1- ولكن هل مازل تشعرين بالتفكير فيه أوتذكرهـ ؟
لاوالله ماافكر فيه
2- هل مازلتي تشعرين بإعجاب تجاهه ؟
لا معجبه في شخصيته لكن حب لاااااا وفعلا انا اكتشفت اني اتوهم بحبه لاني ابي اهرب من الواقع الي عايشته
3- ماالأشياء أو الصفات التي رسمت لك الإعجاب فيه ؟
هدووووووءه واخلاقه واحترامه
4- هل هو متزوج ؟
لا
5- أكتبي الأشياء الحميدة ( أوالمحاسن )التي ترينها في زوجك ؟ في أول سنة من زواجكما
كان يصلي ويمكن كان فيه شوية رومانسيه كان يعبر لي عن حبه بالاغاني يعني يسمعني اغنيه بس هذا كله تبخر الان

6- وكذلك الآن ؟
آآآآآآه الان والله ولا شي حلو احاول اتذكر بس مافيه
7- ما مدى العلاقة بينك وبينه الآن ؟
الان رجع من السفر له يومين وماكلمني هاجرني ولاسال عني حتى احيانا ارسل له بالواتس ولا يرد يعني استشيره بطلعه مع اهلي او لاي مكان واليوم اخذ بنتي عند اهله زياره 4 ساعات والله وكيلك اني بغيت اموت بكيت تخيلت اني مطلقه واخذ بنتي والله شفت الموووت لاني مو متعوده اخليها عند احد ابدا ولما جابها جلس مع اهلي وتقهوا ومشا من دون مايسال عني مع اني لبست واتجهزت اخاف يناديني ومااكون جاهزه قمة التحطيم مع اني كنت عارفه انه ماراح يسال
8- هل بينكم رسائل جوال أو مكالمات ؟ أومتى أخر عهد لك بها ؟
مابينا رسائل ارسل له وهو مايرد ومطنش للاخر مع ان اللي بينا مو مشكله كبيره
9- ماهو أخر وقت كان فيه معك على وضع جيد ؟( متى كان )؟
يمكن قبل اسبوع كان قبلها مسافر اسبوعين ورجع وجلسنا يومين مع بعض حتى مو يومين كامله وبعدها صارت المشكله لها اسبوع تقريبا
10- هل تأتيك منامات أو أحلام أثناء النوم ؟
لا
11- كيف تقضين يومك أو ماهو برنامجك اليومي ؟ .
والله ملل نوم _نت _فقط ماعندي شي احيانا اخوي يطلعني يمشيني بس مالها طعم الله يوفقه
اخوي عبدالله يمكن كثرت الكلام لكن انا والله بهم مايعلم فيه الا الله واللي زاد همي اهلي
صاروا يتضايقون من وجودي ويخافون من شي اسمه طلاق ابوي اليوم يتكلم معي وينصحني هو وامي وشوفي فلانه وشوفي علانه اللي تطلقت والي خذت شايب واللي ماتزوجت يعني ارضي بنصيبك
المصيبه انهم عارفين انه غلطان ويقولون لاتقولين له انو احنا عارفين بالمشكله عشان مايطمع فينا ويعرف ان احنا نتودد له يعني عااااارفين بضعفهم احبطوني زياده
والله ماادري وش اللي صار هل حسد او ايش انا البنت المحبوبه عند اهلي ومايرفضون لي طلب يعاملوني كذا كل خوفهم انو فلان وعلان يتشمت فيهم طيب انا وش ذنبي انا ماابي الطلاق ولو تطلقت مااحد بيتعذب غيري بس
مالي سند مالي احد يدافع عني اهلي بدال مايواسوني ضيقوها علي وكل شوي يسالوني ارسل شي اتصل
ابوي قبل شوي دخل علي وانا حزينه متضايقه وقال لي هاه ارسل قلت لا قال والله ان هذي الرجال الي ابوهم رباهم
كيف يقول كذا
رجال ليش لانه مطنشني لانه راميني عندك بدال مايواسيني ابوي يحبني ادري ومتضايق عشاني بس ليش كذا
يقولون لو تراضيتوا لاعاد تجين عندنا مانبي مشاكل طيب ياربي وين اروح انا حتى بيت ماعندي وزوجي عدوي
حاسه ان كل شي تسكر بوجهي مهمومه ومتضايقه والله لولا خوفي من ربي كان انتحرت
انا ابيك تدعيلي
وابي استشيرك هل ارسل له رسالة شوق او اي شي او اقوله تعال
مع اني عارفه انه ماراح يرد او يجي
يكبر راسه زياده لكن انا ابي اريح اهلي واريح نفسي
والله كرهته وعفته لكن ماابي الطلاق لسببين دراستي وبنتي
ماني عارفه هو وش يفكر فيه وليش هالهجر والله لو اضمن انو بعد طلاقي راح اتزوج على طول كان تطلقت ماهو حبا فالزواج لاوالله لكن ماابي اضيق على اهلي واخليهم يشيلون همي
ــــــــــــــــــــــــــــ