السلام عليكم ورحمة الله تعالى وبركاته

اخوي مظيع
شخصياً متفق مع زوجتي من بداية زواجنا على اسس الحياة داخل بيتنا وخارجها ، على سبيل المثال قلت لها أمور بيتك هي شي يخصك ومالي اي حق ادخل بإختياراتك إلا اذا طلبتي مني ، لأن هي اللي بتقعد فيه اكثر وقتها وهي اللي بتستقبل فيه اهلها وصديقاتها ، وانا بيكون وقتي ثلثينة برا البيت اما في الدوام او في الزيارات العائلية والاصحاب. هذا من ناحية اثاث البيت وخلافة.

بالنسبة لمصروفها ف مالها عندي إلا نفقتها الشهرية مازود عليها ولا انقص إلا اذا كانت عندها مناسبات من افراح وحفلات وحتى مواليد صديقاتها ف أزيدها واجزل عليها ، وغير هذا ثلاجتها مليانة من خيرات الله وبيتها ماينقصة أي شي. مع ملاحظة اني ازيد نفقتها في حال زادت تكاليف الحياة وغلت.

بالنسبة للهدايا ف هذا شي يعود لي شخصياً وماني مجبور علية ولا اسمحلها انها تطلبنياها أبداً ولا أتجرأ اصلاً انها تطلبني كذا لانه والله العظيم عيب ولاهو من الذوق والادب ، ومع هذا انا بين فترة والثانيه اهديها ، ومتفق وياها بالنسبة حق الموبايلات ان كل ماغيرت تلفوني الشخصي اغير تلفونها معاي ، والقديم ابيعة واعطيها فلوسة تتمتع فيهم.

ف الاشياء هاذي ياخوي مظيع لازم تتفاهم فيها مع زوجتك من الآن ف اللي اولة شرط اخرة نور على شريطة انك تكون عادل معاها وماتقصر في حقوقها ابداً.

موفق.

__________________
استغفر الله واتوب إليه