السلام عليكم ورحمة الله وبركاته
كيفكم ان شاء الله بخير
اسمحو لي على التاخير بالرد بسبب انشغالي والله يشغلنا بطاعته وعبادته واعذروني عن عدم الرد على كل شخص منكم باسمه
انا دخلت اليوم بس علشان اطمنكم اني ولله الحمد شلت هالشخص من بالي وقلبي سبحان الله صد عنه وما صرت احن لسماع صوته وكلامه مثل قبل احس شي صدني عنه ونفسي عافته وهاليومين اللي راحو ما دقيت عليه ابد وهو لما يدق ماارد عليه وحتى هو ماعادت اتصالاته مثل قبل وهذا بفضل الله ثم بفضلكم وبفضل دعائكم لي وربي ماتتخيلون شلون مرتاحه نفسيا وقاعده الوم نفسي كيف صرت مثل المراهقات واني صدقت كلامه ووثقت فيه وانه ممكن يتزوج بنت تكلمه بالجوال بس الوحده والحرمان ومايسوي ولكن الحمد لله على كل حال والله يغنني بحلاله عن حرامه والله ياجرني ويعوض صبري خير ان شاء الله
اما بالنسبه لموضوع الطلاق موقفي منه ماتغير مقدر اكلم ابوي فيه واغثه في هالشهر الفضيل لانه هو اصلن مريض وتعبان وثاني شي لو طلبت الطلاق واللي اسمه زوجي في هالظروف اقصد مرضه الكل بيقول مافيها خير لما مرض تخلت عن زوجها وكل صبري بيضيع على الفاضي وهذا غير نظرة عيالي لي فمهما كان اسمه ابوهم
فانا بصبر لين الله يحلها من عنده وانا عندي رجاء وامل في الله كبييييييير انها بتنفرج وقريب ان شاء الله
نفسيتي مرتاحه والحمد لله على كل حال
مااقول الا الله لايحرمني منكم كلن باسمه والله يجزاكم خير الجزاء على دعاواتكم لي وان شاء الله في ميزان حسناتكم ومهما قلت وكتبت ما بوفيكم حقكم وربي
ومااملكم الا الدعاء لكم
واعذروني على الاطاله

__________________