أنا راح أتكلم عن قضية (أختفاء وهج الحب ) مع مرور الوقت..

أنا أشوف أن بما أن الحب (علاقه) بين شخصين فهو من من الطبيعي راح يتأثر بجوانب أخرى فشخصيات هالطرفين بمعني أخلاق كل منهما وسلوكه وتفكيره راح تلعب دور كبير لأن زي ماقلت هي (علاقه) الحب ليس عنصر وحيد فيها..

وهذي الأشياء متى تبدى تنجلي مع الوقت والمواقف..لأن فا البدايه زي مايقولون(الحب أعمى)تلقاه ينساق ورى مشاعره وتحكمه عاطفته وأحتياجه للحب فيتصور الشخص الي قدامه ملاك..وينعمي عن عيوبه ..
لكن زي ماذكرت مع الوقت العقل والمنطق راح يفرض نفسه في المواقف وخاصه أذا كان الحب عشره..

أنا ماأتكلم عن العيوب البسيطه الي تكون موجوده بكل أنسان..لا أنا أتكلم عن العيوب الي يمكن تحدث شرخ قوي بالحب أو تأذي الشخص الثاني..وتكون متعلقه بأخلاقه وسلوكياته..

مع أني أشوف فيه حريم زوجها موريها العين الحمرا ومع ذلك تحبه لأخر رمق..
ياخوي والله مدري الحب هذا شي غريب غامض..يفرض نفسه بدون أسباب ويستمر بدون أسباب ويختفي بدون أسباب وحنا مالنا الا نستسلم له النذل خخخ .. لا من جد الحب اصعب أن يفسسسسسر أو يحلل ..
وابسط تحليل عندي له أن شي خفي وقوه داخليه ماتلقى نفسك الا تستسلم لها مسلوب الأراده..
شكلي قمت أسولف مع نفسي خخخ والله من جد دخلتنا بمتاهات وألغأز..

ومتابعه معكم لين تفكون شفرته...