16-08-2012, 11:42 PM
|
المشاركة الأصلية كتبت بواسطة لكل شي حد
أختي أمل الأمه...
كل مره اشوف مواضيعج و اتردد في الدخول و الرد عليج... لأني ما أبي اقلب الموازين عندج... و لكن بعد رد زوجج الأخير أحس ان من واجبي اني اتكلم الحين... أختي العزيزه... بقول لج كلامي و انا انظر لج نظرة الأخت الكبيرة... اشوفج كأختي الصغيره اللي ما ابي مكروه يصيبها... أحترم كل الآراء اللي سبقتني... و لكني اخالفهم و بشده... و راح اذكر لج السبب... زوجج في آخر رد له قال لج " حين تقدمت لكي وقبلتي فأرجوا أن تحسبي أنكي قد أخذتي مجاهدا في سبيل الله أو سيكون مجاهدا وبإذن الله وظروف المجاهد أنتي تعرفينها . وقال لي مرة أخرى : إن قالوا لكي إختاري بيني وبين خدمة الأمة فأتركيني أنا وإختاري مباشرة خدمة الأمة " أختي الحبيبه... أبيج تفكرين في جملته هذي مليووووووووووووووووووووووووووون مره... لأنها تحتاج الوقوف مطولا عليها... أبي منج حاليا نظره مستقبليه لحياتج مع هذا الشخص... أبيج تفكرين في حياتج معاه بعد خمس+عشر+15 سنه مب بعد سنه او سنتين فقط... أبيج تفكرين في حياتج معاه و انتي عندج اولاد و بنات... أبيج تفكرين بعمق... لأنج محتاجه لهالوقفه حاليا.... و محتاجه للتفكير يا اختي... الحين بقول لج ليش انا أخالف اللي سبقوني... و بقول لج ليش طلبت منج النظره المستقبليه... لي اقارب شباب في سن زوجج... و بعضهم اكبر منهم... قرروا فجأه انهم يختارون الجهاد و ذهبوا و تركوا اهلهم بدون مال بدون اي شي... تركوا اهلهم و الديون اللي الناس يطالبونهم فيها هم على أهاليهم... تركوا كل شي بحجة الجهاد... و ما يعرفون عنهم شي من قريب السنه... تخيلي الوضع المادي اللي انتركوا فيه؟؟؟ تخيلي الهموم اللي تصيب اهاليهم كل يوم و هم ما يعرفون شي عن عيالهم... أحياء او اموات... وينهم بالضبط... ما في اي شخص يعرف... تواصلوا مرات قليله جدا مع اهلهم و برروا تصرفهم بنفس حجج زوجج... الجهاد و الإستشهاد و الجنه و الخدمه و خرابيط... اختي الغاليه.. الله سبحانه و تعالى أعطانا العقل لنميز الحق من الباطل... لنميز الصحيح من الخطأ... كلنا نحب نخدم الإسلام.. و نخدم الأمه الإسلاميه... بس العقل زينه و انا اختج... و الواحد لازم يفكر صح... تخيلي نفسج بعد سنين و عندج عيال و فجأه يقرر انه يروح الجهاد.. أو فجأه يقول لج انه مسافر و هو في نيته انه يروح يجاهد بس لأنه يخاف انج تمنعينه... يخفي هالشي عنج و يروح و بعدين يرسل لج انه راح يجاهد... احنا كلنا نقدر نجاهد بطرق معينه يا اختي.... و كلنا نقدر نخدم الأمه... و أكبر خدمة للأمة الإسلاميه تقدرين انتي و زوجج تقدمينها هي "تربية أبنائكم تربية صحيحة سليمه إسلاميه"... نقدر نساهم في خدمة الأمه بجمع التبرعات بكافة أنواعها و إيصالها للناس المحتاجه... خدمة الأمه ما تكون بس مع سوريا و فلسطين و الشعوب اللي عندها ثورات فقط.. لا يا اختي... احنا نقدر نخدم امتنا الإسلاميه من أي مكان على وجه الأرض و نوجه هالخدمة بطريقه صحيحه.. اختي... زوجج واضح و صريح معاج.. و كلامه يقول "إذا رحت للجهاد لا تزعلين و تتضايقين لأني اخترت خدمة الأمه و انتي تعرفين هالشي من قبل... و مب مهم عندنا عيال او لا.. لأن يا زوجتي العزيزه الله سبحانه و تعالى هو الحافظ و هو راح يحفظكم..." توقعي هذا الكلام من زوجج في المستقبل... و وقتها لا تستغربين.. صحيح الجهاد شي عظيم و رائع و منو فينا ما يبي الشهاده... بس ارجع و اقول... العقل زينه يا اختي... أختي... فكري بعقلج و مب بقلبج.... هل انتي حاسه باستقرار معه؟ هل حاسه بأمان؟ هل حاسه ان حياتكم بعد الزواج راح تكون مستقره ان شاء الله و مسائل "خدمة الأمه" ما راح تعكر صفوها؟ فكري و فكري و فكري.. صحيح ان ما في اي شخص في هالدنيا يقدر يضمن استقراره مع شريك حياته... و لكن بعض المعطيات تبين مدى امكانية الإستقرار من عدمها... |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري