السلام عليكم ورحمة الله تعالى وبركاته

عيد سعيد للجميع وكل عام وانتم بخير

اختي توفي وفيصل
بالنسبة لعطاء الزوجة هذا يرتبط لعطاء الزوج !! ايش يعني ؟؟ يعني اذا الرجال يستاهل انك تكونبن متفانية معاه وطيبة وحابة ادلعينة من باب رد العطاء انا اقولك عطية كل اللي عندك من دون تردد.

وإذا كان مايستاهل ف أكتفي انك تقيمي معة حقوقك الزوجية من فراش ومأكل ومشرب ونفس طيبة.

طبعاً الرجال بشكل عام يحب يكون في بيت اهلة سيد!!
يعني يرد من الدوام (إذا كان دوامة يكون فيه اكثر الوقت واقف مثل حظي) اتجهزين له طشت موية وتخلينة ينقع ارجولة فيه وادلكينها له مع كم كلمة حلوة وبوسة على الأيد وقولة الله يعطيك العافية !! والله انها عندنا يالرجال بالدنيا كلها.

الرجال يحب ان تكون زوجتة مطيعة له !!

يحب ان زوجتة اتجملة مع اهلة وربعة وناسة وترفع راسة بالذكر الطيب!!

يحب يشوف إبتسامتها ورضاها علية وبحياتها معاه!!

يحب ان تكون زوجتة واثقة فيه ومعتمدة علية إعتماد كلي!!

يحب ان تكون زوجتة متنفسة النفسي الوحيد في الدنيا وخندق اسرارة!!


إضاءة !!
-لا اوافق المثل الذي يقول (كوني له اماً يكن لكِ عبداً) ف هذه ك معنى خاطئة ، بل يكن لكِ أبناً صالحاً ، ولا اعتقد بأن الزوجة الصالحة تتمنى ان يكون زوجها عبداً لها!! وإلا لما احست برجولتة.
- الاخت التي تقول ان الرجل (في اوقات معينة) يحسن من تعاملة مع زوجتة ويعاملها معاملة كويسة عشان ماتردة لابغى افراشها ، ف هالشي ينوخذ منها من ورى خشمها ولابها مَنّة ولا جمالة ، والرجال اللي يسوي كذا ضعيف شخصية.

كل التقدير.

__________________
استغفر الله واتوب إليه