يا إخواني ويا اخواتي الكرام فكروا بعقولكم وليس بعواطفكم

الرجل هذا لو تمم زواجه على بنت عمه حياته بتكون جحيم وماراح ينسى سوابقها ابد ولاهي بترتاح ولا هو بيرتاح
تبقى حياتهم كلها شكوك في شكوك والرجل ماراح ينسى اخطائها ابد حتى لو جاملها مستحيل يسامح من قلبه في مثل هالأمور وراح يتخيل كل شئ صار بكل لحظة تمر عليه

وانا اشوف انه مايصلح ان تنصحونه يسامحها ويكمل معاها هذا ظلم لنفسه ولها وش ذنبه يجلس يعاني طول حياته معاها وهو يفكر في الماضي
خلوا الأخ يستخير ويشوف الحل اللي يريحه

والبنت ان كان تابت الله بيعوضها بإبن الحلال وتتزوج وتعيش حياتها
والرجل افضل حل يتركها ويدور غيرها افضل له واحسن لراحة باله

بعدين اللي يقولون البنت باقي صغيرة ترى يا إخوان في وقتنا الحاضر ماعاد فيه شئ اسمه صغيرة

اليوم اللي عمره 14او 15 صار يحب ويعرف اشياء نحن الكبار

مانعرفها الحين نحن في عصر السرعه في وقتنا الحاضر إذا ما انتبهنا على اولادنا وبناتنا وربيناهم على تعاليم الدين والفطرة السليمة والله انهم غير يضيعون في المدارس من رفقاء السوء وفي البيت التقنيات الحديثة ما خلت شئ

صار كل شئ في متناول ايديهم وصاروا يفهمون ويعرفون كل شئ

والبنت هاذي غلطت ونسأل الله ان يتوب عليها ويصلحها ويهديها لنفسها لاكن هذا مو معناته ان ولد عمها يضغط على نفسه ويتزوجها خلاص اذا نفسه طابت منها يتركها وربنا يرزقه بنت الحلال وهي الله يرزقها ولد الحلال

وهي تحمد ربها انه ستر عليها وما فضحها بين العائلة

خلاص كل واحد يشوف طريقه ماله داعي نحنن قلب الرجل ونقول له تزوجها على بال انه يتقبلها بعد الزواج وانها تغيرت وتابت والله حتى لو هي تابت الف توبة وقلب زوجها مهوجس وشكاك ماراح يصدقها ولا راح يثق فيها ابد

والحمدالله ان الرجل باقي ماتمم الزواج وهذا فضل من الله عز وجل علشان ماتتحول حياتهم كلها شكوك ووساوس ومشاكل وعدم ثقة
وهذا رحمة له وعبرة للبنت علشان تفوق من غفلتها وتتوب لرب العالمين

البنت الحرة الطاهرة العفيفة ماتغلط ولا تمشي بالطريق الخاطئ حتى لو حياتها كلها حرمان في حرمان تصبر وتحتسب
كل شئ عند الله عز وجل


وبعدين انا بقول شئ لصاحب المشكلة هو متأكد ان البنت وافقت عليه بكامل إرادتها ولاكان عليها ضغط من اهلها واسرتها

اخاف انها هي تبتكر مثل هالحركات علشان هو يكرهها ويقوم يطلقها بالذات انها اخذت فترة معاه بالمكالمات وشافت انه ليس هو بالرجل اللي تطمح فيه كفتى احلامها فقررت الإنفصال عنه بطريقة تكرههه فيها ويمكن الخطة بينها هي وصديقتها

ويمكن عملت كذا علشان انها واثقة انه ماراح يفضحها وبيطلقها على السكيتي بدون مايظهر الأسباب

ترى تصير بعض البنات عقولهم صغيرة ويتسمعون لنصايح صديقاتهم ويطبقونها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

__________________