؟؟؟؟
أخد سلاحي و أجاهد مثلا ؟؟؟؟؟؟؟؟؟

.
.

و الحكاية مو مجرد تعرف بالشات و بس ..

الحكاية حكاية ( قصة حياة بطولها و عرضها ) ..

لو مجرد شات ، كان خلاص انتهينا ..

.
.

لو زوجي صريح و لو إني عايشة مثل أي متزوجة ،،
كنت قدرت من حالي أعرف زوجي ..


أنا أعيش معاه ( بناءً على أحاسيسي ) و على استخارتي لله ..

فاكهة الشتاء ..

هم أهله كذا .. و هما اللي كانوا يحذروني أول ما تزوجت ..