شو بدي احكيلك لااحكيلك ياادفىء

والله خاطب من ناس طيبين وسمعتهم حلوه وقابلت ابوهم مره وصراحه ضيق صدري يقول انا راح اكتشف شخصيتك الخفيه ويقول انا جاني ناس كثير ورديتهم وحتى ولد عمها جاني ورديته !!
يعني مستقبلني بطريقه غريبه صراحه زي اللي يقول انت فرصتك في القبول 5 بالميه والباقي اتوقع ماراح اقبل فيك .....
وغير كذا اهلي ماشافوا البنت غير مره وحده في زواج ويمدحونها وانا لسا ماشفتها شوفه شرعيه
وسأل عني اتوقع
ولاكن لسا مااتصلوا عشان الشوفه الشرعيه
وغير كذا الجمعه اللي راحت فجاأه اتصل على الوالد وقال انا بصلي العصر واجيكم
طبعا ماكنت موجود واستقبله الوالد ويقول انك عاجبهم بس ماادري وش راح يصير
انا اهم شئ عندي البنت اذا اعجبتني واعجبتها ورضت فيني ورضيت فيها مايهمني احد لا ابوها ولا ابوي ولااحد
اهم شئ قلب البنت صافي وتكون مقبوله شكليا ومستعده تعشق وتنعشق
ماودي استبق الاحداث بس انشالله معدل التفاؤول مرتفع مع انخفاضات في بعض الاحيان كل مااتذكر كلام ابوها

بس متخوف من حاجه

اخاف اشوف البنت وتعجبني وانهبل عليها وبعدين يقعدون يعقدون الامور

والله ماعاد فيني حيل ينحرق قلبي الله يستر بس
تصدقين كل مااشوف فلم ولا مسلسل فيه حب ولا فيه لقطه عشق اغير على طول تجيني حالة غثيان