شوفي رح احكي معك بكل صراحه
وتحمليني ياقلبي
والله عشان مصلحتك

كم مره حكينا وعدنا لااازم تنسي حسابات خطيبك القديمه

خلص شو بدك بوجع الراس

وحكيتلك هي عرفت نقطة ضعفك ورح تضل ترسل وترسل وترسل لحتى تنفصلي عنو
وهاد هو هدفها
لانو ماقدامها طريقه تستفزك فيها وترفعلك ضغطك الا الحكي

وبعدين شو حامل وماحامل
هالشي مابيتخبى
واولا واخيرا اهلو رح يعرفوا بهالشي ومستحيل يسكتوا

يعني كلو حكي فاضي منها عشان تاثر عليكي وعليه
وتحاول تخرب علاقتكم


انتي لازم تكوني اقوى من هيك
وتوقفي بوجها
ولا تردي عليها ولا تعطيها اهتمام نهائيا

واوعي تضلي تشكي بزوجك وتتهمي بالخيانه
هالشي رح يسبب له جرح منك ومو بسهوله حينساه
وغير هيك رح يمل منك ومن نكدك كل شوي من هالموضوع

خلص انسي وحاولي تنسي خطيبك كمان اللي فات
وتكوني انتي ملكته وسيده قلبه الوحيده

وع فكره كل شخص الو ماضي
ولو كل واحد ساوا متلك بتحاسبي ع الصغيره والكبيره
رح تخرب الدنيا

هي حياه وبدنا نمشيها ونتحملها بحلوها ومرها


وسيره الانفصال بدك تنسيها

وهلأ انتي لا تفكري بشي نهائيا
لانك معصبه
بس تروقي ادرسي الموضوع من كل الجهات
حددي شو سلبياتو وشو ايجابياتو
وشوفي مين اكتر
وبعديها قرري
طبعا بعد الاستخاره والدعاء

حاسه حالي حكيت كتيير

الله يكتبلك اللي فيه الخير
ويوفقك ياقلبي